ئه‌م بزوتنه‌وه‌یه‌ که‌ لافی گۆڕان و تازه‌گه‌ری لێده‌دا پره‌ له‌ که‌سانی بکوژ و دیار که‌ خه‌ڵکی ڕوداوه‌کانی زۆر باش له‌ یاده‌ و هێشتا برینه‌کان ساڕێز نه‌بووه‌ به‌ تایبه‌تی که‌ زۆربه‌ی قوربانیانی ده‌ستی ئه‌م بکوژانه‌ زۆر ناڕه‌واو به‌ یه‌خسیری کوژراون.

وا دیسان یه‌کی ئایاره و یه‌کی ئایاریش وته‌کانی به‌کر عه‌لیمان بیر ده‌هێنێته‌وه‌. یادی ئه‌و خه‌باتگێڕه‌ ئازیزه‌ی بێ خانه‌ولانه‌کانی سلێمانی، ئه‌و شاعیره‌ هه‌ست به‌رز و ناسکه‌ له‌ دڵ و ناخمانا‌یه‌و تازه‌ یه‌کێکه‌ له‌و که‌سانه‌ی که‌ ده‌بێته‌ ڕه‌مزی ناڕه‌زایه‌تی خه‌ڵک له‌ یه‌کی ئایاردا له‌ دژی ده‌سه‌ڵات و  هه‌موو ئه‌و بکوژانه‌ی که‌ له‌ نێو بزوتنه‌وه‌ی گۆڕان و ده‌ره‌وه‌ی ئه‌م بزوتنه‌وه‌یشدان.

تائێستا زۆریک که‌ خۆیان به‌ خاوه‌ن قه‌ڵه‌م و نوسه‌ر ده‌زانن له‌ گه‌ڵ سالار عه‌زیز و سه‌رکه‌وتی کوببه‌ و نه‌وشیروان موسته‌فادا له‌ یه‌ک بزوتنه‌وه‌دان و هیوایان به‌وه‌یه‌ بکوژانی به‌کر عه‌لی و کۆمۆنیسته‌کان له‌ بزوتنه‌وه‌ی گۆڕان گۆڕانکاریان بۆ بکه‌ن.

که‌سانێک که‌ ده‌ستیان بچێته‌ کوشتنی جوانترین سونبوڵه‌کانی خه‌ڵک و ڕابه‌ر و شاعێره‌کانیان وبه‌ دیلی و له‌ که‌میندا بکوژن، ناتوانن و لێیان ناوه‌شێته‌وه‌ گۆڕان له‌ ژیانی خه‌ڵکدا بکه‌ن. به‌داخه‌وه‌ تا ئێستا دادگایه‌کی عادیلانه‌ نیه‌ له‌ کوردستان، ئه‌گینا هیچ حه‌ق نیه‌ که‌ به‌کر عه‌لی و کۆمۆنیسته‌کان له‌‌ ڕۆژی نیوه‌ڕۆدا و به‌ به‌رچاوی خه‌ڵکه‌وه‌ کوژراون و تا ئێستاش که‌مترین کار نه‌کراوه‌ بۆ سزادانی تاوانباران و قه‌ره‌بووکردنه‌وه‌ی که‌س و کاریان.