نیشتمان

باوکی دوین

جۆرێک له‌ که‌سه‌کان

خوین مژی یادی گه‌وره‌ن

ڕۆژنامه‌کان.........

    به‌ شانوشه‌وکه‌تی  پاشایه‌که‌

ووشه‌ی .... ده‌هۆنێته‌وه

ئه‌وه‌ منم

به‌دڵیکی .....پر ئازاری سه‌رده‌می سه‌خت

یادی گه‌وره‌یی خاکی تۆ

له‌ کاتی ته‌مه‌ن ئاوابووندا

یاد ده‌که‌مه‌وه‌

خه‌ونه‌کانی ئازاری دل

به‌ چرۆی خۆشه‌ویستیتان

خۆنچه‌ی ده‌کاته‌وه‌

پینووسی سه‌ر زاری هه‌ژار

ده‌نگدانه‌وه‌ی هاوارێکه‌

له‌ هه‌موو چرکه‌یه‌کدا

هۆنراوه‌ی خۆپه‌رستی

له‌گه‌ل یادی نه‌وه‌ی سوڵتانه‌

تێکه‌ل بووه‌

ڕوباره‌کان له‌ کاتی گرژی و هه‌ڵچوونه‌

هاوار ده‌که‌ن

قانزانج نه‌گاته‌ ده‌ست به‌رهه‌م..!

ژنان موڵکی تاپۆیه‌که‌

ده‌ست و پێوه‌ند

مۆری دۆلاری لی ئه‌ده‌ن

هه‌ژار ته‌نها جه‌سته‌یه‌که‌

که‌ ده‌ست وه‌ستا ڕۆحیش ده‌مرێت

به‌ خته‌وه‌ران له‌ یاسای باجی سزا

هه‌لدێن و

به‌یه‌ک حه‌ج  باجی سزا

هه‌رده‌م ئاڵو گۆڕ ده‌که‌ن

له‌ نیواندا

یادی سزای به‌خته‌وه‌ران

نامه‌یه‌که‌

هه‌رده‌م  له‌ گیرفان برسییه

تامی گۆشت

ته‌نها بۆ دان جیڕه‌کانه‌

ئیسقان بۆ سه‌گ هاخوود برسی

فه‌رقی نیه‌

خۆشه‌ویستی هه‌ژارانیش

لای به‌خته‌وه‌ر

نه‌گبه‌تییه‌‌