پێرستی سه‌ره‌کی

هاوڵاتی به‌ڕێز

هاوڵاتیانی به‌رێز!

هه‌ر دیارده‌یه‌کی ناشارستانی و پێشلکاریه‌کتان بینی یان هه‌ر زانیاری و دۆکۆمێنت و به‌ڵگه‌ له‌سه‌ر هه‌ر بوارێکه‌وه‌ (سیاسی و ئابووری‌ و كۆمه‌ڵایه‌تی و ئه‌منی‌ و حكومی‌ و حیزبی .. هتد ) ده‌ست ده‌که‌وێت.

هاوپشتی ڕێنمایی ته‌واو له‌‌ پاراستنی نهێنی و پره‌نسیبی کاری رۆژنامه‌وانی ئه‌کات.

له‌م ڕێگایانه‌وه‌ په‌یوه‌ندیمان پێوه‌ بکه‌ن

ئه‌م ئیمه‌یڵه‌ شاردواوه‌یه‌ له‌ مشه‌خۆره‌کان، پێویستت به‌ یاڤا سکریپته‌ بۆ بینینی

0046-31129990

چوونه‌ ژووره‌وه‌

کێ لێره‌یه‌

ئێستا 17 خوێنه‌ر ئه‌ڕوانێته‌ هاوپشتی

Visitor

سندیکه‌یت

ماڵپه‌ڕی هاوپشتی

ماڵپه‌ڕی هاوپشتی پشت به‌ستووه‌ به‌ Joomla

هه‌ڵبژارده‌یه‌ک

ئه‌نفال و هه‌له‌بجه‌

کرته‌ لێره‌ بکه‌

گه‌له‌ری هاوپشتی

گه‌له‌ری هاوپشتی بایه‌خی سیاسی و مێژوویی خۆی هه‌یه‌ ، له‌ وێنه‌کانتان بێبه‌شمان مه‌که‌ن !

سه‌ردێڕی بابه‌ته‌کان

ئایا ده‌سته‌واژه‌ی پاشماوه‌ شیاوتره‌ یان ڕزگاربوان، بۆ ئه‌و که‌سانه‌ی له‌ کاره‌ساتی ئه‌نفالدا ماونه‌ته‌وه‌؟

زیاتر بخوێنه‌ره‌وه ...

یادی " کۆمۆنه‌ی پاریس " هه‌میشه‌ زیندوو فێرکه‌ره‌

زیاتر بخوێنه‌ره‌وه ...

ئه‌رکی ره‌سه‌ن بۆ هزری نوێی کۆمۆنه‌یی ره‌سه‌ن

زیاتر بخوێنه‌ره‌وه ...

شه‌رمه‌زاریه‌کی دیکه‌ی ناسیۆنالیزم و نه‌ته‌وه‌په‌رستی!

زیاتر بخوێنه‌ره‌وه ...

ناسیونالیزمی كورد له‌ گه‌مه‌ی هه‌ڵبژاردنه‌كان و كێشمه‌كێشه‌كانی سیاسی عێراقدا

Tuesday, 01 December 2009

Sample Image ناسیونالیزمی كورد له‌ گه‌مه‌ی هه‌ڵبژاردنه‌كان و كێشمه‌كێشه‌كانی سیاسی عێراقدا

عه‌بدولا مه‌حمود

له‌و كاته‌وه‌ی ڕژێمی به‌عس له‌ده‌سه‌ڵاتخراوه‌و بۆشایی حكومه‌تی له‌ عێراقدا پێكهاتووه‌، جه‌نگێگی نه‌بڕاوه‌و نوێ پانتایی كۆمه‌ڵگای عێراقی داگرتووه‌. جه‌نگێگ نه‌ بۆ بنیاتنانه‌وه‌ی عێراق، نه‌ بۆ زامنكردنی مافه‌كانی خه‌ڵك و ئازادیه‌كان و مافه‌ فه‌ردی و مه‌ده‌نیه‌كان، نه‌بۆ له‌ به‌ینبردنی برسێتی و دابینكردنی خۆشگوزه‌رانی و

ژیانێكی سالم و ئینسانی، نه‌ بۆ كۆتاییهێنان به‌ داگیركاری و نائه‌منی و تیرۆریزمی هه‌مه‌ڕه‌نگ و هه‌مه‌ چه‌شنه‌ی ده‌ولی و غه‌یره‌ ده‌ولی، نه‌ بۆ گێڕانه‌وه‌ی ئیراده‌ی خه‌ڵك، نه‌ بۆ ده‌ستكۆتا كردنی ده‌ستێوه‌ردانی وڵاتانی كۆنه‌په‌رستی ناوچه‌كه‌و بانده‌كانیان، نه‌بۆ بنیاتنانه‌وه‌ی ژێرخانی داڕوخاوی ئابوری عێراق، نه‌بۆ ........... به‌ڵكه‌ بۆ میراتیه‌ك كه‌ به‌عس جێی هێشتووه‌.له‌ پێكهێنانی حكومه‌تی كاتیه‌وه‌ تا ده‌گات به‌ ئێستا و حكومه‌ته‌كه‌ی مالیكی، هیچ كاتێك نادۆزرێته‌وه‌ كه‌ كێشمه‌كێش و ململانێ له‌سه‌ر ده‌سه‌ڵات، به‌ڵام به‌گرتنه‌به‌ری نائینسانیترین شێوازی كێشمه‌كێش و ناجۆرترین كه‌لتورو، قه‌ڵبترین ڕێگا.... كۆمه‌ڵگای عێراقی دانه‌گرتبێت.كێشمه‌كێش له‌نێوان هێزه‌ قه‌ومی و ئیسلامیه‌كان، قه‌ومیه‌كان" ناسیونالیزمی عه‌ره‌ب به‌هه‌موو باڵه‌كانیه‌وه‌. ناسیونالیزمی كورد به‌هه‌موو باڵ و هێزه‌كانیه‌وه‌. تاڕاده‌یه‌كی زۆریش ناسیونالیزمی توركی. ئیسلامیه‌كانیش، به‌ شیعه‌و سونیه‌وه‌ به‌پشتیوانی لوجیستیكی و مادی هێزی ده‌ره‌كی،" له‌گه‌ڵ یه‌كتری به‌رجه‌سته‌ترین واقعه‌ی سیاسی كۆمه‌ڵگای عێراقی دوای به‌عس بووه‌.كێشمه‌كێش له‌سه‌ر پۆستی سه‌رۆكایه‌تی كۆمار، سه‌ره‌ك وه‌زیران، وه‌زاره‌ته‌كان، په‌رله‌مان و سه‌رۆكایه‌تی په‌رله‌مان، و په‌رله‌مانتاران، سه‌رۆكی پاریزگاو ئه‌ندامانی ئه‌نجومه‌نی پاریزگاكان.... تا ده‌گات به‌ قایمقایمیه‌ت و مدیر ناحیه‌كان. هه‌روه‌ها كێشمه‌كێش له‌سه‌ر بودجه‌، له‌سه‌ر ده‌ستورو هه‌مواركردنی، له‌سه‌ر سنور و پێشمه‌رگه‌، له‌سه‌ر فیدرالیزم، له‌سه‌ر یاسایی نه‌وت و غاز و سامانه‌ سروشتیه‌كان، له‌سه‌ر ناوچه‌ جێناكۆكه‌كان و كه‌ركوك و ماده‌ی 140، له‌سه‌ر جۆری په‌یوه‌ندی به‌ ولاتانی ده‌ره‌وه‌، له‌سه‌ر یاسای هه‌ڵبژاردنه‌كان!! ....تاد، كێشمه‌كێشێكی نه‌بڕاوه‌یه‌ له‌نێوان حزب و لایه‌نه‌ سیاسیه‌ بوژوازیه‌كانی عیراق.ئه‌م كێشمه‌كێشه‌ كه‌ هێزی چه‌كداری میلیشایی، ده‌ستێوه‌ردانی ئاشكرای ولاتانی ناوچه‌كه‌، باندی تیرۆیستی، له‌پشته‌. گه‌وره‌ترین هه‌ڕه‌شه‌ی سه‌ر ژیان و گوزه‌رانی خه‌ڵكی عێراق بووه‌، خه‌ڵكی عێراق قوربانی ئه‌م جه‌نگ و شه‌ڕه‌ن كه‌ ئه‌م هێزانه‌ له‌سه‌ر میراتی ده‌سه‌ڵاتدارتی به‌عس ده‌ستیان داوه‌تی و به‌رژوه‌ندیه‌ سیاسی و ئابوری و دنه‌دان و به‌كارهێنانیشیان له‌لایه‌ن وڵات و هێزه‌ خاوه‌ن به‌رژوه‌ندیه‌ ده‌ره‌كیه‌كان، ئاسۆیه‌كی نزیك بۆ كۆتاییهێنان به‌م دۆخه‌ ناخاته‌ پێش چاو. هه‌ڵبژاردنه‌كان كه‌ وابڕیاره‌ سه‌ره‌تای ساڵی داهاتوو به‌ڕێوه‌ بچێت، گۆشه‌یه‌كی تره‌ له‌ كێشمه‌كێش و شه‌ڕی هه‌مه‌لایه‌نه‌ی حزب و لایه‌نه‌ سیاسییه‌كانی عێراق، كه‌ ده‌یانه‌وێ له‌م ڕێگایه‌وه‌ شوناسی قه‌وم و تایفه‌و مه‌زهه‌ب، بۆ چه‌ندین ده‌هه‌ی دیكه‌ له‌ جێگای شوناسی هاوڵاتی بوون، جێگیر بكه‌ن.دیاره‌ له‌ عێراقدا نه‌هێزێك له‌ هێزه‌ سیاسیه‌ قه‌وم په‌رست و دینیه‌كان هه‌یه‌ بڕوای به‌ هه‌ڵبژاردن و دیموكراسی بێت و نه‌هیچكام له‌وانه‌ش فریوی گاڵته‌جاری هه‌ڵبژاردن ده‌خۆن. بۆهه‌موویان ئه‌وه‌ مه‌علومه‌ كه‌ هه‌ڵبژاردن و پرۆسه‌كه‌ی ته‌نها ناوو ڕوكه‌شێكه‌ بۆ داپۆشینی جه‌نگ و تیرور و كرێگرته‌یه‌ك، كه‌ به‌مه‌به‌ستی پچرینی به‌شی زۆری ده‌سه‌ڵات، گرتویانه‌ته‌ به‌ر.هیچ هه‌ڵبژاردنێك له‌ عێراقی ئیستادا، ناتوانێ ڕه‌سمیه‌تی هه‌بێت، وه‌ هیچ یاسایه‌كیش بۆ هه‌ڵبژاردنه‌كان ناتوانێت یاسایه‌ك بێت كه‌ كه‌مترین ڕێز بۆ ئیراده‌و خواستی خه‌ڵكی عێراق و ئازادیخوازی دابنێت. عێراق تا ئه‌م ساته‌ وه‌خته‌ هه‌م داگیركراوه‌و هه‌م ئیراده‌ی هه‌موو حزب و هیزه‌ سیاسیه‌كانی به‌شدار له‌ حكومه‌تدا، له‌ ده‌ره‌وه‌ی عێراقه‌وه‌ ئاراسته‌ ده‌كرێت. وه‌ هه‌موو هێزه‌ سیاسیه‌كانی به‌ره‌ی بۆرژوازی كه‌ ملیان به‌ هه‌ڵبژاردنیان داوه‌، له‌ ڕاستیدا ره‌مزی سوكایه‌تیكردن به‌ هه‌ڵبژاردن و دیموكراسی و پێكهاته‌ یاسایه‌كانن. خاوه‌نی میلیشاو باندی ئینسان كوژن. برانه‌وه‌و په‌سه‌ندكرنی هه‌ر یاساو بڕیارێك له‌سه‌ر هه‌ر مه‌سه‌له‌و كێشه‌یه‌ك نه‌ له‌په‌رله‌مان به‌ڵكه‌ له‌ده‌ره‌وه‌و به‌ گوشاری ئه‌مریكاو وڵاتانی ناوچه‌كه‌وه‌، گرێداوه‌. بۆیه‌ ده‌نگدان و هه‌ڵبژاردن له‌فه‌زای له‌م چه‌شنه‌دا، له‌گاڵته‌جاریش گاڵته‌جاڕانه‌تره‌.فه‌زایه‌ك كه‌ له‌عێراقدا بۆ هێنانه‌ ئارای باسی هه‌ڵبژاردن وه‌رێخستنی پرۆسه‌كه‌ی وه‌ریخراوه‌، به‌رهه‌می دیموكراسی یان كراوه‌ی كۆمه‌ڵگا نییه‌، به‌ڵكه‌ به‌رهه‌می ساغ نه‌بونه‌وه‌و كۆنه‌بونه‌وه‌ی ده‌سه‌ڵاته‌ له‌لایه‌ن یه‌كێك له‌ هێزه‌ سیاسیه‌ ئیسلامیه‌كان یان قه‌ومیه‌كان. به‌واتایه‌كی تر ته‌مه‌ركوز نه‌بوونی ده‌سه‌ڵات له‌لایه‌ن لایه‌نێكه‌وه‌ بواری داوه‌ به‌وه‌ی هێز و لایه‌نی تری خاوه‌ن میلیشیا به‌هۆی بوونی هێزی میلیشیایی و پیشتیوانی لۆجیستی و ماڵی وڵاتانی ناوچه‌كه‌، له‌ گۆره‌پانه‌كه‌دا خۆیان نیشان بده‌ن و نمایش بكه‌ن، ئه‌مه‌ش پێچه‌وانه‌ی ئه‌م بۆچون و ڕوانینه‌ هه‌ڵه‌یه‌ كه‌ پێی وایه‌ فه‌زای كراوه‌یه‌و دیموكراسی هه‌یه‌.بێگومان به‌شداریكردنی چالاك یان هه‌ڵسوڕان بۆ هه‌ر حزب و لایه‌نێكی سیاسی له‌و دۆخه‌دا بانگه‌شه‌كه‌ی هه‌رچیه‌ك بێت پێش مه‌رجه‌كه‌ی بوونی هێزی چه‌كداره‌. هه‌ڵبژاردنه‌كان و پرۆسه‌كه‌ی بۆ هه‌رهێزێك كه‌ بیه‌وێ به‌شداری بكات، ڕاست بێت یاچه‌پ، به‌شداری نییه‌ له‌ گه‌مه‌یه‌كی دیموكراسیدا، به‌ڵكه‌ به‌شدارییه‌ له‌ گه‌مه‌یه‌كی ره‌های سیاسی و سه‌ربازی و ئیقلیمیدا.له‌دۆخی ئێستادا كه‌ ئه‌مریكا هاوكات له‌گه‌ڵ به‌كرده‌وه‌ ده‌ست پێكردنی پاشه‌كشه‌ به‌ هێزه‌ سه‌ربازیه‌كانیدا له‌عێراقدا، ده‌یه‌وێ نیشابدات به‌ر له‌ پاشه‌كشه‌ی له‌عێراقدا، دیموكراسی جێخستووه‌. وه‌ ده‌یه‌وێت ئه‌م فریوكاریه‌ ده‌رخواردی ڕای ڕه‌سمی و گشتی دنیا بدات. ئه‌م سیاسه‌ته‌ وه‌كو وێسگه‌یه‌كی گرنگ له‌لایه‌ن ئه‌مریكاوه‌ به‌ده‌سته‌وه‌ گیراوه‌ تا ئابڕوی پاشه‌كشه‌كه‌ی كه‌ ئاكامی نائاكامی سیاسی و ته‌نانه‌ت سه‌ربازی بووه‌ به‌ڕوی تیرۆریزم و بانده‌كانیان كه‌م بكاته‌وه‌. له‌و گه‌مه‌یه‌شدا ئه‌وه‌ی گرنگ نییه‌ خه‌ڵكی عیراق و ئاینده‌كه‌یه‌تی.له‌دڵی دۆخێكی ئاواد دیسان مه‌سه‌له‌ی سه‌نگ و سوكی هێزه‌كان، فاكتێكه‌ ناكرێ نایده‌ بگیرێت. حكومه‌تی عێراق، حكومه‌تێكی ته‌وافوقییه‌، ئه‌م ته‌وافوقاته‌ به‌ گۆرینی سه‌نگ و سوكی هێزه‌كان، ئاڵوگۆڕی به‌سه‌ردا دێت و هاتووه‌. بۆیه‌ ئه‌مڕۆ سه‌رجه‌م كێشه‌كانی پێشوو، له‌ یاسای هه‌ڵبژاردنه‌كانه‌وه‌ تا ده‌گات به‌ده‌یان كێشه‌ی تری وه‌كو بودجه‌، یاسای نه‌وت و غازو سامانه‌ سروشتیه‌كان، ناوچه‌ كێشه‌ له‌سه‌ره‌كان، ماده‌ی 140، فیدرالی، هه‌مواركردنی ده‌ستور، دادگاكان، سنور، هێزه‌ چه‌كداره‌كان..... هه‌موویان به‌ شێوه‌یه‌كی تر مامه‌ڵه‌یان له‌گه‌ڵ ده‌كرێت. ئه‌و لایه‌نانه‌ی كه‌ هێزیان چه‌ند به‌رابه‌ر بووه‌، نایشارنه‌وه‌ كه‌ خوازیاری ته‌مه‌ركوزی ده‌سه‌ڵاتن، بانگه‌شه‌ی دیموكراسی و كه‌مینه‌و زۆرینه‌ ده‌كه‌ن، ده‌ڵێن ته‌وافوق له‌گه‌ڵ دیموكراسیدا نایه‌ته‌وه‌.......تاد. له‌به‌رامبه‌ریشدا ئه‌و هێزو لایه‌نانه‌ی كه‌ پێگه‌یان لاوازتر بووه‌ له‌ پێشوو، پێداگری له‌سه‌ر ته‌وافوقی ده‌كه‌نه‌وه‌و ده‌یانه‌وێت هه‌موو مه‌سه‌له‌كان به‌ ته‌وافوق بێت.له‌ نێو ئه‌م ڕیزبه‌ستنه‌ تازه‌یدا كه‌ له‌چوار ساڵی رابردودا پێكهاتووه‌، زۆر لایه‌ن لاواز بوون و هێندێكی تر به‌هێز بوون، هێندێكی تر له‌وپه‌ڕی پاشه‌كشه‌و تێكشاویه‌وه‌ هه‌ڵساونه‌ته‌وه‌و هاتونه‌ته‌وه‌ مه‌یدان، وه‌كو به‌عسیه‌كان كه‌ خۆیان به‌ نوێنه‌ری ناسیونالیزمی ڕه‌سه‌نی عه‌ره‌بی ده‌زانن. كێشمه‌كێشه‌كانی ئه‌م ده‌وره‌یه‌ له‌سه‌ر یاسای هه‌ڵبژاردنه‌كان به‌ڕۆشنی له‌ژێر كاریگه‌ری ده‌ورو گوشاری ئه‌م هێزو ڕیزبه‌سته‌ تازه‌یه‌دایه‌.به‌ڵام نابێ بیرمان بچێت، له‌نێو ئه‌م هه‌لومه‌رجه‌دا هه‌ندێك كێشه‌ هه‌ن، كه‌ دایكی كێشه‌كانن یان باشتر بڵێم كێشه‌ی ریشه‌یین و زۆرێك له‌كێشه‌كانی تر ده‌رهاویشته‌ی ئه‌م كێشه‌ ریشه‌یانه‌ن. له‌وانه‌ كێشه‌ی فیدرالیزم، ماده‌ی 140، كێشه‌ی كه‌ركوك، كێشه‌ی بودجه‌، كێشه‌ی ناوچه‌ كێشه‌ له‌سه‌ره‌كان، كێشه‌ی پیشمه‌رگه‌، یاسای نه‌وت و غازو سامانه‌ سروشتیه‌كان..... ئه‌مانه‌ هه‌موویان ده‌رهاویشته‌ی كێشه‌یه‌كی سه‌ره‌كیترن، كه‌ كێشه‌ی خه‌ڵكی كوردستانه‌. ڕیزبه‌ستن و هه‌ڵوێستی هێزو لایه‌نه‌ سیاسیه‌كانی عێراق، له‌وانه‌ ناسیونالیزمی عه‌ره‌ب به‌ قه‌ومی و ئیسلامیه‌كه‌یه‌وه‌، له‌به‌رامبه‌ر كێشه‌ی خه‌لكی كوردستاندا له‌ گشتیه‌تی خۆیدا هاوهه‌ڵوێستن. ناسیونالیزمی كورد هه‌رچه‌نده‌ به‌شداره‌ له‌ حكومه‌تی مه‌ركه‌زی ئێستادا، و لایه‌نێكه‌ كه‌ كێشه‌ی خه‌لكی كوردستانی بۆ سات و سه‌وداو بۆمانه‌وه‌ له‌ده‌سه‌لاتی مه‌ركه‌ز و درێژه‌دان به‌ده‌سه‌لاتدارتی به‌سه‌ر خه‌ڵكی كوردستاندا به‌بارمته‌ گرتووه‌. لایه‌نێكه‌ كه‌ هاوسه‌نگی هێز له‌ عێراقدا به‌ زیانی ته‌واو بووه‌. پێگه‌ی لاواز تر بووه‌. به‌هه‌مان شێوه‌ش ڕه‌وتی ناسیونالیستی عه‌ره‌ب له‌به‌رامبه‌ر به‌ ناسیونالیزمی ئیسلامی كه‌ڕه‌وت و هێزه‌ ئیسلامیه‌ سیاسیه‌كانن جێگه‌و پێگه‌ی به‌هێز بووه‌.تێكچونی ئه‌م هاوسه‌نگی هێزه‌، له‌نێوان ناسیونالیزمی قه‌ومی و ئیسلامی عه‌ره‌بی له‌گه‌ڵ ناسیونالیزمی كورد، زه‌مینه‌ی بۆ دوباره‌ چاوخشاندنه‌وه‌ به‌ هه‌موو كێشه‌ و ڕێكه‌وتنه‌كانی پێشوودا هێناوه‌ته‌وه‌ گۆڕێ.گوشاری ناسیونالیزمی قه‌ومی عه‌ره‌بی به‌ پشتیوانی وڵاتانی ناسیونالیستی عه‌ره‌ب، به‌تایبه‌ت له‌ په‌یوه‌ند به‌كێشه‌ی گه‌ڕانه‌وه‌ی به‌عسیه‌كانه‌وه‌ بۆ ناوپرۆسه‌ی سیاسی كه‌ كێشه‌یه‌كی بنه‌ڕه‌تی نێوان هه‌ردوو ناسیونالیزمی قه‌ومی و ئیسلامی عه‌ره‌به‌، به‌ قازانجی بزوتنه‌وه‌ی ناسیونالیستی قه‌ومی عه‌ره‌بی ته‌واو بووه‌، ڕاگه‌یاندنی ئه‌م دوایانه‌ی عه‌مار حه‌كیم له‌ عه‌مانی پایته‌ختی ئۆردون به‌وه‌ی كه‌ ده‌بێ ڕێگه‌ی به‌عسیه‌كان بدرێت بگه‌ڕێنه‌وه‌ ناو پرۆسه‌ی سیاسی ئاڵوگۆڕو ملدانێكی ئاشكراو پاشه‌كشه‌یه‌كی به‌رجه‌سته‌ی ناسیونالیزمی ئیسلامی و هێزه‌كانیه‌تی له‌به‌رامبه‌ر به‌ ناسیونالیزمی قه‌ومی و به‌عسیزم كه‌ به‌ناوی جۆراوجۆری تره‌وه‌ به‌عسیزم نوێنه‌رایه‌تی ده‌كه‌ن، هاوكات سازش و دانیشتنی ئه‌مریكا له‌گه‌ل به‌عسیه‌كان و هه‌وڵدان بۆ گێڕانه‌وه‌یان گۆشه‌یه‌كی تری ئه‌و حه‌قیقه‌ته‌یه‌، كه‌ ناسیونالیزمی عه‌ره‌ب له‌ ناوپرۆسه‌ی سیاسی عیراقدا، له‌ هێزو ڕه‌وتێكی تێكشكێنراو ڕاونراو ته‌رك خراوه‌وه‌، بۆته‌وه‌ به‌ یاریچیه‌كی بریارده‌ر له‌ كێشه‌و پرسه‌كانی عێراقدا. ئه‌مه‌ هێنده‌ی به‌ زیانی ڕه‌وه‌ته‌ دینیه‌كانی عێراق ته‌واو ده‌بێت، ده‌ به‌رابه‌ری ئه‌وه‌ به‌ زیانی بزوتنه‌وه‌ی ناسیونالیزمی كورد ته‌واو ده‌بیت. هاوكاتیش په‌یوه‌ندی ڕاسته‌وخۆی به‌ چاره‌نوس و ئاینده‌ی خه‌ڵكی كوردستانه‌وه‌ هه‌یه‌، به‌تایبه‌ت كه‌ تائێستا ناسیونالیزمی كورد له‌غیابی هێزی كاریگه‌رو به‌هێزی ڕه‌وتی سوسیالیستیدا، توانیویه‌تی مێژووی خه‌ڵكی كوردستان بۆ ڕزگاری له‌گه‌ڵ مێژووی خۆی بۆ به‌شداری له‌ده‌سه‌ڵاتی ناوه‌ندا تێكه‌ڵ بكات و سات و سه‌واد به‌ خواسته‌كانی خه‌ڵكی كوردستانه‌وه‌ بكات. له‌ونێوه‌دا كێشمه‌كیشی نێوان ناسیونالیزمی كورد و ناسیونالیزمی عه‌ره‌ب به‌ قه‌ومی ئیسلامیه‌كه‌یه‌وه‌، به‌رجه‌سته‌ترین كێشمه‌كیش و ململانێی سه‌ر ساحه‌ی سیاسی عێراقه‌. هێرش كه‌ ناسیونالیزمی عه‌ره‌ب به‌و مه‌وقعیه‌ته‌ی كه‌ به‌ده‌ستی هێناوه‌ له‌لایه‌ك و پاشه‌كشه‌یه‌ك كه‌به‌سه‌ر ناسیونالیزمی كوردا فه‌رز كراوه‌ و توشی بووه‌ له‌لایه‌كی تره‌وه‌، دیارده‌یه‌كی به‌رچاوه‌و به‌رهه‌می تێكچونی هاوسه‌نگی هێزه‌كانه‌. سه‌رانی بزوتنه‌وه‌ی قه‌ومی كورد نایشارنه‌وه‌ كه‌ ده‌ڵێن پاراستنی ده‌ستكه‌وته‌كان، یه‌كه‌مین ئه‌ركمانه‌. بێگومان ده‌سكه‌وته‌كانیش ئه‌و چه‌ند ماده‌و برگه‌ ناڕۆشن و مه‌تاتیانه‌ی ده‌ستورو چه‌ند ڕێكه‌وتننامه‌یه‌كن له‌سه‌روی ئیراده‌ی خه‌لكی كوردستانه‌وه‌ له‌ په‌یوه‌ند به‌ وه‌به‌رهێنان، بودجه‌، ماده‌ی به‌هیچ شوێنێك نه‌گه‌یشتوی 140، ....تاد. له‌حاڵێكدا ناسیونالیزمی عه‌ره‌ب و به‌ڕه‌وته‌ دینیه‌كانیشه‌وه‌، له‌هێرشدان بۆ كه‌مكردنه‌وه‌و نه‌هێشتنیان.ته‌نانه‌ت كار به‌وه‌ گه‌یشتووه‌، جاران یه‌كێتی و پارتی نیگه‌رانی ئه‌وه‌ بوون، كه‌ له‌ناوچه‌ كێشه‌ له‌سه‌ره‌كان، له‌كه‌ركوك زوڵمیان لێكراوه‌، كه‌چی له‌په‌یوه‌ند به‌یاسای هه‌ڵبژاردنه‌كانه‌وه‌ له‌سه‌ر بڕی كورسیه‌كان بۆ پاریزگاكانی كوردستان، هاوریان لێهه‌ڵسا كه‌ ئه‌مجاره‌ له‌ سلێمانی و هه‌ولێرو دهۆك زوڵمیان لێكراوه‌!!. یان ئه‌وه‌ی كه‌ بریاردراوه‌ له‌ كه‌ركوك هه‌ڵبژاردن بكرێت، به‌ده‌ست كه‌وت ده‌زانن، له‌كاتێكدا بۆیان ڕۆشن نییه‌ بۆچی ئه‌گه‌ر له‌ كه‌ركوك هه‌ڵبژاردن بكرێت و به‌چاوی تایبه‌ت سه‌یری نه‌كرێت، ده‌ستكه‌وته‌كه‌ی چییه‌؟ ئه‌مه‌ له‌ كاتێكدا دیسان كێشه‌ی كه‌ركوك به‌شێكه‌ له‌كێشه‌ی كورد، و به‌بێ چاره‌سه‌ری كێشه‌ی كورد، ممكین نییه‌ كێشه‌ی كه‌ركوك چاره‌سه‌ری كارسازو گونجاو بگات.ئه‌مانه‌ هه‌موو نیشان ئه‌ده‌ن ئه‌وه‌ی له‌ عێراقدا ڕووده‌دات، ڕه‌وه‌ندێكه‌ به‌ زیانی بزوتنه‌وه‌ی قه‌ومی كورد ده‌ستی پێكردووه‌. ئه‌گه‌ر بزوتنه‌وه‌ی قه‌ومی كوردو هێزه‌كانی به‌وه‌ی ئێستا رازین و هه‌وڵیان پارستنیه‌تی، ئه‌وا ئه‌مه‌ هیچی بۆخه‌ڵكی كوردستان تیانه‌بوه‌و نییه‌و خه‌لكی قوربانیه‌كی زۆر زۆری بۆ كۆتایی به‌كێشه‌كه‌ی داوه‌ نه‌ك بۆ ئه‌م چه‌ند ماده‌و بڕگه‌ كۆنه‌په‌رست و مه‌تاتیانه‌ی ده‌ستورو. یان ئه‌گه‌ر بزوتنه‌وه‌ی قه‌ومی كورد به‌ پاشه‌كشه‌كردنی زیاتریش مل بده‌ن، كه‌ ئاماده‌ن بیده‌ن به‌قیمه‌تی هێشتنه‌وه‌یان له‌ ده‌سه‌ڵاتی مه‌ركه‌زدا، له‌گه‌ڵ ئه‌وه‌دا ئه‌مه‌ بۆخه‌ڵكی كوردستان هیچ بایه‌خێكی نییه‌، به‌ڵام دیسان باجه‌كه‌ی خه‌ڵكی كوردستان ئه‌یده‌ن.كێشه‌ی خه‌ڵكی كوردستان، به‌ كه‌ركوك و ناوچه‌ كێشه‌ له‌سه‌ره‌كانه‌وه‌، كێشه‌یه‌كی سیاسیه‌ و پێویسته‌ له‌ ڕیشه‌وه‌ چاره‌سه‌ر بكرێت، چاره‌سه‌ری ئه‌م كێشه‌یه‌ش له‌ بنه‌ڕه‌ته‌وه‌ له‌گره‌وی ئه‌وه‌دا نییه‌، له‌ده‌ستوردا چه‌ند ماده‌و بڕگه‌ هه‌ن به‌قازانجی خه‌ڵكی كوردستان، یان به‌وه‌ نییه‌ له‌ هه‌ڵبژاردنه‌كاندا چه‌ند كورس به‌ر پارێزگاكانی كوردستان ده‌كه‌وێت و حزبه‌كان ره‌سمیه‌تی ده‌سه‌لاتیان له‌ ریگای ئه‌و كورسیانه‌وه‌ چۆن به‌كارده‌هێنن، یان بودجه‌كه‌ی چه‌نده‌، ماده‌ 140 چی به‌سه‌ر دێت، یاسای نه‌وت و غازو..... به‌ره‌وكوێ ده‌چن ...تاد، به‌ڵكه‌ له‌گره‌وه‌ی به‌ڕه‌سمی ناسینی ئیراده‌ی خه‌ڵكی كوردستاندایه‌، له‌گره‌وی ئه‌وه‌دایه‌ خه‌ڵكی كوردستان له‌پرۆسه‌یه‌كی ئازادانه‌دا، پرسی پێبكرێت كه‌ ده‌یانه‌وێ چ چاره‌نوسێك بۆخۆیان هه‌ڵبژێرن، مانه‌وه‌ له‌گه‌ڵ عێراقی ئێستا یان جیابونه‌وه‌و پێكهێنانی وڵاتێكی سه‌ربه‌خۆی سكولاری غه‌یره‌ قه‌ومی. جگه‌ له‌و ڕێگایه‌، هیچ هه‌ڵبژاردنێك، هیچ به‌ندو ماده‌یه‌كی ده‌ستوری، هیچ شێوازێك بۆ ڕێكخستنی هه‌رێم به‌ عیراقه‌وه‌، ناتوانێ وه‌لامی خه‌ڵكی كوردستان و كێشه‌كه‌ی بداته‌وه‌.خه‌ڵكی كوردستانیش هیچ ڕێگایه‌كیان به‌ قازانجی ئاینده‌یان له‌به‌رده‌مدا نییه‌، جگه‌ له‌ ڕێگای خۆ جیاكردنه‌وه‌ له‌ ئاسۆی بزوتنه‌وه‌ی ناسیونالیستی كورد، و كۆبونه‌وه‌ له‌ده‌وری بزوتنه‌وه‌ی سوسیالیستی ئازادیخوازی كه‌ مه‌رجێكی سه‌ره‌كی هه‌نگاونانه‌ بۆ بریاری یه‌كلاكه‌ره‌وه‌ی ئازادانه‌ بۆ مانه‌وه‌ له‌گه‌ڵ عێراقی قه‌ومی و ئیسلامی یان جیابونه‌وه‌و پێكهێنانی ده‌وڵه‌تێكی سه‌ربه‌خۆ، كه‌ ئینسان تیادا ئازادو ته‌سه‌ل و خۆشگوزه‌ران بێت. ئه‌و هه‌لبژاردنانه‌ی!! كه‌ بریاره‌ ساڵی داهاتوو به‌ڕێوه‌ بچێت، حه‌لقه‌یه‌كی تره‌ له‌ ڕاستای لكاندنه‌وه‌ی به‌زۆری كوردستانی به‌كرده‌وه‌ دابڕاوه‌وه‌ به‌عێراقی قه‌ومی و ئیسلامی كه‌ نه‌ك جێگایه‌ك بۆ یه‌كسانی مافی هاوڵاتی بوون ناتوانی به‌ڕه‌سمی بناسێت، به‌ڵكه‌ ناتوانێت بۆ داسه‌پاندنی به‌زۆری هه‌ویه‌ی قه‌ومی و دینی ده‌ست بۆ زه‌برو زه‌نگ و ملهوڕی و سه‌ركوتی سیاسی نه‌بات. ئه‌م ئیمه‌یڵه‌ شاردواوه‌یه‌ له‌ مشه‌خۆره‌کان، پێویستت به‌ یاڤا سکریپته‌ بۆ بینینی 29-11-2009

< پێشتر		دواتر >

[ گه‌ڕانه‌وه ]