دەواری ئاشتی

شیعر: فریدون مشیری
وەرگێڕانی: پشکۆ ناکام
“””””””’
گەر کەسێ جارێک لێ ی پرسیم
ئەو ماوەیەی وا لە ژیانای چیت کردوە؟
دەفتەری ژیانمی لەبەر دەمیا بۆ ئەکەمەوە
گریان و خەندە ئەگاتە ئاستی سەرم
ئەوکاتە ئەڵێم :
كە ” تۆو ” بەتازەیی پەرش و بڵاوە
تا چرۆ ئەکا…تا بەردار ئەبێ
زۆری ماوە

لە ژێر ئەم ئاسمانە شینە بێ کۆتاییە
لەهەر گۆرانیەک چەندین جەسارەتم هەبوە
ناوی سەربەرزی عەشقم دووبارە کردەوە
بەم دەنگە شەکەتە ، شایەت
خەوتوویەکم لە چوارلای ئەم دونیایە
بەئاگا هێنایەوە

من ستایشی میهرەبانیم کرد
من جەنگم بەرامبەر خراپکاری کرد
بە ووشک بونی چڵێ گوڵ. ئازارم کێشا
مەرگی “کەناری” لە قەفەسا، غەمباری کردم
لە ئاە وخەفەتی خەڵکا شەوی سەد جار مردم
شەرمەزاری خۆم نیم هەر وەک مەسیح
كە لەوێ هاواری حەسرەت بکرێ
من بە سەبووری ، لەژێر باری دەردەسەریا بووم

بەڵام گەر جەنگ لەگەڵ نا ووشیارەکانا
پێویست بە شمشێر هەڵگرتن بێ
بەرم لێ مەگرە
من بە ڕێ ی موحیبەتا ڕۆشتم

لە چاوی منا
شمشێر کە لە دەستا بێ
یانی کوشتنی کەسێ

ئەو ڕێ باریکەی کە پیایا تێپەڕیم
نا ووشیاری لە تاریکیا بوو بە ستەم
بڕوا بوون بە ئینسان
چرای شەوی من بوو
شمشێر ، شمشێری دەستی ئەهریمەن بوو
لەو نەبەردەیا
تاکە چەکی من ،گفت و گۆ کردن بوو

گەر شیعرم
لە فیکری ئاگرا نەفرۆشرا
بەڵام دڵم چەشنی تەختە
لەهەردوو سەرەوە سووتا

پەڕەکانی ئەم دەفتەرە
بخوێنەوە ، شایەت بڵێ ی
كە ئایا ئەکرا لەمە زیاتر بسووتێ
……….تۆ بڵێ ی

شەوانی بێ پایان نەنووستم
بە ئاشکرا پەیامی ئینسانم
بۆ ئینسان ووتوە
لە دەشتی دڕک و داڵی دوژمنان
ووتەکانم سرەوی دەواری ئاشتی بوو
شایەت کە زریانێکی قورس بوو
كە ئەبوایە ببوایە
تا بونیادی ئەم ئەهریمانە ڕیشە کێش بکرایە

باو و باپیران
ئامۆژگارییان هەبوە :
درەنگە….درەنگە
تاریکی ڕۆحی زەمینە
وەک ئێمە سەدان هێز
هاوار لە بیابانە

ئەبێ ” نوح” ێکی تر
و
تۆفانێکی تر
دونیایەکی تر دروست کا
و
لەوێشا سەرلە نوێ
……….ئینسانێکی تر

بەڵام ئێستا ئەم کەسە تەنیا بەسەبرە
بە کۆڵەپشتی پەرۆشی خۆی سپاردوە
تا لە دڵی ئەم تاریکاییە نوورێ
………بهێنێتە دەرێ
لە هەر لایەک ڕووناکی شیعر تێپەڕێ
ئەوا موعجیزەکانی ئینسان هەر ئومێد بەخشە
ئەوا موعجیزەکانی ئینسان هەر ئومێد بەخشە
………
“”””””””””””””””

 

Leave a Reply

Your email address will not be published. Required fields are marked *

*

%d bloggers like this: