ناڕەزایەتی خەڵکی کەمدەرامەتی ناوچەی تانجەرۆی سلێمانی، بۆ دابینکردنی ئاو، کردەیەکی ڕەواو بەرهەقە!

لەدرێژەی خۆپیشاندانو ناڕەزایەتیەکانی چەند گەرەکی شاری هەولێردا، سەرلەبەیانی ئەمڕۆ، ١٥ی ئابی ٢٠٢١، خەڵکی هەژارو کەمدەرامەتی ناوچەی تانجەرۆی سلێمانی بەهۆی بێ ئاویی و نەبوونی خزمەتگوزارییەکانی دیکەوە کۆبونەوەو خۆپیشاندانێکیان ئەنجامدا و رێگەی سەرەکی قەرەداغ-سلێمانییان داخست.
ئەم خۆپێساندان نارەزایەتیەی خەڵکی هەژارو کەم دەرامەتی ناوچەی تانجەرۆ، لەکاتێکدایە کە هەژاری و بێکاری و پەتای کۆڕۆنا ونەبوونی خزمەتگوزاریەکان وگرانبوونی بەنیزن وپێداویستیەکانی ژیانی ڕۆژانەی هاوڵاتیان، تادێت، لەژێر سایەی حکومەتی هەرێمدا، ژیانی خەڵکی هەژارو کەمدەرامەت بۆنێو تەنگانەیەکی کۆمەلایەتی فڕاوانەوە رادەکێشێ ولەگەڵ سەخی وناهەمتیەکی گەورەدا بەرەو ڕویان دەکاتەوە.
ئەم دۆخە ناهەموارەی هاوڵاتیان هۆکارو سەرچاوەکەی حکومەت ودەسەڵاتێکە، کەنەکەهەر بێدەربەستە بەرامبەر بەژیان و بژیوی خەڵکی هەژارو برسی، بەڵکو بۆ قازانجی سەرمایەو گیرفان پڕکردنی بەرپرسناو کۆمپانیاکان، ژیانی هاوڵاتیانی سپاردەوە بەبازاڕ وئەوەش هەرئەم دەسەڵاتەیەکە لەماوەی سی ساڵی حکومرانیاندا، ڕۆژ لەدوای ڕۆژ خەڵکی کرێکارو زەحمەتکێش گرۆدەی دەیان دەردو مەینەتی کردۆتەوە، بەرادەیەک کە ژیان کردن لەسایەی ئەم حوکمەتو سیستمەدا، بۆتە ئەگەرێکی مەحاڵ.
بێگومان دەستڕاگەیشتنی هاوڵاتیان بەئاو کارەباو خزمەتگوزاریەکان، لانی کەمی ئەرکی سەرشانی هەرحکومەتێکە، کەئیدعای بەڕیوەبردنی کۆمەلگا دەکات، بەلام حکومەتێک کە نەتوانێ ئاو بۆ هاوڵاتیانی دابین بکات، بەمانای ئەوەدێت. کەئەمە حکومەتە لەبەرژەوەندی خەڵکدا نیە وچیتر نابێ لەسەرکار بمێنێ.
ناڕەزایەتی خەڵکی کەمدەرامەتی ناوچەی تانجەرۆی سلێمانی، بۆ دابینکردنی ئاو، کردەیەکی ڕەواو بەرهەقە، کەوایە دەبێت جەماوەری مەحروم وخەڵکی گەرەکە کرێکاری و هەژار نشینەکان، بەفراوان کردنەوەی ناڕەزایەتیەکانیان وبەکۆبونەوەیان لەدەورییک وبەخەباتی یەکگرتوانەیان، فشارەکانیان لەسەر دەسەڵات توندبکەنەوەو یەخەی دەسەڵاتداران تا بەدیهێنانی خواستی دابین کردنی ئاو وخزمەتگوزاریەکان لەمیداندا بمێننەوە.
کۆمیتەی سلێمانی حزبی کۆمۆنیستی کرێکاری کوردستان لەگەڵ ئەوەدا پشتیوانی گەرمی خۆی بەخۆپیشاندان نارەزایەتیەکەی خەڵکی هەژار نشینی ناوچەی تانجەرۆ دەر دەبڕێ، هاوکات بانگەوازی جەماوەر دەکات کەلەگەرەکەکانی خۆیاندا لەدەوری یەک کۆببنەوەو نوێنەرانی دلسۆزی خۆیان هەڵبژێرن وڕیگانەدەن بەو لایەنانەی کەلەدەوری دەسەلاتن بۆ مەرمی گلاویان، بەناوی ئۆپۆزسیۆنەوە، هەوڵەکانیان بەلاڕیدا ببەن. خۆڕیکخراوبوون وکۆبوونەوە لەدەوری دابین کردنی ئاو وخزمەتگوزاریەکان ودرێژەدان بەنارەزایەتیەکان تا ئەوەی کەجەماوەر کۆنترۆڵی بوارەکانی ژیانو بژیوی وخزمەتگوزاری دەگرنەدەست، تەنها ڕێگایەکە بۆ چارەسەرکردنی نەبونی ئاو هەر خزمەتگوزاریەکیتر.
کۆمیتەی سلێمانی
حزبی کۆمۆنیستی کرێکاری کوردستان
١٥/٨/٢٠٢١

Leave a Reply

Your email address will not be published. Required fields are marked *

*

%d bloggers like this: