وەهم و ڕاستیەکانی کازمی

ابراهیم حسین:
کازمی هاتە کوردستان و جۆرێک خۆلیا و هەست کردن بە کرانەوەی دەرگاکانی ئە وتونێڵە تاریکەی کە بۆرژوازی لە کوردستان بەسەرژیانی مرۆڤی دا سە پاندوە،دروستکرد.خە ڵکێک کە ئومێدی بە هەر ئاڵوگۆڕێک و هه رباشبوونێکی ژیان لە دەستداوە وبە چاوی خۆیان دەبینن کە تەنانەت حەقی کارو زەحمەتێک کە دەیکێشن ،لێیان درێغ دەکرێ و تە نانەت ئومێدیان بەوە نیە کە بە فەڕزی درێژەکێشانی حاکمیەتی ئەم کەمایەتیە سەرمایەدارە زۆرگۆیەی کوردایەتی و ئەم شێوە ژیانە ، ٣٠-٤٠ ساڵی تر بتونێ کۆمەڵگایەک بهێنێتە پێش چاوی خۆی ، سیستەمێکی ئاو و ئاوەڕۆیەکی ڕێک وپێک و کارەبایەکی ٢٤ سەعاتە و پەروەردە و فێرکردن و لە یک وشەدا لانیکەمی ژیانێکی ئەمڕۆیی هه بێ، وەک بڵێی لە پڕ ، لە کاراکتەری کازمیدا، قارەمانی کرانەوە و دەرباز بوونی لەم تونێڵەی ژیان، لە سایەی دەسەڵاتی بۆرژوازی کوردایەتیدا ، دۆزیەوە.

بەڵام قارەمانی هاتولە بەغداد، کە لە پشتی خۆیەوە ، عێراقێکی وێران و هەلاهەڵای ژێر دەسەڵاتی میلیشیا و ئۆباشی قەومی و ئیسلامی ،عێراقی ژێرسایەی میلیاردێرەسەرمایەدارەکانی نەوت و جەنگ و وێرانی و سیناریۆی ڕەش، عێراقی بێ ئاو و کارەبا و بێ کاری و بێ ژیان و بێ شادی و بێ ئازادی ،بە جێ هێشت بوو، بە پێچەوانەی ئە و وێنایەی کە هاوڵاتیانی کوردستان وەک عینادی و دژایەتیەک بۆ دەسەڵاتی ئە و کەمایەتیە سەرمایەدارەی کوردایەتی ویستیان لە کازمی بە دەستیە وە، بدەن، بۆ ئە وە نەهاتبو کە موژدەی کۆتایی هاتنی ئە و تونێڵی ژیانە، ئە و بێ مافی و بێ بەشیە لەژیان، لەئازادی ، ڕابگەیەنێ. نەهاتبو تا حیسابی تە واوی ئە وسەروەت وسەرمایە ئەفسانەییە ی ئە م کەمایەتیە سەرمایەدارە بە بەهای سەپاندنی کاری هەرزان بە سەرچینی کرێکار، بە بە های سەپاندنی بێبەشیەکی هەمەگیری ئابوری و سیاسی و کۆمەڵایەتی، دەستی بەسەرداگرتوە ، بگە ڕێنێتەوە بۆ کرێکاران و کارکردوان و بۆ خاوانانی خۆی، بۆ ئە وە نەهاتبو کە ئیرادە و بڕیاردان لەچارەنووسی سیاسی لە دەستی ئەو کەمایەتیەوە بگەڕێنێتەوە بو کرێکاران و کۆمەڵگە خۆی،بۆ ئە وە نەهاتبو تا کرێ وموچه و هەموو کەسرەکانی سەروەتی دەستەبەسەرگیراوی کومەڵایەتی بگەڕێنێتەوە بەڵکو ڕێک بەپێچەوانەوە ، بۆ ئەوەهاتبو بەرلەوەی کۆمەڵگە وچینی کرێکار و جەماوەری برسی ،بێ ئومێدیان بگۆڕێ بە ئومێدپەیداکردن بەوەی کە ئاڵۆگۆڕو ژیانێکی باشتر، بە مەرجی دەرهێنانی کۆمەڵگا و دەسەڵات لە دەستی ئەو کەمایەتیە سەرمایەدارە ئیمکانی هەیە، ڕێگە و دەروازەیەک بۆ تێپەڕاندنی سەلامەتی ئەم قۆناغە پەیدا بکەن کە تیایدا دەسەڵاتی سەرمایە و بۆرژوازی کوردایەتی لەم فۆرمەی ئستایدا گەیشتۆتە ئەوپەڕی خۆی و کەوتۆتە ناکۆکیەکی بنیادی و لە چارنەهاتو لەگەڵ چاوەڕوانیە سادەکانی کرێکاران و جەماوەری بێبەش لە ژیانێکی شایستە ی مرۆڤ، لە ئازادی و خۆشبەختی و تە نانەت لە ڕوانگەی خودی سەرمایە و درێژەکاری و پارێزاوبوونی ئاسایشی سەرمایە لە پەلاماری ڕادیکاڵی خوارەوە، خەریکە دە گۆڕێ بە خاڵێکی لاواز ی بورژوازی خۆی، بە جۆرێک کە لە لە قوڵایی کۆمەڵگە ی ئەمڕۆی کوردستاندا، داجوڵانەوەیەکی گەورەی (نا)ی کۆمەڵایەتی خەریکە پێدە گرێ کە دەسەڵاتی بۆرژوازی و کوردایەتی لەسەر ژیان، لەسەر نان و کارو ئازادی گە مارۆداوە.
هەلومەرجێک کە تیایدا لە حاڵەتی ڕادیکاڵ بوونەوە و قوڵتربوونەوەی ناڕەزایەتی کۆمەڵایەتی و چاوڕوانیە ئازادیخوازانە و یەکسانیخوازانەکان و دیرێژەکێشانی ئەم پڕوسەیە ، ئیمکانی ئە وە دەهێنێتە پێشە وە کە بە هۆی پێویستی واقیعیی کرێکاران و جە ماوەری برسی بە کۆمۆنیزم ، لە پێنا و ئاڵوگۆڕ لەژیان و دەستڕاگەیشتنینان بە ئازادی و ڕزگاربوون لەدەسەڵاتی ئە وکە مایەتیە سەرمایەدارە، چینی کرێکارو کۆمەڵگە جارێکی تر لە مێژوودا ، ڕووبکاتەوە کۆمۆنیزمی خۆی .
سەرهەڵدان و بەهێز بوونی کۆمۆنیزمی ڕادیکاڵ و یەکسایخواز، وەکو ئامڕاز و چوارچێوە و پەرچەمی سەرجە م ئازادیخوازی و یەکسانیخوازی لە سیاسەت و کێشمە کێش لەسەر چارەنوسی کۆمەڵگە، ڕواڵەتی کێشە ی ئینسان و خە بات لە پێناو ئاڵۆگۆڕ دا لە بێخ و بنە وە دە گۆڕێ و ئە وکات تەنانەت خەبات لە پێاو نان و ئاو و لانیکەمەکانی ژیانیش چیتر وە ک سوبسید دان و ڕازی بوونی ناچاری بە هەلومەرجی ئێستا و بە دەسەڵاتی سەرمایە وئەو کەمایەتیە سەرمایەدارە نامێنێتەوە ، بەڵکو دە گۆڕێ بە بەشێک لە جوڵانە وەیەکی ئومێدەواری کۆمەڵایەتی کە دەیەوێ تەواوی ژیان بگۆڕێ، تەواوی ئازادی و تەواوی یەکسانی و خۆشبەختی ، وەک مافێکی سروشتی مرۆڤ وەک هەڵمژینی هەوا وەک ئۆکسیجین ،بە دەست بهێنێ و وە ک یاسای سروشتی کۆمەڵگە و ژیان،دەستەبەری بکا.ئیتر ئەمە ئە و کابوسەیە کە بورژوازی نایەوێ لە خەویش دا بیبینێ .

بورژوازی بە شێوەیە کی غەریزی و لە ڕوی هەستیاریە سیاسیەکەیەوە ، ئە و زەمین لەرزانەی کە لە قوڵایی کۆمەڵگە دا ڕوو دەدەن ئاسان دەبیستێ و هەستی پێدەکا. بە تایبەتی چەندین مانگ نارەزایەتی سەرشەقامی کرێکاران و خەڵکی برسی و لاوان لەشارەکانی عێراق و ڕیسواییەک کە خەڵک بە بەشداری نە کردنیان لە سێرکی هەڵبژاردن دا ڕوو بەڕوی بۆرژازیان کردەوە،بورژوازی فێر کرد کە سیاسی تر و وریاتر هە وڵبدا کۆمەڵگە جارێکیتر بهێنێتە پشتی خۆیەوە.

کازمی کارەکتەری ئەم سیناریۆی بە خۆ هاتنەوەی بورژوازیە لە هەلومەرجێکدا کە خاڵی وەرچەخانی گرنگ خە ریکن ڕوو دەدەن کە تیایدا بە جۆرێک چارەنوسی ئەم دەورەیە یەکلا دەبێتەوە، لە وانە مەسەلەی یەکلاکردنەوەی ئیختیاراتی فراوانی بورژوازی کورد لەچواچێوەی ئەو شێوە حاکمیەتە تا ئێستا یدا و و چارەنوسی میلیشیا وگێڕانەوەی مافی بە کارهێنانی چە ک و قەهری ڕێکخراو بۆ دەوڵەت و بە کۆتا هێنانی چەند سەرەیی لە بە کارهێنانی هێز و دەسەڵات و مەسەلەی دیایکردن و میکانیزمە ئەنتگرە و ئاسایی ترەکانی ئابوریەکی سە رمایەداریەکی پشت بە ستو بە هێزی کاری هەرزان.

کازمی ئە گەر قارەمانی شتێک بێ ، قارەمانی هەوڵ وتەقەلای ئەم نەوەیەی بورژوازی و بە تایبەت لەخێزانی ناسیوناڵیزمی عەرەبە، بۆ گەیشتن بە خاڵێکی هاوسەنگی سیاسی کە بتوانێ بە پێدانی هەندێک سوبسید ی کەم ولاوەکی بە چینی کرێکار وجەماوەری برسی ، دەوڵەت ودەسەڵاتێکی یەکدەستتر بسەپێنێ و دەسەڵات کە لەشەقامدا و بەسەرچەندین هێز دا دابەش بووە بۆ بورژوازی یەکلا بکاتەوە. بەڵام ئەوەی کە ئەم پڕۆسەیە چۆن دەچێتە پێشەوە و چەندەئیمکانی هەیە، بەلەبەرچاوگرتنی ڕێگری و کێشە و دابەش بوونە ستراتیجیترەکانی نێوخۆی بورژوازی و بوونی پێکهاتەیەکی جۆراوجۆری هێزگەلی فالانژ و چەکداری عقیدەتی و فناتیکی گرێدراوی کۆماری ئیسلامی و خودی مەسەلەی بوونی ئێران لە عێڕاق ، چارەنوسی ئەم پڕۆسەیە نادیار و ئاڵۆز دەکا.

بەڵام ئەم قارەمانە لە بەغدادە وە هاتوەی بۆرژوازی ، خۆی و دەسەڵاتەکەی لەگەڵ چینی کرێکار و کۆمەڵگە و جەماوەری برسی و نەوەیەکی لاو کە بۆنی ژیانێکی ئینسانی نە کردوە ، کێشەی هەیە. هەمان مەسەلەی هەیە کە بۆرژوازی لە کوردستان، لە هەولێرو سلێمانی لە گەڵ چینی کرێکار و جەماوەری برسی و نەوەی ئێستا هەیەتی کە داوای ۆشبەختی و ئازادی و ژیانێکی شایستەی مرۆڤ دەکا. لەگەڵ خەڵک و کۆەڵگەیەک کێشەی هەیە کە لە دەسەڵاتی کەمایەتیەکی کەمی سەرمایەدار کە هەژاری و بێبەشی و بێمافی سیاسی وئابوری و کۆنەپەرەستیان لەوپەڕی خۆیدا سەپاندوە، وەدەنگ هاتون. کێشە و مەسەلەی لەگەڵ چینی کرێکار و خەڵک و کۆمەڵگەیەکدا هەیە کە ئەم کۆنەپەرەستی و شێوە ژیانە پەستەی ناوێ و بە شایستەی خۆی نازانێ و لە دژایەتی و نەویستن وڕەتکردنەوەیدا ، چەندین مانگ لە مەیدانی شارەکاندا مانەوە و جە نگان و ئامادەبوون ڕووبەڕوی سەرجەم ئۆباشی چەکداری ئیسلامی و قەومی بورژوازی بوونەوە و پێش ئەوەش ڕیسوایی هەڵبژاردنیان بەسەربورژوازیدا ، ڕوخاند و هاواری ژیان و ئازادیان بەرز کردەوە.

سەرەنجام، لە کوردستانەوە تا بەغدا، جیدال و کێشمەکێش یەکێکە، کێشمەکێش و دەعوای دوو کەمپی کۆمەڵایەتیە. لەلایەک کەمپی بۆرژوازی بە هەموو کۆنەپەرەستی خۆیەوە، بە هەموو داژایەتی و دوژمنایەتی خۆیەوە بۆ ئازادی، بەهەموو ئەوپەڕخوازیەکەیەوە لە بەبەندکێشانی ژیان، لە بەبەند کێشانی ئازادی و مافی سروشتی بۆ ژیانێکی شادو یەکسان و لە چەوساندنەوە و لە سەپاندنی هەژاری و بەدبەختی وژیانێکی خوار شکۆ و حورمەتی مرۆڤ.لایەکی تر ی ئەم کێشمە کێشە،کەمپی چینی کرێکار و کارکردوان و ئینسانیەتێکە کە سەرباری قەهر و سەرکوتی بورژوازی، سەرەڕای ئە و مەهلەکەیەی کە بورژوازی بە ماکسیماڵترین شێوە زاڵی کردوە، هێشتا لەگەڵ کرانەوەی هەر دەرفەت و دەریچەیەکدا ، ئومێدی بە ژیان و عەشق و خولیای بۆ ئازادی و بە خۆشبەختی و ژیانێکی باشتر دە تەقێتەوە و سەر دەکا. کۆمۆنیزم سه ربەم کەمپە بەرین و مەزنە ئینسانیەیە. کۆمۆنیزمێک کە تەواوی ئازادی دەوێ، تەواوی یەکسانی دەوێ . ئەگەر ئەم مرۆڤایتیە زیندوە، چینی کرێکار لە جەنگیدا لە پێناو ئازادی و خۆشبەختی، لە خەباتیدا بۆ ڕزگاربوون لە کۆیلایەتی کاری بە کرێ و چەوسانەوە وزۆری سەرمایە و بوژوازی ، کۆمۆنیزمی خۆی بە دەست بێنێتە وە، ڕواڵەتی کێشمەکێشی چینایەتی لە بنەوە دە گۆڕێ و هیچ هێزێک توانای بەرگری و ڕاوەستانی لە بەرابەر ئیسانیەتێکی کرێکار و کۆمۆنیزمێک دا نابێ کە جێگە وڕێگەی سروشتی خۆی لە دڵی مرڤایەتی کرێکار و لە دڵی خەباتی مرۆڤایەتیدا لەپێناو ڕزگاری و ئاڵۆگۆڕ، بە دەست هێناوەتەوە.ئە مە ئەگەر دەست پێ بکات، ئە گەر نەوەی ئەم سەردەمە ی ئەم کۆمۆنیزمە ، بەم دەرک وچاوەڕوانیە و بە دەست پێکردن لەم پەیوندە قوڵ و لەم گرێخواردنە واقیعیەی کۆمۆنیزم بە چارەنوسی ئینسان و بە چارەنوسی ئازادی و خۆشبەختیەوە ، ئەم کۆمۆنیزمە و ئەم پەرچەمە بۆ چینی کرێکار و بۆ کۆمەڵگا بەردەست بکەن ، ئەو کات لەسەری هەرکوچەیەکدا و لە هەر گەڕەک و کۆڵان و کارگە و کارخانەیەک و بە پانتایی کۆمەڵگە، ڕیزی ئەو کۆمۆنیستە پڕ لە وزە وئیرادانە دەبینین کە ئامادەن ، چارەنوسی کۆمەڵگە لەدەستی ئە و کەمایتیە سەرمایەدارە دەربهێنن، دواکەوتویی بێدەنگ بکەن، هیچ کۆنەپەرەستیەک بێ وەڵام نەهێڵنەوە، ئازادی و ئینسانیە ت بە پێوە ڕابگرن و کۆمەک بکەن بۆ ئەوەی کۆمەڵگە لە بەبەرییەتی ئێستا تێپەڕێنێ.

ابراهیم حسین
١٧٠٩٠٢٠٢٠

Leave a Reply

Your email address will not be published. Required fields are marked *

*

%d bloggers like this: