حزبی کۆمۆنیستی فنلاند پشتگیری خۆیان بۆ کەمپینی ئازادکردنی گیراوەکانی کوردستان دەربڕی!

لەدرێژەی ئەو کەمپەینەی کە ڕێکخراوی دەروەی حزبی کۆمۆنیستی کرێکاریی کوردستان بەڕێیخستوە بۆ ئازادکردنی هەڵسوڕاوانی خۆپیشاندان وناڕەزایەتیەکانی ئەم دواییانەی شارەکانی کوردستان ودژ بەگرتنی خۆپیشاندەرانی لە لایەن دەزگا ئەمنیەکانی حکومەتی هەرێمەمی کوردستانەوە ،رۆژی ١٠/٩/٢٠٢٠ هەریەك لە مستەفا باهر و ڕێبوار عارف کادری حزب، سەردانی حزبی کۆمۆنیستی فنلاندیان کرد لە هلسنکی وە لە لایەن سکرتێری حزبی ناوبراوەوە بەڕێز (یوها پێککا (Juha-pekka ) وە پێشوازیان لێکرا. لەم کۆبوونەوەیەدا لەسەر بارودۆخی سیاسی کوردستان بەتایبەتی لەسەر خۆپیشاندانی ئەم دوایانەی خەڵکی کوردستان کە دژ بە نەبونی موچەو کەمی خزمەتگوزاریەکان و ڕژابونە سەرشەقامەکان و خۆپیشاندنیان ئەنجام دابوو قسەباس کراهەروەها لەسەر گرتنی ژمارەیەکی بەرچاو لەخەڵکی خۆپیشاندەر کە لە لایەن دەزگا ئەمنیەکانی حکومەتی هەرێمەوە دەستگیرکراون ،قسەوباسکرا ،هاوکات نامەیەکی ڕێکخراوی دەرەوەی حزبی کۆمۆنیستی کرێکاریی کوردستان ونامەی هەڵسوڕاوانی شارۆچکەی ڕانیەوە شارۆچکەی زاخۆ خرانە ڕوو. دوای تاوتوۆیکردنی بارودۆخە کە، بەڕێز( یوها پێککا)پشتگیری خۆیان بۆ کەمپەینی حزبی کۆمۆنیستی کرێکاریی کوردستان وداخوازیەکانی خۆپیشاندەران دەربری ڕاگەیاندو نامەیەك ئاراستەی حکومەتی هەرێم بکەن و بەتوندی ناڕەزایەتی خۆیان دەربڕن. هاوکات هەمان ڕۆژ لە ماڵپەڕی ئەو حزبەدا ڕاپۆرتی ئەم دیدارەیان بڵاو کردەوەو پشتگیری خۆیان بۆ ئەم کەمینە ڕاگەیاند.
لەبەردەوامبوونی ئەم کەمپەینەو چالاکیەکانی ئاگادارتان دەکەینەوە.
لینکی راپۆرتی حزبی کۆمۆنیستی فنلاند:

https://www.skp.fi/node/13572?fbclid=IwAR0bJQkoeEi5_eAn62650Dnuk5xJ7mtlRdkXedMgJCXS_szeG239eHLVrbo

ڕێکخراوی دەرەوە حزبی کۆمۆنیستی کرێکاریی کوردستان
١٢/٠٩/٢٠٢٠

Leave a Reply

Your email address will not be published. Required fields are marked *

*

%d bloggers like this: