لە سیلەی قەبران هاوارە

سەردار عەبدوڵلا:   

لە سیلەی قەبران هاوارە
کۆمپانیای قەبر ئەمجارە
هەموومان ئەدا لە سێدارە
وەرگەڕێ سەیارەکەت باببینم
جوان دەرچێ گیانی شیرینت
چەن خۆشە من مەرگی وا ببینم

لەسیلەی قەبران هاوارە
ئەم گۆڕە پارەی ئاو قەرزارە
کۆمپانیای گۆڕهەڵکەن لێی بێزارە
لێی خۆش نابێ بە اللە ئەمجارە
تێی بەرئەبن بە ئێڵتی و حەفارە
ئێسکیشی ئەکوتن بە کەسارە

لەسیلەی قەبران هاوارە
ئیزرائیل و ئەڕنەموکە ئەمجارە
ستافی کۆمپانیای قەبرە بیزانە
خەبەر بەرن بۆ خزمانم
پارەی کارەبا زۆر قەرزارم
بیکەن بە قیست بەخوا ناتوانم

لە سیلەی قەبران هاوارە
سەرقەبرانیش بوو بەپارە
حاکم نایکا حوکمی ئەم شارە
هەموو لە گیانی خۆی بیزارە
وەرگەڕێ باڵات باببینم
بادەرچێ گیانی شیرینم
کۆمپانیای قەبر بیگێڕێ شینم

لە سیلەی قەبران هاوارە
مەلاو قورئانخوێنیش هی خۆمانە
بردنیش بۆ بەهەشت کارئاسانە
لۆمەمان نەکەن بڵێن گۆڕ گرانە
عەزابی قەبر لامان زۆر ئاسانە
مەرحوم بەنج ئەکەین بەم دەرمانە

لەسیلەی قەبران هاوارە
کەس نەمرێ مەسرەف گرانە
چاکسازیش هیچ بەخوا بیزانە
کولونەفسون زائیقەتول مەوت
بمان سووتێنن بە ئاگر و نەوت
رزگارمان کەن لەکۆمپانیای مەوت

Leave a Reply

Your email address will not be published. Required fields are marked *

*

%d bloggers like this: