تۆفان لەئەمریکا! قسەیەک لە بارەی جوڵانەوەی (ژیانی ڕەش گرنگە)

ئیبراهیم حسێن:  
ئەمریکا لەتۆفانێکی ناڕەزایەتی کۆمەڵایەتی دا دەژی و ئەوتۆفانە خەریکە سەردەکێشێتە ئەوروپا.ڕواڵەتی مەسەلەکە کوشتنی پڕئازارو خوێن ساردانە وپڕلە سوکایەتی ئینسانێکی ئەسمەرە.بێگومان ئەمە لەیەکەم نیگادا ڕاستە وکاردانەوەی بەرحەقی کۆمەڵگایە بە رامبەر بە دەستدرێژی کردنێکی حقیرانەبۆ سەرژیانی ئینسانێکی ئەسمەر. بەڵام تەنیا کاردانەوەیەک نیە بە اجحاف ودەسترێژیەکی فەردی ،بە کارێکی لەدەستدەرچوو لەکاتێکی دیاریکراودا ،بەڵکو لەجەوهەرداکاردانەوەیەبەرامبەربەاجحاف ودەستدرێژیەکی کۆمەڵایەتی کەسەرمایە ونیزامی کۆیلایەتی کاری بە کرێ ودەوڵەت ودەسەڵاتی بۆرژوازی لە ژیانی کۆمەڵایەتی وئابوری فەرهەنگیدا جێی خستوە. جوڵانەوەی (ژیانی ڕەش رنگە)پەرچەمی ئەم( نا)یە یە بەم واقیعیەتەقێزەونە. ئەم جوڵانەوەوتۆفانەخیابانیەکەسەرۆک کۆماری دنیای دیموکراسی لەکۆشکی سپی داگەمارۆدا و خەریکە دیموکراسی ڕۆژئاوابە تەواوی وەحشیگەرکەیەوە، بەتەواوی پۆلیس وقەهروسەرکوتیەوە ی کێشاوەتە بەرامبەر لێپرسینەوەودادگای ویژدانی ئازادیحوازی مرۆڤایەتیەوە، بەجۆرێک کە ترامپ ،ئەم فەخرەی دنیای دیموکراسی و تاکپەرەستی بورژوازی، هێنایە پای هەڕەشە وڕایگەیاندکەئەوان سەگی زۆرهارترو دڕندەتریان هەیە کەبەریانبدەنەگیانی خەڵک وئەگە ئەوەش دادی نەدا سوپایەکی بەهێزیان هەیە کەسەرکوت دەست پێبکا. بێگومان ئەمە ڕەنگەشۆکێک بێ بۆ کەسانێک تاچەند دەهەلەمەوپێش وابیریان دەکردەوە کەسەرمایەداری نەک هەرمومکین ترین بەڵکوخوازراوترین شێوەی ژیانە بۆمرۆڤ وبۆخۆشبەختی وئازادی نەوعی مرۆڤ. بەڵام تازەمرۆڤایەتی خەریکەپێ دەنێتەیەکێک لەچارەنوسسازترین هەلومەرجی مێژووییەوە کە تیایدابەپێی نیازوپێویستیە ماددی وواقیعیەکانی ژیانی کۆمەڵایەتی خۆی وبە ناچاری چاوی بەسەرئەوواقیعیەتەبنەڕەتیترانەداکە ڕێگری خۆشبەختی وخۆشگوزەرانی وئازادی مرۆڤن،سەرچاوەی تەحقیروپەستی وداماوی ئابوری وکۆمەڵایەتین،بەسەر واقیعیەتی ژیان لەنیزامی کۆیلایە تی کاری بەکرێدا،دەکرێتەوە. دیموکراسی ڕۆژئاوا وەک ڵانی هەرەزۆروئەوپەڕی شانس وبەشی مرۆڤ لەژیان وئازادی کەسەرمایەوبۆرژوازی دەتوانێ بیدا،بەوپەڕی خۆی گەیشتوە وئێستا دیارەکە خودی ئەم لانی زۆرە لە ئازادی وسعادەت کەبورژوازی دەتوانێ بە بشرییەتی بدا ،چەندپەست وناکۆکە بە ئازادی و خوشبەختی واقیعی مرۆڤ. بەکورتی ئەوەی لەئەمریکاداڕودەدا مێژووکردەو مۆری دینامیزمەبنەڕەتیترەکانی مێژووی هەڵگرتوەوسەگە هارترەکان وپۆلیس وسوپاوقەهری دەوڵەتی بۆرژوازی هەرچەندەش هارودڕندەتربن و،هەرچەندیش بتوانن سەرکەوتنی لێرەولەوێ بەدەست بهێنن، بەڵام ئیتر دوردێتە بەرچاو کەبتوانێ سەرکەوتنێکی درێژخایەنتر بەدەست بهێنن وئەم بێداربوونەوەوچاوکرانەوەی بەشەرییەت بەسەر پێویستی ولەئیمکاندابوونی ئازادی وخۆشبەختی بگەڕێنێتەوە چوارچێوەی ڕیوایەتی قەڵب و پەستی بورژوازی لەژیان ولە ئازادی . مێژوو لەگەڵ کۆرۆنا و کوشتنی حقیرانەی جۆرج فلۆیدلاپەڕەیەکی تازەی کردەوە کە یەکەم دێڕەکانی بە ڕاگەیاندنی نەفرەتی گشتی لەجوڵانەوەیەکی خیابانی کە لە تایتڵی (ژیانی ڕەش گرنگە) بۆ بەرگری لە خودی بەهای ژیان وقودسیەتەکەی ،دەستی پێکرد وخەریکە لە باری مێژووییەوە،وەک پێویستیەکی مێژووکرد و چارهەڵنەگر ئەمری ڕزگاری مرۆڤایەتی لە دەسەڵاتی غۆلی پیرولەپێکەوتوی سەرمایە ودەسەڵاتەکەی ،دەخاتە گرەوی هێزوقودرەتی کرێکارو چینی کرێکاری کرێگرتەو کۆمۆنیزمی یەکسانیخوازی ئەم چینەوشۆڕشی کرێکاریەوە.بەشەریەت دەبێ لەوجەنگە دا سەربکەوێ و بۆ سەرکەوتن لە و جەنگە سەرکەوتنێکی کریکاری تر پێویستە،سەرکەوتنێک کە مانیفێستی کرێکار بۆئازادی وخۆشگوزەرانی نەوعی مرۆڤ دەباتە سەنتەری سەرجەم خەباتی دنیای متمندنەوە. تائەوکاتە تەواوی هەوڵی مرۆڤایەتی بۆ دەستڕاگەیشتن بە ئازادی و خۆشکوزەرانی واقیعی وبە کۆمەڵگای ئازاد و ئیشتراکیی مرۆڤی ئازاد ،وەک ئۆتۆپیایەک ،خولیایەکی ڕەسەنی بەدینەهاتوو لە مێژوودا دەمێنێتەوە.

Leave a Reply

Your email address will not be published. Required fields are marked *

*

%d bloggers like this: