بیروڕا

بنەماڵە گەندەڵترین ئۆرگانی ناو کۆمەڵگە و ھۆکاری توندوتیژی بەدژای ژنان

ھەتاو عەبدوڵاھی :     

ئەگەر بمانەوێ پێناسەیەک لە بنەماڵە بدەین دەتوانین بڵێین یەکەیەکی کۆمەڵایەتی پێکهاتوو لە ژن و پیاوە کە لە ئاکامدا مناڵیان دەبێ و لەناو کۆمەڵگەیەکی بچووک بەیەکەوە ژیان دەکەن. هەڵبەت پێناسەیەکی تر لە بنەماڵە ئەوەیە کە چەند کەس بەهۆی بوونی بەرژەوەندی هاوبەش لەناو ماڵێک و لە شوێنێک دەژین Read More »

لە یادی٥٣ ساڵەی ئیعدامی (چیگڤارا)دا

سەردار عەبدوڵا:

دەوڵەتی کۆنەپەرستی بۆلیڤیا لە بەرواری ٩ ی تشرینی یەکەمی ١٩٦٧ چیگڤارای بە دیل کراوی ئیعدام کرد. ئەم تاوانە تا هەتایە وەک پەڵەیەکی ڕەش دەمێنێتەوە لە مێژووی ئەم دەوڵەتە سەرمایەداریەدا. چیگڤارا یا وەک لای خۆمان پێی دەووترێ جیڤارا لە ڕووی کۆمەڵایەتی وسیاسییەوە سەر بە کام دەزگای فیکری بوو؟ چەپ بوو یا کۆمۆنیست بوو؟ بۆ وەڵامی ئەم پرسیارە باشترە سەرەتا شتێک لەسەر ئەم دوو وشەیە.. بڵێین، جیاوازیەکە تەنها لە دەربڕینی دوو ووشەی چەپ و کۆمۆنیست دا نییە Read More »

١٦ ئۆکتۆبەر ئەڵقەیەک لە نۆکەر پیشەیی!

عەبدوڵا مەحمود:     

لە ١٦ ئۆکتۆبەری ٢٠١٧، باڵێکی ناو یەکێتی نیشتیمانی کوردستان، باڵی میراتگری تاڵەبانی، دەستیان خستە ناو دەستی سوپاو حەشدی شەعبی و قاسم سلێمانی، بۆ هێرشی چەکداری بۆسەر شاری کەرکوک و ناوچە کێشە لەسەرەکان. لەم کردەوە نۆکەرپیشەیەدا، ژمارەیەکی زۆر لەخەڵکی ئەو ناوچانە ئاوارەبوون، Read More »

سەرکەوتن ..

 هەژار نامیق:    
ڕۆژێک قەلێک دەچێتە لای مانگایەک و بێ دەڵێت دەمەوێت بفڕم مانگاکەش دەڵێت نهێنی سەرکەوتنت ئەوەیە کە دەبێت لە (تەپاڵەکەی ) من بخوێت قەلەکەش چونکە حەزی بە سەرکەوتن هەیە گوێ پێ نادات و ڕازی دەبێت و لە پیسی مانگاکە دەخوات و دەفڕێتە سەر درەختێک لەوێ لە خۆبایی دەبێت کە من قەلێکم و ئەتوانم بفڕم دەست دەکات بە خوێندن بە سەر لقی دارەکەوە ، ڕاوچیەک لەوێ تێدەپەڕێت و گوێ لە دەنگی قەلەکە دەبێت و ڕاوی دەکات و دەیباتەوە لە گەڵ خۆی .. Read More »

بورژوازی لە ڕاشکاوی دا

ابراهیم حسێن:   
بارزانی کوڕ بە ڕاگەیاندنی ڕاشکاو و بێ ئەملاوئەولای بە رنامە وئەجێندای حوکومەتەکەی سه بارەت بە تایبەتی کردن و فرۆشتنی کەرتی کارەبا و خزمەتگوزاری و سەکتەرە گرنگەکانی ژیان بەکۆمپانیاکان و بازاڕ ، زەنگی قۆناغێکی تری جەنگی بێ ئەمانی خۆی وچینەکەی لە دژی چینی کرێکار و بێبه شانی کۆمەڵگەی ، لێدا. Read More »

ئەم جارەیان نۆرەی شۆرتی کارەبایە!

کامل احمد:
من لە دوو ووتاری تردا سەبارەت بە “چاکسازیەکانی” ئەحزابی دەسەڵاتداری کوردستان کە لە ژێر خێمەی “حکومەتی هەرێم” دا دەیانەوێت بیبەنە پێشەوە سەرنج و پێشنیارەکانی خۆم خستۆتە ڕوو. لە کۆتایی ئەم ووتارەدا، لینکی هەر دوو ووتارەکە دادەنێمەوە تا خوێنەر بتوانێت بە شێوازێکی ڕۆشنتر و لە گۆشەنیگایەکی چینایەتیەوە پەی بەو ڕاستیە بەرێت کە چۆن ئەم Read More »

ئاخووندەکانی کۆماری سێدارە درێژە بە تاوانەکانیان دەدەن
رەزا شوان:
گەلی کوردی تێکۆشەر و خۆڕاگر و کۆڵنەدەر و شۆڕشگێڕ و قارەمانمان لە رۆژهەڵاتی کوردستان دا، لە پێناوی رزگـاری کوردستان و ئـازادی کورد و بەدستهـێنانی مافـە رەوا نەتەوەییەکانمان، بە گێانێکی خۆبەخشین و بە رۆحییەتێکی زۆر بەرزەوە، Read More »

فاشیلترین و بێ ئاکارترین دەسەڵات

شێرکۆ حەمەئەمین:

ئەم دەسەڵاتە چەتەییەی، لە ھەرێمی کوردستاندا حاکمە،گوایە خەڵک دەنگی پێداون و ئەمانی بە شایستە زانیوە، ئەو دەنگدانەی،کە بەنزیکەی لە ٦٠./ سەدا شەستی خەڵک بەشداری نەکروە و لە کۆی نۆ ئەندامی کۆمسێۆنیش چوار ئەندام واژۆی، لە سەر ئەنجامی کۆتایی نەکردوە و بەساختەیان داناوە، تەنیا نوێنەرەکانی پارتی و یەکێتی بەڕێکەوتنی پۆشینی تەزویری ھەردولایان واژۆیان، لەسەر ئەنجامی کۆتایی کردوە، لە ڕاستیدا، لە بەرئەوەی ئێمە دەوڵەت نین و ھەرێمین، بۆیە چاودێرانی نێودەوڵەتی و ڕێکخراوەکان گوێی نادەنێ و زۆر لەسەری ناڕۆن، ھێزەکانی دەرەوەی پارتی و یەکێتیش بەبەشی خۆیان ڕازین و بەزیادی دەزانن، بۆیە ھەمو ناڕەزایەتیەکانیان، لە بەیاننامە دەرکردن زیاتر نییە و ئەنجامەکە و گۆشتاوەکەش قبوڵ دەکەن، ئەگینا ئەو ھەڵبژاردنەی مەسرور بارزانی شانازی پێوەدەکات، ھیچ پێوەر و ستانداردێکی ھەڵبژاردنی پاک و نەزیھی تێدانەبوو، لەھەر شوێنێکی تری دنیا بوایە ھێزەکان ڕەتیان دەکردەوە و شەقامیان دەجوڵاند.

ئەم حکومەتەی ئێستا،کە بەرھەمی ئەو ھەڵبژاردنەیە، ھەر وەک ھەڵبژاردنەکە فاشیل و نوقمی قەیران و بێ باکییە، بەڵام ھێندە ڕوقایم و بێشەرمن ھەر خۆیان بە حاکم و حکومەت دەزانن.

ھەر دەسەڵات و حکومەتێکی تر بوایە داوای لێبوردنی لە خەڵک دەکرد و خۆی ھەڵدەوەشاندەوە و ڕێی بۆ خەڵکی شایستە دەکردەوە.
کابینەی پێشو دەیوت، ئێمە بە سێ ھۆکار توشی قەیران بوین:
۱_ دابەزینی نرخی نەوت
۲_ بڕینی بوجە لەلایەن بەغداوە
۳_ شەڕی داعش
ئەم کابینەیەی ئامۆزاش دەڵێ:
۱_ دابەزینی نرخی نەوت
۲_ بڕینی بوجە لەلایەن بەغداوە
۳_ پەتای کۆرۆنا

واتە شەڕی داعش گۆڕاوە، بە پەتای کۆرۆنا، بەمەش قەیران بەردەوامە و دۆخەکەش زۆر لە جاران خراپترە، خوێندن نییە، خزمەتگوزاری تەندروستی کەرتی گشتی، لە ئاستی نەبوندایە، ئازادی و فەزای ئازاد ڕۆژبەڕۆژ تەسکتر دەبێتەوە و زوڵم و ستەم بەردەوامە.

 یاسا و دادگا بۆ مەرامی دەسەڵات بەکاردێنن قاچاخچیەتی و چەتەیی بەردەوامە و حیزب و بنەماڵە سیاسیەکان و کۆمپانیاکانیان خرپن و پۆشتە و حکومەتیش ڕوت و ڕەجاڵ و گوایە قەرزارە؟

تازەترین داھێنانی حکومەتیش ھەر بەئارەزو وەک دەڵێن ھەموشیان ڕازین موچەی سێ مانگ پاشەکەوت دەکات و دو مانگیش قەرزە لای حکومەتی بەغدا بەم کارە نایاساییە چەتەییەش دەڵێن ڕێککردنەوە و خۆگونجاندن؟

ئەم دەسەڵات و حکومەتە فاشیلترین و بێ ئاکارترین دەسەڵاتی سەر ڕوی زەوییە،کە شایانی ئەوەیە نەمێنێت و گۆرینی ڕیشەیی ئەنجام بدرێت.

Read More »

هەر بەجدی کێ دەستی لە پشتە ؟!

بەشدار عوسمان:

ئەوانە دەستیان لەپشتە کە داهاتی سەرزەوی و ژێر زەوی و ئاسمانەکەشی لووش دەکەن خەڵک و کۆمەڵگاش بە فەرامۆشی دەسپێرن، ئەوانە دەبێت بخرێنە زیندانەوە بە رۆژی رووناک خەریکی قاجاخچێتین لە سنوورەکان، ئەوانە دەستیان لە پشتەوەیە بیرە نەوتەکانیان لەسەر خۆیان و کوڕ و نەوەکانیان تاپۆکردووە و دوکەڵی ژەهرەکەشی دەرخواردی شارەکان دەدەن تەنانەت کرێی مووچە خۆرەکانیش دەدزن، ئەوانە تێکدەرن هەموو دەسەڵاتەکانی یاسادانان و جێبەجێکردن لە دیوەخانەکانی خێڵ کورتدەکەنەوە و خەڵک دەگەڕێنەوە دواوە.

ئاسانە بڕینی (دەستەکانی ) پشتەوەی خەڵکانی ناڕازی ،واز لە بەرزکردنەوەى کۆشکەکان و زیادکردنی کۆمپانیا وەهمەیەکان بهێنن ،داهاتەکان بگەڕێنەوە و دەستی گروپە مافیاکان لەسەر ژیان و ئەمنیەتی خەڵک کورتبکەنەوە، هەر رۆژە و لەکوچە و کۆڵانێک رۆژنامەنووسێک تیرۆر مەکەن، چالاکوان ئیهانە مەکەن، خۆپیشاندانیک مەخەنە کونجی زیندان، ئەو ( دەستانە ) دەبڕدرێت .

( دەستەکەی ) پشتەوەى شێروان ،دەستی داواکردنی ماف و ئازادییەکانە، دەستێکى پیرۆزە و دەبێ بپارێزرێ کە دەستى باشکردنى ژیانى خەڵکە، دەستی کورتکردنەوەی ستەمکارییە، دەستی بنەبڕکردنی دەسەڵاتێکی دیکتاتۆری و پۆلیسیە، دەستی گێڕانەوەی شکۆ و شکۆمەندییە بۆ تاکەکان کە ئەو دەسەڵاتە ٣٠ ساڵە بە ئاگر و ئاسن، پلان و پارە و پەروەردە، کار لەسەر ووردو خاشکردنی دەکات .

( دەسەڵاتێک ) بەرگەی نوسین و قسەی گەنج و رۆژنامەنوسێک نەگرێت و گوللە بنێت بە دەم و سینگ و سەریانەوە، (دەسەڵاتێک) بەرگەی گردبوونەوە و ناڕەزایەتی چوار کەس نەگرێت و لە زیندانەکان بیانئاخنی،(دەسەڵاتێک) تەنها لەسەر ووتنی ووشەی ماف و ئازادی و داواکردنی موچەی مانگانە هاوڵاتیەکانی، دادگاکان بەکاربهێنێت بۆ تۆڵەکردنەوە لێیان ،دەسەڵاتێکی لاوازە و لەرزۆکە و بەرگەی کزە بایەک ناگرێت ..هاوڕێکانی ئێمە لە زیندانەوە سەریان بڵندە،ئەوانەشی لە کۆشکەکان جێبەجێکاری بڕیار و ڕاسپاردەکان بۆ کپکردنی دەنگە ئازا و ئازادەکان، لاپەڕەی رەشی مێژوویان قەترانیتر دەبێت . ڕاپۆرتە نێودەوڵەتیەکان لەبارەی مافی مرۆڤ و پێشێلکارییەکان، دیکۆمێنتەکانی رێکخراوەکانی دژی گەندەڵی خەرمانێکی دەوڵەمەندیان لەبەردەستایە لەسەر ئەو دەسەڵاتە و بەرپرسەکانیان .

تۆمەتەکان چەندە گەورەبن لەسەر هاوڕێکانمان لەبەرچاوی هەموومان جوانتر دەبن و تا دوا هەناسەش بەرگرییان لێدەکەین .

لە هەمووانەوە بۆ هەمووان

هیوا عومەر:   
هەرێمی کوردستان بە ساتەوەختێکی ئێجگار خراپ گوزەر دەکات، ساتەوەختێک لە یەککاتدا ڕووبەڕووی چەندین قەیران لە ئاستی ئابووری و سیاسی و تەندروستی و جڤاکیدا دەبێتەوە، هەریەک لەو قەیرانانە ڕاستەوخۆ پەیوەندی بە قەیرانێکی گەورەترەوە هەیە کە (قەیرانی گشتگیری دەسەڵاتداریی)ە، Read More »