هەواڵ

پەنابەرانی عێراقی بەهەرێمی کوردستانەوە لە ریزبەندی یەکەمدا هاتوون بۆ داواکردنی مافی پەنابەرێتی

لەناوەندی هەواڵگری فیدراسیۆنەوە:

پەنابەرانی عێراقی بەهەرێمی کوردستانەوە لە ریزبەندی یەکەمدا هاتوون بۆ داواکردنی مافی پەنابەرێتی

بەپێ ڕاپۆرتێك کە هیوا خدر لە تورکیاوە ئاراستەی ناوەندی هەواڵگری فیدراسیۆنی کردوە هاتووە”بەپێی ئاماری ڕێکخراوی نەتەوە یەکگرتوەکان بۆ کاروباری پەنابەران UNHCR لەتورکیا وە بەڕێوەبەرایەتی کۆچ و کۆچبەرانی تورکیا ژمارەی ئەو پەنابەرانەی داوای مافی پەنابەرێتی نیودەولەتیان کردوە ( الحماية الدولية ) وە تۆمارکراون بریتیە لە ( ٣٣٠،٠٠٠ ) سێ سەدوو سی هەزار پەنابەر کە دیارترینیان پەنابەرانی ( عێراقی ، ئەفغانی ، ئیرانی )نن لەو ژمارەیەش ( ١٤٧،٠٠٠ ) سەدوو چل و حەو هەزاریان پەنابەری عیراقین بە هەرێمی کوردستانەوە.” Read More »

نامەی پەنابەڕیك سەبارەت بە دۆخی پەنابەران لە یۆنان

فیدراسیۆن نامەی پەنابەڕیك سەبارەت بە دۆخی پەنابەران لە یۆنان بڵاودەکاتەوە

لەناوەندی هەواڵگری فیدراسیۆنەوە:  ژیانی پەنابەرانی عێراقی و پەنابەرانی کورد لە وڵاتی یۆنان لە دۆخێکی هێجگار دیژواردایە وە پێویستە ڕێکخراوەکانی داکۆیکار لە مافەکانی پەنابەران وناوەندە جیهانیەکان ومافی مرۆڤی ئەوروپا ئاگادار بکریتەوە تا سنورێك بۆ ئەو بی ڕێزی و پێشلکاریانە دابنرێت کە حکومەتی یۆنان بەرامبەر بە پەنابەران بەڕیوەی دەبەن. Read More »

رێكخراوی لێبوردنی نێودەوڵەتی داوای ئازادكردنی سزادراوانی بادینان دەكات

ڕێكخراوی لێبوردنی نێودەوڵەتی داوای ئازادكردنی پێنج چالاكوان و ڕۆژنامەنوسەكەی بادینان دەكات و دەڵێت ئەو چالاكوانانە لە مانگرتن بەردەوامدەبن تا كاتی دادگاییكردنەوەیان لەدادگای پێداچوونەوە. Read More »

ڕێکخراوی CPJ داوای ئازادکردنی شێروان شێروانی‌و گوهدار زێباری دەکات

ڕێکخراوی کۆمیتەی پاراستنی ڕۆژنامەوانان CPJ ئەمڕۆ سێشەممە ڕاگەیاندراوێکی بڵاوکردەوە لەبارەی بڕیاری دادگای هەولێر بۆ زیندانیکردنی شێروان شێراوانی‌و گوهدار زێباری. Read More »

ئێمەش بڕیارمانداوە سیخوڕە جۆراوجۆرەکان و دەستەکانیان لە کوردستان وەدەربنێین، بەڵام ئەو بڕیارە لە دادگەی گەل دەدرێ نەک لە پشت بڵندگۆی سەرۆکایەتیی هەرێم!

بە داخەوە وەک دەیبینین رۆژ لە دوای رۆژ ئازادییەکان بەرتەسک دەکرێنەوە لە کوردستان، تەنانەت کار بەوە گەیشتوە کەسوکاری گیراوانیش رێگەیان پێنادرێ گردببنەوە و بۆ رای گشتیی روونبکەنەوە کە گیراوەکانیان بێسەروشوێن کراون و زۆر بە کەمیی ئاگاداری رەوشی ژیانیانن لە نێو زیندانەکاندا! Read More »

لەندەن: بانگەوازی خۆپیشاندان …

جەماوەری بێبەشی کوردستان بێ پشت و پەنا نین!

با بۆ پشتیوانی لە ناڕەزایەتی و داوا ڕەواکانی جەماوەری بەشمەینەتی کوردستان لەدژی سەرکوتگەریی دەسەڵات بێینە مەیدانەوە!

سێ شەممە 2020/12/8   کاتژمێر: 1ی دوانیوەڕۆ

شوێن: بەردەم بارەگای حکومەتی هەرێمی کوردستان لە لەندەن

KRG: 2  Hobart Place Belgravia London SW1W 0HU

نزیکترین ئیستگای قیتار ڤیکتوریا   Victoria Station

حزبی کۆمۆنیستی کرێکاریی کوردستان بانگەوازی ئازادیخوازان  و ناڕازیان بە دەسەڵاتی سەرکوتگەریی کوردستان دەکات لەم خۆپیشاندانە ناڕەزایەتیەدا بەشداری بکەن.

بەشداریتان لەم خۆپیشاندانەدا نیشانەی  دەنگهەڵبڕینە لەدژی هەموو ئەو دزی و تاڵانی و سەرکوتگەرییەی کە دەسەڵاتی بۆرژوا ناسیونالیستی کورد بەسەرخەڵکیدا سەپاندوە.  هاوكات پشتیوانییه‌ له‌ خه‌باتی خه‌ڵك لە پێناو ئایندەیەکی دامەزراو و پشت بەستو بە دەسەڵاتی ڕاستەوخۆی جەماوەری لە کوردستاندا.

 

بۆ زانیاری زیاتر پەیوەندی بکەن بە هەردوو ژمارە تەلەفونی:

07476204121 – 07720291516

 

 

 

 

سەندیکای کرێکارانی خزمەتگوزاری بازرگانی گشتی بەریتانیا داوای ئازادکردنی شیروان شیروانی ودەستەگیرکراوەکانی بادینان دەکەن

لە درێژەی هەوڵەکانی ڕیکخراوی دەرەوەی حزبی کۆمۆنیستی کرێکاریی کوردستان بۆئازادکردنی شیروان شیراوانی وسەرجەم دەستگیرکراوەکانی ئەم دواییانەی خۆپێشاندانە ناڕەزایەتیەکانی کوردستان – کۆمیتەی جێبەجێکاری ناوچەیی سەندیکای کڕێکارانی خزمەتگوزاری بازرگانی گشتی لە بەریتانیا(PCS) کە یەکێکە لە سەندیکا گەوەرەکانی بەریتانیا Read More »

حکومەتی هەرێم لەم ساڵدا تەنها 4 مووچەی داوە، دوانی بە لێبڕینەوە

ئامادەكردنی: ئەنوەر كەریم
حكومەتی هەرێمی كوردستان لەم ساڵدا تەنها چوار موچەی داوە بە لێبڕینی 21%، لە مانگی ماییسی ئەمساڵیشەوە قەرزەكانی حكومەت نزیكەی ( ملیارێك) دۆلار زیادیكردووە. 
 
  لێدوانەکانی حکومەتی هەرێم ناڕاستە بەرامبەر بە مووچەی  فەرمانبەرانی هەرێمی کوردستان  کە ئەڵێت  تەنها  2 مووچە قەرزارین ،  وە تەنها لە مسا ڵدا  (5)مووچە لە دواوەیە .
موچەی  مانگی کانونی دوهەم  لە  لە 19 /3  دا دەستیکردوە بەدابەشکردن . 
 وە موچەی مانگی شوبات  لە 4/ 5  دا دەستیکردوە بەدابەشکردن  ،
 وە موچەی مانگی ئازار لە29/6 دا دەستیکردوە بەدابەشکردن  بەلێبرێنی لە 21%
 وە موچەی مانگی نیسان لە 20/ 8  دا دەستیکردوە بەدابەشکردن  بەلێبڕینی 21%
 لەبەر ئەوە هەر لەساڵی 2020 دا  حکومەت  4 مووچەی فەرمانبەران  قەرزارە. 
   قەرزەکانی  حکومەتی هەرێم  لە ماوەی 4مانگدا بەبڕی (916 ) ملیۆن دۆلاری ئەمریکی زیادیکردوە بە ووتەی سەرۆکی حکومەتی هەرێمی کوردستان لە 6/10  لە پەڕلەمانی کوردستان ڕایگەیاند کە قەرزاکانی حکومەتی هەرێم گەیشتۆتە =28.476.675.039 ملیار دۆلاری ئەمریکی .  لە کاتیکدا  کە قەرزاکانی لە مانگی مایسدا  گەیشتبوە 27.549.958 ملیار دۆلاری ئەمریکی .    
 ئەوەی جێگای سەرنجە  حکومەتی هەرێم شایستە دارایەکانی کۆمپانیا بیانیەکانی نەوتی  داوە لە دوای مانگی مایسەوە بۆ مانگەکانی  دوای ،  بۆیە  قەرزاکانی  جێگای تێڕمانە ،. 
 ئەمەش بەڵگەکانە کە وەزارەتی سامانە سروشتیەکان  شایستە دارایەکانی کۆممپانیا بیانیەکنی داوە ، 
   کۆمپانیای گەڵف کییستۆن پێترۆڵیۆم .
  کە لە کێڵگەکانی شێخان وە بەرهینان دەکات 
 بە پێی هەواڵی 5533Q ;
 وەزاراتی سامانە سروشتیەکان   لە رۆژی 19-6-2020 دا بڕی (2.7) ملیۆن دۆلاری داوە   بە کۆمپپانیاکە تێچووی شایستە دارایەکانی بۆ مانگی مایس ،
لە  ڕۆژی 28-7-2020  بە پێی هەواڵی 2173U. 
 وەزارەتی سامانە سروشتیەکانی هەرێم    بڕی( 9.6 )ملیۆن دۆلاری داوە  بە کۆمپانیاکە  وەک شایستە  دارایەکانی  بۆ مانگی حوزەیران داوە .
 بەپێی هەواڵی   6536X
  لە رۆژی  1-9-2020
حکومەتی هەرێم  بڕی (10) ملیۆن دۆلاری داوا بە کۆمپانیاکە وەک شایستە دارایەکانی مانگی  تەموز. 
 بە پێیی هەوالی 1680A;
لە رۆژی 25-9 -2020  حکومەتی هەریم بڕی (12.5) ملیۆن دۆلاری داوە بە کۆمپانیاکە وەک شایستە دارایەکانی  بۆ مانگی ئاب ، Read More »

کۆمیتەی بەرگریکردن لە رۆژنامەنوسان لە نیۆرک: پێویستە دەسەڵآتدارانی کورد دەستبەجێ شیروان شیروانی ئازاد بکەن

لەئینگلیزیەوە: ئاسۆ جەبار
سەرچاوە: CPJ
نیویۆرک 8 تشرینی یەکەم , کوردستانی عێراق – پێویستە دەسەڵاتدارانی کوردی عێراق هەر تۆمەتێک لەسەر ڕۆژنامەنووس شێروان ئەمین شێروانی ئاشکرا بکەن یان دەستبەجێ ئازادی بکەن ، ئەمڕۆ کۆمیتەی پاراستنی ڕۆژنامەنوسان ڕایگەیاند .
دوێنێ گروپێکی 10 پۆلیس هەڵیانکوتایە سەر ماڵی شێروانەی لە سێپیران، کە گوندێکی سەر بە شاری هەولێری کوردستانی عێراق-ە و دەستگیریان کردووە، بەپێی هەواڵێکی سەنتەری میترۆ بۆ مافی ڕۆژنامەنووسان و داکۆکیکردن لە ڕۆژنامەنووسان، گروپێکی ناوخۆیی ئازادی ڕۆژنامەنووسی و ڕوگش عزەدین محێەدین، هاوسەری شێروانی، کە لە ڕێگای بەرنامەی نامەکردنەوە قسەی بۆ سی پی جی کردووە
شێروانی بە بەردەوامی بەشداری دەکات لە راپۆرتی تایبەت بە کێشەکانی مافی مرۆڤ و هێرشە ئاسمانیەکانی تورکیا لە هەرێم و چەند بابەتی تری ناوخۆیی بۆ ماڵپەڕی سەربەخۆی هەواڵ کیوان و ئەو کێشانە داپۆشێت و لە ئەکاونتی خۆی لە تۆڕی کۆمەڵایەتی فەیسبوک لێدوانێکی سیاسی بدات
رووگش محیەدین بە سی پی جەی وتووە، کە ئەو پۆلیسانەی کە چواریان جلی مەدەنییان لە بەردا بوو، کاتژمێر 4:30 ی ئێوارە گەیشتنە ماڵەکەیان و دەستیان بەسەر دوو لاپتۆپ و دەفتەر و چەند سی دییەکی ڕۆژنامەنووسەکەدا گرت و دەمانچەیەکیان بە سەر سەری شێروان دا راگرتووەو کەلەپچەیان کرد و پاڵیان پێوەنا و بە پاڵ و بەزۆر خستویانەتە ناو ئۆتۆمبێلێکەوە نا و دوورکەوتەوە ئەو گوتی ئەفسەرەکان فەرمانی دەستگیرکردنی شێروانیان پێبووە، بەڵام نە ئەو فەرمانە و نە ئەفسەرەکان نەیان ووت لەبەرچی دەبێت دستگیر بکرێت.
رووگەش محێەدین بە سی پی جەی ڕاگەیاند کە نازانێت شێروانی لە کوێ زیندانیکراوە یان بە چ تۆمەتێک دەستگیرکراوە.
وتیشی:”دەبێت دەسەڵاتدارانی کورد لە باکوری عێراق هەر تۆمەتێک کە لە دژی رۆژنامەنووس شێروان ئەمین شێروانی کراوە ئاشکرا بکەن؛ ئیگناسیۆ میگێل دێلگادۆ نوێنەری سی پی جەی لە ڕۆژهەڵاتی ناوەڕاست و باکووری ئەفریقا ڕایگەیاند، ئەگەر ناتوانن ئەوە بکەن، پێویستە دەستبەجێ ئازادی بکەن ئەگەر حکومەتی هەرێمی کوردستان لە هەوڵی ئەوەدایە کار لەسەر جێبەجێکردنی یاسا دەکات، لەبەرئەوە ناتوانێت رۆژنامەنوسان بشارێتەوە تەنها بە بە نەزوەو ئارەزووی خۆی.
لە ڕۆژانی پێش دەستگیرکردنیدا، شێروانی لە ئەکاونتی خۆی لە فەیسبووک، کە زیاتر لە 10 هەزار شوێنکەوتووی هەیە، بڵاوی کردووەتەوە، ڕەخنەی لە سەرۆکی ئەنجومەنی وەزیرانی هەرێمی کوردستان مەسرور بارزانی گرتووە و داوای لە پارێزەران کردووە، کە پرسیار لە سەرۆکی حکومەت بکەن لەبارەی کوشتنی ڕۆژنامەنووسان و چالاکوانانی مافی مرۆڤ لە هەرێم سی پی جەی دوێنێ پێداچوونەوەی بە ئەکاونتی فەیسبووکی شێروانی-دا کرد، بەڵام ئەمڕۆ ئەو لینکە پەیامی پیشاندا و ڕایگەیاند، هەژمارەکە سڕاوەتەوە و روگەش محێەدین بە سی پی جەی ڕاگەیاند کە نازانێت بۆچی ئەکاونتی فەیسبووکی شێروانی نەماوە و نازانێت لەلایەن کێوە ئەم کارە کراوە.
ڕەحمان غەریب، ڕێکخەری گشتی سەنتەری میترۆ، لە لێدوانی ڕێکخراوەکەدا، ئەوەی هەڵسەنگاندووە، کە شێروانی دەکرێت بە پێی یاسای خراپ بەکارهێنانی ئامێرەکانی پەیوەندیکردن یان ناوزڕاندن بە یاسای عێراقی ی ئەگەر بە یاسای خراپ بەکارهێنانی ئامێرەکانی پەیوەندی کردن تۆمەتبار و تاوانبار بکرێت، دەتوانێت تا پێنج ساڵ زیندانی و بڕی 5 ملیۆن دیناری عێراقی (4200 دۆلاری ئەمریکی) سزا دەکات؛ ئەگەر بە مادەی 433 ی یاسای سزای عێراقی تۆمەتبار بکرێت بە ناوزڕاندن، لەوانەیە ڕووبەڕووی یەک ساڵ زیندانی و بڕی 100 دینار (نزیکەی 8 سەنتی ئەمریکا) بکاتەوە
بەپێی راپۆرتی ئەو کاتە سی پی جی، شێروانی پێشتر لە 28ی کانوونی دووەمی 2019 لە شاری دهۆک دەستگیرکرا، بە و تۆمەتانەی کە لە دژی ئاسایشی دەوڵەت ئەنجام دراون، ماوەی 42 رۆژە ئەو رۆژە بەڕێوەچوو بەپێی توێژینەوەی سی پی جی ، لە نیسانی 2012 دا شێروانی بەبێ فەرمانی گرتن و بۆ ماوەی چەند ڕۆژێک لەسەر دوو ماددە کە رەخنەی لە گەندەڵی حکومەت گرتووە دەستگیرکرا .
دیندار زێباری، ڕێکخەری هەرێمی کوردستان بۆ داکۆکیکردنی نێودەوڵەتی وەڵامی داواکاریی ئیمەیلی سی پی جەی نەدایەوه بۆ لێدوان.

داوادەکرێت رۆژنامەڤان شێروان شێروانی دەستبەجێ ئازادبکرێت

رێکخەری سەنتەری میترۆ بۆ داكۆكیكردن لەمافی رۆژنامەنوسان رایده‌گەیه‌نێت كه‌ ئێواره‌ی‌ رۆژی‌ 2020/10/7، رۆژنامەنوس شێروان شێروانی لەشاری هەولێر دەستگیرکراوەو داوادەکەن دەستبەجێ ئازادبکرێت.
رەحمان غەریب، رێکخەری سەنتەری میترۆ به‌روداوی راگەیاندووه‌، رۆژنامەنوس شێروان شێروانی لەکۆمەڵگەی سێبیرانی سەر بەپارێزگای هەولێر لەلایەن هێزێکی پۆلیسەوە دەستگیرکراوه‌.
ناوبراو ده‌ڵێت، هۆکاری دەستگیرکردنەکەی نازانرێت، بەڵام دەکرێت بەیاسای خراپ بەکارهێنانی ئامێرەکانی پەیوەندیکردن یان بەیاسای سزادانی عێراقی ژمارە 111ی 1969ی هەموارکراو دەستگیرکرابێت.
رێکخەری سەنتەری میترۆ ئاماژه‌ بۆ ئه‌وه‌ ده‌كات كه‌ ئه‌وان لەگەڵ ئەوەدانین کەس لەسەر نوسین‌و رەخنە دەستگیربکرێت‌و “داواکارین شێروان شێروانی بەکەفالەت‌و دەستبەجێ ئازادبکرێت”.
رەحمان غەریب باسی لەوەش کردووه‌، شێروان شێروانی پێشتر چەند سکاڵایەکی لەسەربووە، چاودێرییان کردووەو چەند کەیسێکی هەبون، وا دەردەکەوێت بەدوای بیانویەکدا گەڕابن بۆئەوەی جارێکی دیکە دەستگیری بکەن.
هەروەها ئەوەشی خستۆنەڕو “دادگاکان‌و حکومەت لەرابردودا پەنایان بۆ یاساکانی دەرەوەی رۆژنامەگەری بردووەو گەڕاون بەدوای بڕگەیەکی یاسایی کە سزاکەی توندبێت‌و نوسەرو رۆژنامەوانانی پێ دەستگیربکەن”.
رێکخەری سەنتەری میترۆ ڕاشیگه‌یاندووه‌، “بۆئەوەی راپۆرتە نێودەوڵەتییەکان وێنەی هەرێمی کوردستان خراپ نیشان نەدەن، دەبێت بیر لەوە بکرێتەوە کە مەودای ئازادیی رۆژنامەگەری‌و بیروڕای ئازاد بەرفراوانتر بکرێت”.