ڕاگەیاندنی ڕۆژنامەوانی

ڕاگەیاندنی تۆڕی پاراستنی تەندروستی گشتی

ئێمە وەک کۆمەڵێک لە پزیشک و کارمەندی تەندروستی و تەندروستکار وچالاکەوان لەسەر گوێ نەدانی حکومەتی هەرێم بە دۆخی مەترسی تەندروستی لە کوردستان و تاڵانکردنی کەرتی حکومی تەندروستی لەلایەن کۆمپانیا حزبی و سەرمایەدارەکانەوە ئەم تۆڕەمان پێک هێناوە. لەبەرئەوەی پێمان وایە کە تەنیا ڕێگاچارەی بۆ فریاکەوتنی تەندروستی گشتی هاوڵاتیانی کوردستان یەکگرتوبوونی کارمەندانی تەندروستی خۆیانن بە پشتیوانی خەڵکی هەژار و کەم دەرامەتی کوردستان. Read More »

جه‌میل بایك: دوژمن دەیەوێت گەریلاو تێكۆشانی ئازادی سەركوت بكات

جەمیل بایك هاوسەرۆكی دەستەی بەرێوەبەری كۆما جڤاكێن كوردستان (كەجەكە) بە بۆنەی ٣٦هەمین ساڵیادی هەڵمەتی ١٥ی تەباخەوە وتی: لەم رۆژانەدا دوژمن هەموو تواناكانی خۆی بەكار دەهێنێت و هێرش دەكات و دەیەوێت گەریلا و تێكۆشانی ئازادی سەركوت بكات. 
 جەمیل بایك وتیشی: لە دژی دوژمنێكی لەو جۆرە كاتی ئەوەیە مرۆڤ كەسایەتی فەرماندە عەگید بخاتە پێشەوە و بۆ خۆی بكاتە بنەما، لەم رۆژانەدا دەست لە باسكردن لەسەر بێ توانایی و بێ ئیمكانیەتی هەڵگرن، چونكە توانایی و دەرەفەتی زۆر لە بەردەستدان و لەم رۆژانەدا پێویستە مرۆڤ گورزی قورس لە دژومن بدات و تێكیبشكێنێت، ئەوەش بە شێوازی فەرماندەیی و شێوازی شەڕ بخەنە پێشەوە و زەقی بكەنەوە. 
باسی لەوەش كرد، كاتی ئەوەیە مرۆڤ ئەو ورە و رۆحەی لە حەفتانین نیشان درا زیاتر گەش بكات، لە دژی قڕكردن وسڕینەوەی كوردان مرۆڤ بە شێوەیەكی بەهێز ئەوە بسەلمێنێت و نیشانی بدات، كە كورد هەیە و بە دڵنیاییەوە دەشبن.
جەمیل بایك باسی لەوەش كرد، كە تادێت گرنگی گەورەیی هەڵمەتی ١٥ی تەباخ لە مێژووی گەلی كورددا زیاتر روون دەبێتەوە و لێ تێدەگەین، لە تایبەتمەندی و خسڵەتی كۆمەڵگەی كورددا لە ئاستێكی گەورەدا رێگا بە رووی گۆڕانگاریدا كردەوە، بەها و نرخی نوێ و جوانی بە نرخ و بەهاكانی كوردان زیاد كرد، خسڵەتی كۆمەڵگەی كردان باشتر بەهێز و جوان كرد.
بایك لە بەردەوامی وتەكانیدا باسی ئەوەشی كرد، لە بەرامبەر ئەو دووبەندی و دووفاقییە مێژووییە ئاپۆییەكان لە دژی ئەو هێزانە ورە و ئیرادەی تێكۆشانیان ئافراند و نیشانیان دا، كە ئەو لەمپەرە لە بەردەم خۆیان قبوڵ ناكەن. ئەوەی ئاپۆییەكان كردییان رێكخستنێكی لەو جۆرە بوو، ئەوە رێكخستنی لە ناو گەلدا پێكهێنا و بووە هۆی ئەوە ببێتە هێز و ئەوەش هەنگاوێكی گرنگ بوو.

کۆمەڵناسێکی ئێرانی: ٨٠٪ی دەستدرێژییەکان باسناکرێن

سەعید مەدەنی کۆمەڵناسی ئێرانی ڕایگەیاند: ساڵانە نزیکەی هەزار و ٦٥٠ حاڵەتی تاوانی ڕەگەزی لە تاران تۆماردەکرێت، بەڵام ٨٠٪ی دەستدرێژییەکان هەر باسناکرێن.

بەپێی هەواڵێکی سایتی ‘هرانا’، (تایبەت بە مافەکانی مرۆڤ) مەدەنی وتوویەتی: تارانی پایتەخت زۆرترین حاڵەتی تاوانی دەستدرێژی سێکسی تێدا تۆمارکراوە بە شێوەیەک لە ساڵێکدا نزیکەی هەزار و ٦٥٠ حاڵەتی تێدا تۆماردەکرێت و لە ئاستی ئێران لە پلەی یەکەمدایە.ئەو کۆمەڵناسە باسی لەوەشکردووە، کە بەراورد دەکرێت کە ٨٠٪ی دەستدرێژییەکان بە هۆکاری جۆراوجۆر باس ناکرێن، بۆیە لە ئامارەکانیش بوونیان نییە.

مەدەنی وتووشیەتی: ڕێژەی ئەو دەستدرێژییانەی باسیان لێوەناکرێت، بەهۆی نەبوونی پشتیوانی یاسایی بۆ قوربانییەکان، زۆر زیاترە لە ئامارەکان، ئەو ژنانەی دەستدرێژییان دەکرێتەسەر، لە کۆمەڵگادا بە چاوێکی خراپ سەیر دەکرێن، بۆیە ئیش و ئازارەکانی دەستدرێژییەکان تەحەمول دەکەن، لەجێی ئەوەی خۆیان بخەنە بەر باسی کۆمەڵگا و ڕای گشتی.

ڕاگەیاندنی تۆڕی پاراستنی تەندروستی گشتی

ئێمە وەک کۆمەڵێک لە پزیشک و کارمەندی تەندروستی و تەندروستکار  وچالاکەوان لەسەر گوێ نەدانی حکومەتی هەرێم بە دۆخی مەترسی تەندروستی لە کوردستان و تاڵانکردنی کەرتی حکومی تەندروستی لەلایەن کۆمپانیا حزبی و سەرمایەدارەکانەوە ئەم تۆڕەمان پێک هێناوە. لەبەرئەوەی پێمان وایە کە تەنیا ڕێگاچارەی بۆ فریاکەوتنی تەندروستی گشتی هاوڵاتیانی کوردستان یەکگرتوبوونی کارمەندانی تەندروستی خۆیانن بە پشتیوانی خەڵکی هەژار و کەم دەرامەتی کوردستان.
ئێمە کارنامەی خۆمان بەم شێوەیە ڕادەگەیەنین؛
تەندروستی گشتی مافی هەموو هاوڵاتیانە کە بە خۆڕایی و لە بودجەی گشتی کوردستان دەبێ دابین بکرێ.
دژی فرۆشتن و بە تاڵانکردنی کەرتی تەندروستی حکومی دەبینەوە بە کۆمپانیا حزبی و سەرمایەدارەکان و خوازیاری مانەوەیان و دابینکردنی پێداویستی موچەی کارمەندان و خۆبەخشەکان وکەرەستەی پزیشکی نەخۆشخانە گشتیەکانین..چیترڕێگا نەدرێت کەرتی تایبەت لەسەر حسابی کەرتی گشتی بازرگانی بە تەندروستیمان بکات.
داواکارین بودجەی کەرتی تەندروستی لە ئێستادا ١٥٪ دا کەمتر نەبێت، بە تایبەت لەم کاتی پەتای کۆرۆنا ڤایرۆسەدا(کۆڤی١٩)، تاکو پێویستیەکانی پاراستنی تەندروستی و موچەی تەواوی کارمەندان دابین بکرێ.
پێویستە ئیدارەی نوێ بۆ ئەم نەخۆشخانە گشتیانە دابنرێ کە بریتی بێت لە بۆردی کارمەندانی تەندروستی و هەموو پۆستەکانی بەڕیوەبەر و بەڕیوەبەری گشتی و وەزارەتی تەندروستی بە هەڵبژاردن بێت.
ئێمە بانگەوازی هەموو پزیشک و کارمەندی تەندروستی دەکەین کە ئەم بۆردانە پێک بێنن لە ناوەندەکانیاندا تا پێکەوە گفتوگۆ و ڕاوێژ و کاری هاوبەش ئەنجام بدەین. هەموو بۆردەکان لە تۆڕێکی سەرتاسەری کوردستاندا یەکگرتوو بن و سوود لە تۆڕە کۆمەڵایتیەکان وەرگرن بۆ ئەم مەبەستە.
مانگرتن مافی هەموو تەندروستکارانە دژی نەبونی موچە و لە پێناو مافەکانیاندا و هەوڵ بدرێ لەناو ناوەندەکانی تەندروستی خۆی بکرێت و داوا لە هاوڵاووتیان بکرێت لەو کاتانە دا پشیوان و پشتگیری ئەم جۆرە ناڕەزایانەبن.
لە ناوەندەکانی تەندروستیدا دەست دەبەین بۆ کاری هەرەوەزی و پشتیوانی کردنی کارمەندانی تەندروستی لەیەکتر، بۆنمونە سندوقی هەرەوەزی یا دابینکردنی پشکنینی بە خۆڕایی و هەر شێوازێکی تری گونجاو بۆ کۆمەکی تەندروستی گشتی هاوڵاتیان.
بانگەوازی خەڵکی کوردستان دەکەین بۆ ڕوبەڕوبونەوەی مەترسی دۆخی تەندروستی و سیاسەتی تاڵانکردنی کەرتی گشتی فشار بخەنە سەر حکومەتی هەرێم بۆ دابینکردنی پێویستیەکانی تەندروستی خەڵک. هاوکات بانگەوازی نێوندە نێو دەوڵەتیەکان و ڕیکخراوی جیهانی تەندروستی دەکەین بۆ هاوکاریکردنمان و فشار خستنە سەر حکومەتی هەرێم بۆ وەڵامدانەوەی دەست بەجێ بەم خواستانەمان.
تۆڕی پاراستنی تەندروستی گشتی

١٥ ئابی ٢٠٢٠

هۆشداری لە هەوڵی تێپەڕاندنی پڕۆژە یاسای “رێكخستنی میدیای ئەلیكترۆنی” دەدرێت

كۆمەڵێك نوسەرو رۆژنامەنوس و ئەكادیمی و یاساناس ناڕەزایەتی خۆیان بەرامبەر بە هەوڵی تێپەڕاندنی پڕۆژە یاسایەك لە پەرلەمانی كوردستان لەژێرناوی “رێكخستنی میدیای ئەلیكترۆنی”دا دەردەبڕن و بە هەوڵێك بۆ “بەرتەسككردنەوەی ئازادییەكان و بێدەنگكردنی هاوڵاتیان” لە تۆڕە كۆمەڵایەتییەكان ناوی دەبەن. ئەوان داوا لە لایەنە دەسەڵاتدارەكان دەكەن پرۆژە یاساكە رابگرن و تەنها بڕیارێك دەربكەن كە میدیای ئەلیكترۆنی بچێتە ژێرباری یاسای رۆژنامەگەریی.

ئەو نوسەرو رۆژنامەنوس و ئەكادیمی و یاساناسانە، لە بەیاننامەیەكدا رایانگەیاند”لەكاتێكدا كوردستان بەدۆخێكی زۆر خراپی سیاسی و ئابوریی تێدەپەڕێت و نەهامەتی و برسێتی خەڵك گەیشتۆتە دۆخێكی زۆر مەترسیدار. موچەو قوتی موچەخۆرانی كوردستان چۆتە قوڕگی شێرو دیار نییە چی بەسەردێت. رۆژانە بەڵگەو دۆیكۆمێنتەكانی گەندەڵی و خراپیی حكومڕانیی ئەم وڵاتە لەمیدیاكان و تۆڕەكانی كۆمەڵایەتیی بڵاودەكرێتەوە. پرۆژە یاسایەك لەژێر ناونیشانی رێكخستنی میدیای ئەلیكترۆنی گوایە بۆ رێكخستنی میدیای ئەلیكترۆنییە پێشكەشی پەرلەمانی كوردستان كراوەو خوێندنەوەی یەكەمی بۆ كراوە.”

ئاماژەیان بەوەشداوە كە پڕۆژەكە كە ئێستا ناوەڕۆكەكەی ئاشكرا دەبێت “پێناچێت بۆ رێكخستنی میدیای ئەلیكترۆنیی بێت، بەڵكو هەوڵێكە بۆ بەرتەسككردنەوەو ئازادییەكان و بێدەنگكردنی هاوڵاتیان تاوەكو نەتوانن لەتۆڕەكانی كۆمەڵایەتی رەخنەو تێبینی و سەرنجی خۆیان لەبارەی روداوەكان و گرفت و كەموكوڕیی و گەندەڵییەكانی حكومڕانی دەرببڕن.”

جەختیشیان كردۆتەوە كە “بۆ رەتکردنەوەی ئەم یاسایە هەر ئەوەندە بەسە کە بڵێین هیچ جیاوازییەک لەنیوان ئەکاونت و پەیجی دامودەزگا میدیاییەکان و ئەکاونت و پەیجە شەخسییەکاندا ناکات. ئەمەش مانای وایە دەشێت هەر هاوڵاتییەک لەسەر نوسین یان کۆمێنتێکی تۆڕە کۆمەڵایەتییەکان راپێچی بنکەی پۆلیس و دادگا بکرێت.”

هەر سەبارەت بە ناوەڕۆكی ئەو پڕۆژە یاسایانە، ئاشكرایان كردوە كە “ئاماژەکردن بە یاسای تیرۆر (لە پڕۆژە یاساكە) دەرگا لەسەر ئەوە دەکاتەوە لەسەر نوسین و بڵاوکردنەوە، میدیاکاران و بەکارهێنەرانی تۆڕە کۆمەڵایەتییەکانیش بە یاسای تیرۆر دادگایی بکرێن. ئەمە لەکاتێکدایە کە یاسا دەبێ هەمیشە بە دور بێت لە هەمو ناڕونی و ئاڵۆزییەک، چونکە ئەمە بواری تەفسیری جیاواز دەڕەخسێنێ و دەشێت ببێتە ئامڕازی بێدەنگکردن، نەک پاراستنی مافەکان. ئەوەی ئێستا لەپرۆژەكەدا هاتوە بیانو دەداتە دەسەڵاتداران و كاربەدەستان تا بەئارەزوی خۆیان تۆمەت بخەنە پاڵ هاوڵاتیی یان فەرمانبەر یان هەركەسێك لەم وڵاتە، دواتر بەو تۆمەتە لەكارو وەزیفە دوریبخەنەوە یان زیانی پێبگەینن.”

ئەوان ترسی خۆیشیان لەوە نەشاردۆتەوە كە “یاساكە بەشێوەیەكی خراپ و بۆ مەبەستی شەخسی و حزبی بەكاربهێنرێت!” هاوشێوەی چەند یاسایەكی دیكەی وەك یاسای رۆژنامەگەریی ژمارە 35ی ساڵی 2007.

هۆشداریشیان داوە بە هەمو لایەك كە پڕۆژە یاساكە، “نەك میدیا بگرە تۆڕە كۆمەڵایەتییەكانیش كۆت و بەند دەكات، كۆمەڵێك رێكارو سزاو غەرامە لەخۆدەگرێت پێچەوانەی پرەنسیپە بنەڕەتییەكانی یاساو رێكارە كارپێكراوەكان رێكخستنی كاروباری حكومڕانییە.”

هەروەك ئەوەشیان خستۆتەڕو كە “خراپی ئەم حكومڕانییە بەڕێگرتن لەناڕەزایی خەڵك چارەسەر نابێت، هەروەك ئینكاری كردنی راستیی هیچ لەراستییەكان ناگۆڕێت.”

لەكۆتاییشدا وتویانە”ئێمە وەكو ژمارەیەك زۆر نوسەرو رۆژنامەنوس و ئەكادیمیی و یاساناسانی كوردستان، دەمانەوێت دەنگی ناڕەزایی خۆمان بگەینینە دەسەڵاتداران و خەڵكی كوردستانیش لە وەها هەوڵێك ئاگاداربكەینەوە. داوا لەحزب و لایەنە سیاسییە حكومڕانەكان و حكومەت و ئەندامانی پەرلەمان و هەمولایەك دەكەین، ئەم پرۆژە یاسایە راگرن پێویست بەپرۆژەیەكی وەها ناكات، بەڵكو تەنها بڕیارێك دەربكەن كە میدیای ئەلیكترۆنی بچێتە ژێرباری یاسای رۆژنامەگەریی ژمارە 35 ساڵی 2007.”

دەقی بەیاننامەكە…

جەماوەری خۆشەویستی كوردستان
نوسەرو رۆژنامەنوس و ئازادیخوازان
كاربەدەست و بڕیاربەدەستانی كوردستان

لەكاتێكدا كوردستان بەدۆخێكی زۆر خراپی سیاسی و ئابوریی تێدەپەڕێت و نەهامەتی و برسێتی خەڵك گەیشتۆتە دۆخێكی زۆر مەترسیدار. موچەو قوتی موچەخۆرانی كوردستان چۆتە قوڕگی شێرو دیار نییە چی بەسەردێت. رۆژانە بەڵگەو دۆیكۆمێنتەكانی گەندەڵی و خراپیی حكومڕانیی ئەم وڵاتە لەمیدیاكان و تۆڕەكانی كۆمەڵایەتیی بڵاودەكرێتەوە. پرۆژە یاسایەك لەژێر ناونیشانی رێكخستنی میدیای ئەلیكترۆنی گوایە بۆ رێكخستنی میدیای ئەلیكترۆنیە پێشكەشی پەرلەمانی كوردستان كراوەو خوێندنەوەی یەكەمی بۆ كراوە.

لەراستیدا ئەو پرۆژەیە كە ناوەڕۆكەكەی ئێستا ئاشكرادەبێت، پێناچێت بۆ رێكخستنی میدیای ئەلیكترۆنیی بێت، بەڵكو هەوڵێكە بۆ بەرتەسككردنەوەو ئازادییەكان و بێدەنگكردنی هاوڵاتیان تاوەكو نەتوانن لەتۆڕەكانی كۆمەڵایەتی رەخنەو تێبینی و سەرنجی خۆیان لەبارەی روداوەكان و گرفت و كەموكوڕیی و گەندەڵییەكانی حكومڕانی دەرببڕن.

بۆ رەتکردنەوەی ئەم یاسایە هەر ئەوەندە بەسە کە بڵێین هیچ جیاوازییەک لەنیوان ئەکاونت و پەیجی دامودەزگا میدیاییەکان و ئەکاونت و پەیجە شەخسییەکاندا ناکات. ئەمەش مانای وایە دەشێت هەر هاوڵاتییەک لەسەر نوسین یان کۆمێنتێکی تۆڕە کۆمەڵایەتییەکان راپێچی بنکەی پۆلیس و دادگا بکرێت. جگە لەوەش ئاماژەکردن بە یاسای تیرۆر دەرگا لەسەر ئەوە دەکاتەوە لەسەر نوسین و بڵاوکردنەوە، میدیاکاران و بەکارهێنەرانی تۆڕە کۆمەڵایەتییەکانیش بە یاسای تیرۆر دادگایی بکرێن. ئەمە لەکاتێکدایە کە یاسا دەبێ هەمیشە بە دور بێت لە هەمو ناڕونی و ئاڵۆزییەک، چونکە ئەمە بواری تەفسیری جیاواز دەڕەخسێنێ و دەشێت ببێتە ئامڕازی بێدەنگکردن، نەک پاراستنی مافەکان. ئەوەی ئێستا لەپرۆژەكەدا هاتوە بیانو دەداتە دەسەڵاتداران و كاربەدەستان تا بەئارەزوی خۆیان تۆمەت بخەنە پاڵ هاوڵاتیی یان فەرمانبەر یان هەركەسێك لەم وڵاتە، دواتر بەو تۆمەتە لەكارو وەزیفە دوریبخەنەوە یان زیانی پێبگەینن.

خەڵكی كوردستانی بێدەرەتان
ئازادیخوازانی كوردستان

ئاشكرایە كە ئازادی و پاشەگەردانی جیاوازیی زۆریان هەیە، هەمومان دەزانین دەركردنی یاسا بۆ رێكخستنی ژیان زۆر گرنگە، بەڵام ترسێكی زۆرمان هەیە كە یاساكە بەشێوەیەكی خراپ و بۆ مەبەستی شەخسی و حزبی بەكاربهێنرێت! هەربۆیە دەبینین یاسای رۆژنامەگەریی ژمارە 35 لە ساڵی 2007 ەوە دەرچوە بەڕونی رێگریی دەكات لە دەستگیركردنی رۆژنامەنوسان، بەڵام تائێستا رۆژنامەنوس لەسەر نوسین و دەستگیردەكرێن! چونكە بەشێك لەدادوەران لەژێر كاریگەریی بارودۆخی حزبیی كوردستان بەیاسای دیكە تۆمەت دەخە پاڵ رۆژنامەنوسان!
پێویستە هەمولایەك ئاگاداربێت كە ئەم پرۆژەیە یاسایەی ئێستا بەردەستە، نەك میدیا بگرە تۆڕە كۆمەڵایەتییەكانیش كۆت و بەند دەكات، كۆمەڵێك رێكارو سزاو غەرامە لەخۆدەگرێت پێچەوانەی پرەنسیپە بنەڕەتییەكانی یاساو رێكارە كارپێكراوەكان رێكخستنی كاروباری حكومڕانییە.

خراپی ئەم حكومڕانییە بەڕێگرتن لەناڕەزایی خەڵك چارەسەر نابێت، هەروەك ئینكاری كردنی راستیی هیچ لەراستییەكان ناگۆڕێت. ئێستا تاكە رێگایەك بۆ خۆپێشاندان و ناڕەزایی دەربڕین و رەخنەگرتن لەحكومڕانیی لەڕێی تۆڕە كۆمەڵایەتییەكانە، چونكە حكومەت و بەشێك لەحكومڕانانی هەرێم هەمو گۆڕەپانەكانی كۆبونەوەی جەماوەریی و خۆپێشاندانیان بەڕوی خەڵك داخستوە، بێگومان بەیاسای رێكخستنی خۆپێشاندان، كە دیسان ئەویش خراپ بەكاردەهێنرێت.

ئێمە وەكو ژمارەیەك زۆر نوسەرو رۆژنامەنوس و ئەكادیمیی و یاساناسانی كوردستان، دەمانەوێت دەنگی ناڕەزایی خۆمان بگەینینە دەسەڵاتداران و خەڵكی كوردستانیش لە وەها هەوڵێك ئاگاداربكەینەوە. داوا لەحزب و لایەنە سیاسییە حكومڕانەكان و حكومەت و ئەندامانی پەرلەمان و هەمولایەك دەكەین، ئەم پرۆژە یاسایە راگرن پێویست بەپرۆژەیەكی وەها ناكات، بەڵكو تەنها بڕیارێك دەربكەن كە میدیای ئەلیكترۆنی بچێتە ژێرباری یاسای رۆژنامەگەریی ژمارە 35 ساڵی 2007.

ئەم نوسەرو رۆژنامەنوس و ئەكادیمی و یاساناسانەی ئیمزایان كردوە:

1-    مەریوان وریا قانیع
2-    سەردار هەركی/ یاساناس
3-    رەوف بێگەرد
4-    مەسعود عەبدولخالق
5-    خالد دۆسكی
6-    سەرتیپ جەوهەر
7-    ئاوات عەلی – سەرۆكی دامەزراوەی نالیا
8-    ئاسۆس هەردی
9-    سەردار محەمەد
10- موحسین عوسمان
11- رێبین هەردی
12- شادمان مەلا حەسەن
13- شوان داودی
‎14- شوان محەمەد
15- رێبوار كەریم وەلی
16- دڵشاد مەجید
17- بورهان حاجی عەلی
18- هیوا قادر
19- ئارام سەعید
20- خالید سلێمان
21- د. هەردەوان نەقشبەندی – مامۆستای زانكۆ
22- ئەحمەد عەبدولقادر/ پارێزەر و یاساناس
23- مەكی ئامێدی
24- ئەیوب ئەنوەر – مامۆستای زانكۆ
25- ئیبراهیم عەباس
26- شیلان دەرگەڵە

پزیشکانى نیشته‌‌جێى خولاو له‌ هه‌ولێر مانگرتنیان ڕاگه‌یاند

پزیشکانى نیشته‌جێى خولاو له‌ شارى هه‌ولێر نزیکه‌ى 150 پزیشکن له‌ فریاکه‌وتنه‌کان کارده‌که‌ن مانگرتنیان راگه‌یاند.

 له‌به‌شێکى نوسراوه‌که‌یاندا ئاماژه‌ به‌وه‌ ده‌ده‌ن که‌”  ئێمه‌ وه‌کو پزیشکانى نیشته‌جێى خولاو (ساڵى یه‌که‌م) له‌ پارێزگاى هه‌ولێر، بڕیاماندا به‌ چۆڵکردنى هه‌موو ئه‌و نه‌خۆشخانانه‌ى که‌ ئێمه‌ ئه‌رکمان لێى هه‌یه‌، وه‌ مانگرتن ڕاده‌گه‌یه‌نین تا جێبه‌جێکردنى داواکارییه‌کانمان”.

داواکارییه‌کانی پزیشکانى نیشته‌جێى خولاو:

١. دابه‌شکردنى مووچه‌ هه‌موو ٣٠ ڕۆژ جارێک، له‌ کاتى خۆیدا و بێ هیچ لێبڕینێک.
٢. گه‌‌ڕاندنه‌‌وه‌‌ى هه‌‌موو مووچه‌‌کانى مانگه‌‌کانى پێشوو.

٣- یٔه‌‌گه‌‌ر هه‌‌ر مانگێک له‌ کاتى خۆى مووچه‌‌ نه‌‌درا رۆژى دواتر ده‌‌ست به‌ مانگرتن ده‌‌که‌‌ینه‌‌وه.

٤- دانانى سنوورێک بۆ یٔه‌‌و سوکایه‌‌تیه‌ و توندو تیژیه‌‌ى به‌‌رامبه‌‌ر پزیشکان ده‌‌کرێت به‌ تایبه‌‌تى له‌ نه‌‌خۆشخانه‌‌کانى ده‌‌ره‌‌وه‌‌ى شارى هه‌‌ولێر .

٥- که‌‌مکردنه‌‌وه‌‌ى یٔه‌‌و یٔه‌‌رکه‌ زۆره‌‌ى پێمان سپێردراوه‌‌ له‌ یٔێستادا ، به‌ دامه‌‌زراندنى پزیشکانى تازه‌ ده‌‌رچوو .

له‌کۆتایى به‌یانه‌که‌دا پزیشکانى نیشته‌جێى خولاو جه‌خت له‌وه‌ده‌که‌نه‌وه‌، له‌ یٔه‌گه‌رى جێبه‌جێ نه‌کردنى داواکارییه‌کانمان، کاتژمێر ٨ى به‌یانى ڕۆژى ١٢/٨/٢٠٢٠ مانگرتنه‌‌که‌ ده‌‌ست پێ ده‌‌که‌‌ن.

پارتی دیموکراتی کوردستان لە تیرۆری ڕۆژنامەنووس ”ویدات حسێن” بەرپرسیارە

سەرلەبەیانی13\8\2016،ویدات حسێن عەلی رۆژنامەنوسی ئاژانسی دەنگوباسی ڕۆژنیوز، لە شاری دهۆک، لە گەڕەکی ماڵتا لەلایەن چەند کەسێکی نەناسراو دەڕفێندرێت و پاش چەند کاتژمێرێک به‌نیوه‌ مردویى لەسەر رێگەی شارۆچکەی سێمێڵ – دهۆک، دەدۆزرێتەوە و له‌رێگاى گه‌یاندنى بۆ نه‌خۆشخانه‌ گیان له‌ده‌ستده‌دات.چوار ساڵ دوایی تیرۆری ئەو رۆژنامەنووسە دەسەڵاتداران بێدەنگیان هەڵبژاردووە و بکوژانیان ئاشکرا و دادگایی نەکراون .

رۆژنامەنوس ویدات حسێن عەلی،لە 1988 لە پارێزگای دهۆک لە دایکبووەو ته‌مه‌ن 28 ساڵ.بەپێ هەواڵ و زانیاریەکان، کوشتنی  ڕۆژنامەنووس ویدات حسێن عەلی کردەوەیەکی ئامانجدارانە و تیرۆری سیاسیە.

پارتی دیموکراتی کوردستان ڕاستەوخۆ بەرپرسیارە لە تیرۆری ئەو رۆژنامەنووسە کە لە ژێر دەسەڵاتی ئەواندا تیرۆرکراوە. لەو دەڤەرەدا هەڕەشە و تیرۆر و گوشار خستنە سەر ڕۆژنامەنووسان و چالاکوان و هەڵسوڕاوی سیاسی، لە ژێر سایە و دەسەڵاتی پارتی ئەو ناوچەیەی کردۆتە سێگۆشەی بەرمۆدا.  کارنامەی تیرۆری دەنگە جیاوازەکان لەلایەن دەسەڵاتی سەرکوتگەرانەی  پارتی دیموکراتی کوردستاندا، گومان و تۆمەتی تیرۆری ویدات بەرەوڕووی ئەوانە.  نەدۆزینەوەی تاوانبارانیش، گومان لەسەر خودی خۆیان دەکات بە بەڵگە و یەقین.

ڕێکخراوی سەردەشت عوسمان بۆ داکۆکی لە ئازادی بە توندی ئیدانەی کوشتنی رۆژنامەنوس ویدات حسین دەکات و داوای هەرچی زوو ئاشکراکردن و دادگایی ئەنجامدەرانیان دەکات.  بانگەوازی ئازادیخوازان و ڕۆژنامەنووسان و ڕێکخراوە مەدەنیەکان دەکات بە نارەزایەتی و هەڵوێستگرتنی جدی  هەڵوێستی خۆیان دەرببڕن.

ریسوایی و مەرگ و سەرشۆری بۆ دەسەڵاتی تیرۆر و خوینرێژی.

ڕێکخراوی سەردەشت عوسمان بۆ داکۆکی لە ئازادی

 

باندێكی بازرگانیكردن بە ئەندامەکانی جەستەی مرۆڤ لە عێراق دەستگیرکرا

ئاژانسی هەواڵگریی سەربە وەزارەتی ناوخۆی عێراق رایگەیاند، باندێكی بازرگانیكردن بە ئەندامەکانی جەستەی مرۆڤ كە لە حەوت كەس پێكهاتوون لە بەغدا دەستگیركراون.

لە راگەیەندراوێكدا ئاژانسە هەواڵگرییەکە بڵاوی كردەوە، هێزەكانیان بە هاوبەشی لەگەڵ هێزەكانی نەهێشتنی بازرگانیكردن بە مرۆڤ، باندێكی بازرگانیكردنیان بە ئەندامەکانی جەستەی مرۆڤ لە ناوچەی شەعەب لە باكوری بەغدا دەستگیركردووە.

ئەوەش هاتووە، “باندەكە لە حەوت كەس پێكهاتوون كە شەشیان ئافرەتن و ئەوەی دیكەشیان پیاوە.”

باس لەوەشكراوە، “ئەندامانی باندەكە دانیان بەوەداناوە لە پاڵ بازرگانیكردن بە ئەندامەکانی جەستەی مرۆڤ، كاری بەدرەوشتیشیان ئەنجامداوە.

ئەوەش خراوەتەڕوو، “دەستگیركراوەكان دوای وەرگرتنی وتەكانیان، بە مەبەستی تەواوكردنی لێكۆڵینەوە رەوانەی لایەنی دادوەریی كراون.

تەڤگەری ئازادی: ئەندامە دەستگیركراوەكانمان لەهەولێر هێشتا ئازاد نەكراون

دوو ئەندامی تەڤگەری ئازادی لە شاری هەولێر لەلایەن ئاسایشەوە دەستگیركراون و تا ئێستا ئازادنەكراون. تەڤگەری ئازادی دەڵێت: لەو كارە بێدەنگ نابین.

 ماڵپەڕی رۆژ نیوز بڵاویكردەوە”کاتژمێر ١٠:٠٠ی پێشنیوەڕۆی دوێنێ، ئاسایشی هەولێر، هەڵی کوتایە سەر ماڵی چەند ئەندامێکی تەڤگەری ئازادی کۆمەڵگای کوردستان و دو ئەندامیان بە ناوەکانی سەمیرە حەمەد ئەمین و عەونی حسێن دەستگیرکرد.”

ئەوەشی خستۆتەڕو”ئاسایش بە بێ هیچ بەڵگەیەکی فەرمی و بە بیانوی ئەندامیەتیان لە تەڤگەری ئازادی کۆمەڵگای کوردستان، ئەو دو ئەندامەیان دەستگیر کردوە و تا ئێستا لە ئاسایشی هەولێر ماونەتەوە.”

لای خۆیەوە نەریمان ئەحمەد، ئەندامی دەستەی هاوسەرۆکایەتیی تەڤگەری ئازادیی کۆمەڵگەی کوردستان، وتی: وەک کاری هەمیشەییان دوێنێ دو ئەندامانیان دەستگیرکردوە، مانگێک لەمەو پێشیش ئەندامێکی دیکەمان بە ناوی تەحسین دەستگیرکراوە.

ئەوەشی خستەڕو: بەداخەوە لەم سەروبەندانەدا ئەمە کارێکی قێزەونە کە ئاسایشی پارتی بەرامبەر بە ئێمە دەیکات، چونکە تەڤگەری ئازادی وەک هێزێکی ئۆپۆزسیۆنە و ئەم شێوازە هەڵسوکەوتە لاوازی پارتی دیموکراتی کوردستان دەردەخات، چونکە ئەگەر وانەبێت هەوڵی دەستگیرکردنی ئەندامانی تەڤگەری ئازادی نادات بە هۆی بیروباوەڕی جیاوازییانەوە.

نەریمان ئەوەشی وت: ئەگەر هەڵەیەک لە ئەندامانی ئێمەوە بێت ئەوا بۆخۆمان ڕادەستی یاسایان دەکەین، ئاسایش بە بەردەوامی ئێمەیان بە شێوەی ڕاستەوخۆ ئاگادار کردوەتەوە کە دەستگیرکردنی ئەندامانمان تەنها لە بەر ئەندامبونیانە لە تەڤگەری ئازادی، هۆیەکی دیکەشی ڕەنگە بە هۆی زیادبونی جموجوڵەکانمان و پەیوەندییەکانمان لەگەڵ عێراق بێت.

هەروەها ڕەخنەشی لە هێزە ئۆپۆزسیۆنەکان گرت و وتی: بە داخەوە کۆمەڵێک هێز و لایەنی سیاسی و ئۆپۆزسیۆن لە باشوری کوردستان هەن کە هیچ دەنگێکان لێوە دەرنایە و هەڵوێستیان نییە بەرامبەر بەو هێرشانەی دەکرێتە سەر ئێمە و ئەندامانمان، ئەگەرچی ئێمە هەمیشە لە سەر نادادپەروەرییەکانی سەر لایەنەکان هەڵوێستمان هەبوە.

لە کۆتاییشدا وتی: ئەو هێز و لایەنانە دڵنیا دەکەینەوە کە فشارێکی گەورەیان لە عێراقەوە بۆ دروست دەکەین بە مەبەستی ئازادکردنی ئەندامەکانمان و لەو بارەیەشەوە چالاکی جۆربەجۆری خۆمان بە خۆپیشاندان یان سەردان کردنی ڕێکخراوەکان بێت، ئەنجام دەدەین.

ئاسایشی هەولێر بە تۆمەتی ئەندامێتی لە تاڤگەری ئازادی ژنێک دەستگیر دەکات”

ئاسایشی هەولێر ژنێکی ٥٦ ساڵە بەتۆمەتی پەیوەندی هەبوون بە تاڤگەری ئازادیەوە لەگەڵ هاوسەرەکەیدا دەستگیر دەکات، پاش چەند کاتژمێرێک پیاوەکە ئازاد دەکەن، بەڵام ژنەکە دەهێڵێنەوە.

هەڵۆی سامی کوڕی سەمیرە حمدامینی، ژنەی دەستگیرکراوە رایگەیاند” ئەمڕۆ کات ژمێر دەو نیوی نیوەڕۆ بۆ یازدە ، ئاسایشی هەولێر هەڵیان کوتایە سەر ماڵەکەمان و دایک و باوکمیان گرت ، کات ژمێر دوازدەو نیو باوکمیان بەردا ، بەڵام دایکمیان هێشتەوە بە ناوی لێکۆڵینەوە ، بە تاوانی ئەوەی پەیوەندی هەبووە لە گەڵ هەڤاڵانی تەڤگەری ئازادی و ڕێکخراوی ژنانی ئازاد”.

هەڵو ئاماژی بۆ ئەوە کرد کە ئەوان لە خێزانێکی تێکۆشەرن، دایکی پێش راپەڕین پەیوەندی بە رێکخستنە نهێنییەکانەوە هەبووەو، باوکیشی حوکمی لەسێدەرادانی لەسەردەمی رژێمی دیکاتۆریدا هەبووە، دواتر بەر لێوبوردن کەوتووەو حوکمەکەی بۆ کراوە بە ٧ ساڵ و ئەو ماوەیە لە زیندانی رژێمی بەعسدا بووە.

 ناوبراو دەشڵێت ” دووساڵ پێش ئێستا دایکم هاوسەرۆکی تەڤگەری ئازادی بووە، ئێستا هەڤاڵی هەمان جوڵانەوەیە، هەمیشە بڕوای بە پێکەوە ژیان و ئاشتی هەبووە، ڕەخنەی گرتووە لە هەر شوێنێک هەستی بە هەڵەیەک کرد بێت”.