ڕاگەیاندنی ڕۆژنامەوانی

نووسەران و ڕۆژنامەنووسان و دادوەرانی ئازادیخواز!
لایەنگرانی ئازادی و ئازادییە سیاسییەکان و مافەکانی ئینسان!
فراکسیۆنی پارتی پرۆژە یاسایەکی لەژێر ناونیشانی ” پێشنیاری یاسای هێما نیشتیمانی و نەتەوەییەکان لەهەرێمی کوردستان – عێراق” ئاراستەی لیژنەی یاسایی پەرلەمان کرد، تا بیخاتە بەردەم ئەندامانی پەرلەمان بۆ بەیاساییکردنی. ئەم پرۆژە یاسایە ئەگەر بچێتە بواری جێبەجیکردنەوە ئازادی و ئازادییە سیاسیەکان، Read More »

لە 22-9-2020 دادگای باڵای هەولێر سزای لە سێدارەدانی بەسەر مەزڵوم داغ و عەبدالڕەحمان ئەرێ پەسەند كرد لەسەر دۆسیەی ریستۆرانتی هۆقە باز لە شاری هەولێر, ئێمە كە لە گەڵ هەڵوەشاندنەوەی حوكمی ئیعدامین بەسەر مرۆڤدا بەشێوەی گشتی , دەمانەوێت لە جیهان و كوردستان ئەم بڕیارە نەمێنێت, داواكارین ئەم بڕیارە زاڵمانە نا مرۆڤانەیە جێبەجێنەكرێت بەرامبەر بەو دوو مرۆڤە و هەڵوەشێتەوە , Read More »

بەپێی ئەو ئامارانەی بەرێوەبەرایەتی کۆچ و کۆچبەرانی تورکیا دەربارەی پەنابەران دەیخاتە ڕوو

لەماوەی دە مانگی ڕابردوودا ( ٩٦،٥٩٠ ) نەوەت و شەش هەزارو پێنچ سەدوو نەوەت پەنابەر لە سنورە دەریایی و ووشکانیەکانی تورکیا دەستگیرکراون کە بەنیازبوون بەرەو ئەوروپا بڕۆن،کە لەو ژمارەیە ( ٢،٢٧١ ) دوو هەزارو دووسەدوو حەفتاویەك پەنابەریان پەنابەرانی کوردستان و عێراقین. Read More »

وەزارەتی تەندروستیی هەرێمی كوردستان لە ڕاگەیەندراوێكدا لەبارەی ئاماری 24 كاتژمێری ڕابردووی پەتای كۆرۆنا رۆژی دووشەممە 12ی تشرینی یەكەم ڕایگەیاند، “لەو ماوەیەدا 720 توشبووی نوێ بە كۆرۆنا تۆمار كراون، زۆرترینیان لە پارێزگای هەولێر بوون كە 291 كەس توشبوون، كەمترین ڕێژەی توشبوونیش لە پارێزگای هەڵەبجە تۆمار كراوە كە 14 كەسن”.
لەبارەی مردن بە كۆرۆنا تەندروستیی هەرێم ئاشكرایكردووە، لەماوەی 24 كاتژمێری ڕابردوودا 26 توشبووی كۆرۆنا لە هەرێم گیانیان لەدەستداوە، 2 توشبوو لە هەولێر، 6 كەس لە سلێمانی، 11 كەس لە پارێزگای دهۆك و لە پارێزگای هەلەبجەش 1 كەس، گەرمیان 1 كەس و ڕاپەڕین 5 كەس”.
ژمارەی ئەو كەسانەشی لەو ماوەیەدا چاكبوونەتەوە بریتییە لە 396 كەس.
كۆی گشتیی ئەو كەسانەی تا ئێستا لە هەرێمی كوردستان بەهۆی كۆرۆناوە گیانیان لەدەستداوە گەیشتووەتە 2 هەزار و 18 كەس، كە زۆرترینیان لە پارێزگای سلێمانی بوون كە هەزار و 23 كەس گیانیان لەدەستداوە. Read More »

ئەنجومەنی خۆسەری شەنگال ڕایده‌گه‌یهنێت، بەبێ بەشداریكردنی ئەوان لەو گفتوگۆیانە هیچ بڕیارێك شوێنێ خۆی ناگرێت و پێویستە ئەوان وەك لایەنێك بەشداری گفتوگۆكان بكەن.
رۆژی شه‌ممه‌ 10 ی تشرینی یه‌كه‌می 2020 لەبارەی رێكەوتنی نێوان حكومه‌تی هەرێم و حكومەتی عێراق ،ئەنجومەنی خۆسەری دیموكراتی شەنگال، روونكردنەوەیەكی بڵاوكردەوە و رایگەیاند: لە رۆژی 9ی تشرینی یەكەم رێكەوتنێك لە نێوان هه‌ریم و ناوه‌ند  ئەنجامدرا لەسەر شەنگال، بە بێ وەرگرتنی رای ئێزدیەكان و پێكهاتەكانی دیكە و گەلی شەنگال.
ئەنجومەنی خۆسەری دیموكراتی شەنگال ئاماژه‌ی به‌وه‌ش كردوه‌، گفتوگۆكان هەرچی دەبێت و لە هەركوێ دەبێت، پێویستە بیركردنەوە و بڕیار و پڕۆژەی ئێزدیەكان بۆخۆیان ببێتە بنەما سیاسەتی فەرزكردن ئەنجام بەدەست ناهێنێت.
هه‌روه‌ها له‌ ڕونكردنه‌وه‌كه‌دا ئه‌وه‌ش خراه‌وه‌ته‌روو،ئێمە بۆ بەدەستهێنانی ماف و خواستەكانی كۆمەڵگەكەمان و گەرەنتی پاراستنی پێگەی شەنگال و ئێزدیەكان دەخوازین بگەینە تێڕوانێكی هاوبەش كە تێیدا ئیرادەی هەبوونی ئێزدیەكان پارێزراو بێت.
ئەنجومەنەكە راشیگەیاندووە بۆ ئەوەی ئەو گفتوگۆیانە بگاتە ئەنجام پێویستە ئەوانیش ببنە لایەنێك لە گفتوگۆكان و بە بێ ئەوەش ئەو گفتوگۆیانە قەبوڵكراو نین، تەنها چارەسەریش گفتوگۆكردنە و هیچ چی دیكە. Read More »

رێکخراوی١٧شوبات بۆ بەرگری لەمافەکانی مرۆڤ وەلامی رەنکردنەوە چاواشەکاریەکەی دیندار زێباری دەداتەوە

پاش ڕفاندنی ڕۆژنامەوان شێروان شێروانی و دەربڕینی ناڕەزایی بەرفراوان لە لایەن ماڵپەڕ و ڕێکخراوەکانی بەرگریکەر لە ڕای ئازاد و ڕۆژنامەوانان و میدیا کۆمەڵایەتیەکان، پارتی بە ناچاری لە ڕێگای یەکێك لە سیخوڕەکانی بنەماڵەی  بارزانی (دیندار زێباری) کە بە ناوی (رێکخەرى راسپاردە نێودەوڵەتییەکان لە حکومەتى هەرێمى کوردستان OCIA) لە خزمەتیاندایە، ڕونکردنەوەیەکی چەواشەکارانەی خستۆتە ڕو.
ڕونکردنەوەی ناوبراو لە یەکێك لە گروپەکانی ڕۆژنامەوانانی سەر بە پارتی وەرگیراوە، کەسێك بەناوی (بەدر) نامەیەکی ناردووە بۆ گروپەکە و تیایدا چیرۆکێکی چەواشەکاری هۆنیوەتەوە لە ژێر ناوی (شێروان شێروانى تۆمەتبارە بەوەی ئاشتەوایی کۆمەڵایەتى دەخاتە مەترسییەوە)، لە سەرەتای نامەکەدا باسی لەوە دەکات گوایە شێروانی لە دهۆک دەسگیرکراوە، لە کاتێکدا هێندە بێئاگایە لە ڕاستیەکان کە نازانێت ناوبراو لە شاری هەولێر و لەناو ماڵەکەی خۆیدا رفێندراوە.

دەقی گفتوگۆی ناو گروپ چاتەکەی رۆژنامەنوسانی پارتی لای تەڤدا پرێس پارێزراوە

لە ڕونکردنەوەکەی شێروان شێروانی دا ئەم تۆمەتانەی خوراەوە خراونەتە پاڵ ڕۆژنامەوان شێروان شێروانی؛

١- لە سەرچاوەى دەرەکییەوە یارمەتی دارایی کراوە بۆ؛

ا- دروستکردنى ئاڵۆزى و پشێوى.

ب- ناشیرینکردن و وتنى قسەى نەشیاو بە پەرپرسان.

ج- ناشیرینکردن و وتنى قسەى نەشیاو بە کەسانى خاوەن پێگەى کۆمەڵایەتى دیاریکراو.

٢- بەلاڕێدابردنى ناڕەزایى و خۆپێشاندانە ئاشتیخوازییەکان بۆ دروست بوونى توند و تیژى

٣- هەڕەشەکردن لە دادوەران.

٤- گوتنى قسەى نەشیا و تۆمەت دروستکردن و تێکدانى ئاشتى کۆمەڵایەتى.

بە پێی ڕونکردنەوەکەی دیندار زێباری، شێروان شێروانی بەم بەم مادە یاساییانەی خوارەوە تۆمەتبار کروە ؛

١- بە پێى ماددەى ١٥٦ لە یاساى سزادانى عێراقى، ژمارە (٢١) بۆ ساڵى ٢٠٠١ کە لە پەرلەمانى هەرێمى کوردستان هەموارکراوە.

٢- یاساى سزادانى عێراقى ژمارە ١١١ ى ساڵى ١٩٦٩ کە لە لایەن ئەنجومەنی وەزیران و ئەنجومەنی سەرکردایەتی شۆڕشی حئیزبی بەعسەوە هەموارکراوە.

دەقی ڕونکردەوەی دیندار زێباری؛

بەڕیز (شێروان شێروانى) لەسەر فەرمانى راگرتن کە لە دادگاى لێکۆڵینەوەى دهۆک دەرچووە دەستگیر کراوە، ناوبراو تۆمەتبارە بە پێى ماددەى ١٥٦ لە یاساى سزادانى عێراقى، ژمارە (٢١) بۆ ساڵى ٢٠٠١ کە لە پەرلەمانى هەرێمى کوردستان هەموارکراوە. لەکاتى لێکۆڵینەوەى سەرەتایى شێروان شێروانى دانى بەوە ناوە کە ئەو لە سەرچاوەى دەرەکییەوە یارمەتی دارایی کراوە بۆ دروستکردنى ئاڵۆزى و پشێوى، ناشیرینکردن و وتنى قسەى نەشیاو بە پەرپرسان و کەسانى خاوەن پێگەى کۆمەڵایەتى دیاریکراو، هەروەها بەلاڕێدابردنى ناڕەزایى و خۆپێشاندانە ئاشتیخوازییەکان بۆ دروست بوونى توند و تیژى، هەروەها هەڕەشەکردن لە دادوەران. لەم بارەیەوە لێکۆڵینەوە لەم دانپێدانانە دەکرێت لەلایەن دادوەرى لیکۆڵینەوە.

شێروان شێروانى لەسەر فەرمانى دادگا دەستگیر کراوە و رێو شوێنى یاسایى لەبەرانبەردا گیراوەتە بەر. ئەوەى جێگاى سەرنجە شێروانى لەدەرەوەى چوارچێوەى رۆژنامەوانییەکەى دەستگیر کراوە، تۆمەتبارە بە گوتنى قسەى نەشیا و تۆمەت دروستکردن و تێکدانى ئاشتى کۆمەڵایەتى. پێویستە لەسەر رۆژنامە نووسان و دەزگاکانى راگەیاندن هەست بە بەرپرسیارێتى بکەن و ئاسایشى نیشتیمانى نەخەنە مەترسییەوە لە ژێر ناوى ئازادى رادەربڕینەوە.

بەپێى یاساى رۆژنامەوانى لە هەرێمى کوردستان ماددە ٣٥ ى ساڵى ٢٠٠٧، ناتواندرێت رۆژنامەنوس دەستگیر بکرێت تەنها بە فەرمانى دادگا و رەزامەندى سەندیکاى رۆژنامەنوسان نەبێت، بە پێى ئەم یاسایەى سەرەوە هێزەکانى پۆلیس رۆژنامەنوسى تۆمەتبار و تێوەگلاو لە سەرپێچیکردن دەستگیر ناکەن تەنها کاتێک دادگا داوادەکات بە گرتنەبەرى رێوشوێنى پێویست. لە کاتى دروستکردنى مەترسى لەسەر ئاسایشى نەتەوەیى و بڵاوکردنەوەى توندوتیژیدا بە پێى یاساى سزادانى عێراقى ژمارە ١١١ ى ساڵى ١٩٦٩ مامەڵە دەکرێت

بەپێ ئەو هەوڵێک کەلە ڕوگەش هاوسەری شیروان شیروانیەوە کە ڕۆژی ٧\١٠ نیاز عەبدوڵای ڕۆژنامەنوسی لێ ئاگادارکردوەتەوە هێزکی دەمامکدار هەڵیان کوتاوەتە سەر ماڵەکەیان و شیروان شیروانی ڕۆژنامەنوس وچالاکوانی مەدەنیان بۆ جاری چوارهەم دەستگیر کردوە. Read More »

ئەمڕۆ 10-10 رۆژی جیهانی هەڵوەشاندنەوەی حوكمی ئیعدامە لە جیهان, كە لە 106 وڵاتدا بۆ هەموو تاوانێك هەڵوەشاوەتەوە ,تەنها لە 20 وڵات بە عەمەلی جێبەجێدەكرێت, هەرچەندە بە داخەوە هێشتا زیاتر لە 60%ی مرۆڤایەتی لەو وڵاتانە دەژێن حوكمەكەیان هەڵنەوەشاندۆتەوە نموونەیان چین و هیندستان و وڵاتە یەكگرتووەكانی ئەمەریكاو پاكستان و نیجریاو میسرو ئێران و سعودیەو بەنگەلادیش و عێراق و ئەندەنوسیاو ….. Read More »

لەبارەی ئازادكردنی‌ رۆژنامه‌نوس شێروان شێروانی ژماریه‌ك نوسه‌رو رۆژنامه‌نوس و چالاکوان کەمپینێك پێکدێنن و دەڵێن” ئەم جۆرە رەشبگیرییەی کە  شێروان شێروانی پێ دەستگیرکرا، درێژە پێدانە بە رەشبگیریی چالاکوان، رۆژنامەنووس، مامۆستایان و وڵاتپارێزانی دژی داگیرکاریی و ناڕازیانی دەسەڵاتی باشووری کوردستان”. Read More »

عەلی حەمە ساڵح لەسەر دەستگیرکردنی رۆژنامەنووس شێروان شێروانی کە لە هەولیر دەستگیرکرا، نووسیوویەتی” شەش ئۆتۆمبیل ڕۆشتونەتە سەرماڵیان دەستگیریان کردوە”.
لەو نووسینەدا کە لەتۆڕی کۆمەڵایەتی فەیسبووک بڵاویکردۆتەوە، عەلی حەمە ساڵح دەڵێت” دەستگیرکردنەکە بەبێ ھیچ ئاگادارکردنەوەیەکی پێشوەخت بووە”.
“بەپێی بەدواداچونەکان دۆسیەکە لە دھۆکەوە ھاتوە، شیروان لە ھەولێرەو بەنیازن ڕەوانەی دھۆکی بکەن”( وەک عەلی حەمە ساڵح دەڵێت).
لەبارەی هۆکاری دەستگیرکردنەکەی، ناوبراو ئاماژە بۆ ئەوە دەکات” ئەگەر لەسەر نوسین دەستگیردەکرێت! ئەوە یاسای ڕۆژنامەگەری ڕێگا بە دەستگیرکردنی ڕۆژنامەوان نادات! چ جای ئەوەی کۆمپیوتەرو ئامێرە ئەلیکترۆنیاکان ببرێت و ماڵی بپشکنرێت! ئەگەر لەسەر دۆسیە کۆنەکەیە گوایە: ویستویەتی خۆپیشاندان بکات لە دھۆک، ماوەیەک زیندان بوو، دواتر ئازادکرا!! چ پێویستە بەشەش ئۆتۆمبیلەوە بچنە سەر ماڵەکەی! “.
عەلی حەمە ساڵح دەڵێت” ئەم ھەنگاوە دژی بنەماکانی ئازادی و مافی مرۆڤە، نەک بەرامبەر شیروان، بەرامبەر منداڵ و خانەوادەکەشی”. Read More »