fbpx

Author Archives: Hawpshti Media

ئەمنستی ئینتەرناشناڵ: پێویستە دەسەڵاتدارانی هەرێم كۆتایی بە سەركوتكاریی و تۆقاندن بهێنن

رێكخراوی ئەمنیستی ئینتەرناشناڵ،سێشەممە(15\6\2021)، رایگەیاند، پێویستە دەسەڵاتدارانی هەرێمی كوردستان كۆتایی بە سەركوتكردن و تۆقاندن بهێنن لە پەیوەست بە خۆپیشاندان و ناڕەزایەتییەكان و ئەو دەستگیركراوانەش ئازادبكەن كە لەلایەن دەزگای ئاسایش و ئاژانسی پاراستنی سەربە پارتی دیموكراتی كوردستانەوە دەستگیركراون لەگەڵ ئازادكردنی ئەو چالاكوان و رۆژنامەنوسانەی كە لە دادگاییەكی نادادپەروەرانەدا سزای زیندانیان بەسەردا سەپێنراوە. Read More »

ئەو دادوەرەی فەرمانی دەستگیرکردنی بۆ بەرپرسان دەردەکرد لە دادگای دەستپاکی لابرا

لە ماوەی رابردوودا دادوەرێک لە دادگای دەستپاکی گەرمیان چەند دۆسیەیەکی گەندەڵی جوڵاند، کە چەند بەرپرسێکی ئەو ناوچەیە تێوەگلابوون و ژمارەیەکیشیان دەستگیرکران و لێکۆڵینەوەیان لەگەڵدا کرا، بەڵام ئەمڕۆ ئەو دادوەرە لە دادگای دەستپاکی لابرا.

عەبدولئەمیر جومعە، دادوەری لێكۆڵینەوەی دەستپاكی گەرمیان، كە چەند كەیسێكی لەدژی بەرپرسان جوڵاندوە، گۆڕدراو دادوەرێكی دیكە لە شوێنەكەی دانراوە.

 بەپێی زانیارییەکانی رادیۆی دەنگ كە روماڵی روداوەكانی ناوچەی گەرمیان دەكات، لە سەرەتای ئەم ھەفتەیەوە دادوەری دادگای لێکۆڵینەوەی دەستپاکی گەرمیان، عەبدولئەمیر جومعە، مەلەفی لێکۆڵینەوەی دەستپاکی لێوەرگیراوەتەوە و گۆڕدراوە بە دادوەر عەباس محەمەد ئەمین.

ئەم گۆڕانکارییانە لە دادگای دەستپاکی گەرمیان، دوای ئەوەھاتوە کە دادوەر عەبدولئەمیر جومعە لەماوەکانی رابردوداو لەسەر سکاڵایەکی ئەندامێکی ئەنجومەنی پارێزگای سلێمانی، سەرۆکی شارەوانی ناحیەی رزگاری راگرت و فەرمانی دەستگیرکردنیشی بۆ بەڕێوبەری گشتی شارەوانیەکانی گەرمیان دەرکرد کە تائێستا دەستگیرنەکراوە، ئەمەش لە دۆسیەیەکدا لەبارەی پرۆژەی ناوچەی نوێی پیشەسازیی ناحیەی رزگاری کە بەپێی سکاڵاکە، ئەو دو بەرپرسە بەبێ وەرگرتن و تەواوبونی مۆڵەت و  رێکارەکان، ھەستاون بە کارکردن لەو پرۆژەیەدا، ئەمەش تۆمەتێکە کە ھەردو بەرپرسەکە رەتیدەکەنەوە.

دادوەری نوێی دادگای لێکۆڵینەوەی دەستپاکی، دادوەر عەباس محەمەدئەمین، ھاوکات دادوەری دۆسیەکانی ئاسایشی گەرمیان و دادوەری بەرایی و کەتنی دادگای ناحیەی رزگارییشە.

پێشتریش لە دو بەیاننامەی جیادا، ژمارەیەک پەرلەمانتار و سیاسی و چالاکوان و مافناس و پارێزەر، ھۆشدارییان دابو لە بونی ھەوڵێک بۆ گۆڕینی دادوەری دادگای دەستپاکی.

دادوەر عەبدولئەمیر جومعە، پێش دەستبەکاربونی وەک دادوەری دادگای دەستپاکی، دادوەری دادگای لێکۆڵینەوەی خانەقین/قۆرەتو بو و لەو ماوەیەدا ژمارەیەک دۆسیەی ‘گەندەڵی و خراپ بەکارھێنانی دەسەڵات و کەمتەرخەمی’ دادبینی کردو بەھۆیەوە ژمارەیەک بەرپرسی راگرت.

لەپایتەختی گەشتیاری مەرگ گرەو لەژیان دەباتەوە

لەپایتەختی گەشتیاری

مەرگ گرەو

لەژیان دەباتەوە

ژن-ێک

ئاوی حیات بەتیکێ نان دەگۆڕێتەوە.

۲

لەخاکی نیشتمانی هەراج کراو

هەر هەموومان دەخەنە مەزات

بۆ خۆش گوزەرانی

کوڕو کچی سەرکردەیەک

لێ ئابڕو ناڕژێ

کە هەژارێ، لەبرسا دەمرێ.

۳

سوێندت دەدەم

گەر نیشتمان ئەوا بێ

ژیان سەخت بۆ قوربانی و

کۆشک و تەلار بۆ مالۆس بێ

ڕۆژێ چەند جار

تۆش تف دەکەی

لەنیشتیمان؟!.

ــــــــــــــــــــــــــــــــــــــــــــــــــــــــــ

عیــــــــســـــــــاخـــــــــدر

بۆچى ڕێژەى فرۆشتنی نەوت جێگەى گومانە؟

بۆ جارى چوارەم لەم ساڵدا، بۆ بەدواداچوونى‌ داهاتی‌ نەوت و ڕیژەی‌ فرۆشتن‌ و گەڕانەوەی‌ داهاتەکەی،‌ پرسیارم ئاراستەی‌ وەزیری‌ سامانە سروشتییەکان کردەوە. Read More »

مردنی سه‌عدی یوسف خه‌مباری نه‌كردم

عیماد عەلی:
له‌گه‌ڵ ئه‌وه‌ی له‌ رووی سیاسه‌ت و ئایدیۆلۆجیاوه‌ چه‌پێكی شۆرشگێر بوو ، به‌ڵام ئه‌ویش به‌ هه‌مان شێوه‌ی هه‌زارانی تر ده‌قه‌كانی فكر و فه‌لسه‌فه‌ی چه‌پگه‌رانه‌ به‌ هه‌مان شێوه‌ی ده‌قی فكر و ئایدیۆلۆجیای  قه‌و مه‌چی و ئیسلامیه‌ توندڕه‌وه‌كانی وه‌كو قورئانی ته‌اشا ده‌كرد و، ئه‌گه‌ر له‌ ناخدا باوه‌ڕی به‌ شتێك هه‌بووبێت به‌ رواڵه‌ت له‌سه‌ر بنه‌مای چه‌پ و ماركسیسزم ده‌ریده‌بڕێ و به‌هانه‌ی بۆ سه‌لماندنی به‌ ریزكردنی وشه‌ی شیعریی بریقوباقی بۆ ده‌هۆنیه‌وه‌. به‌ زاره‌كی وای نیشان ده‌دا كه‌ بیریی نه‌ته‌وه‌یی تێپه‌ڕاندووه‌ كه‌چی مافی گه‌لان و نه‌ته‌وه‌كانی تری نه‌سه‌لماند و له‌ قۆناغێكدا به‌ روكه‌ش شتێكی ده‌وت و له‌ قۆناغێكی تر به‌ پێی باردۆخی تایبه‌تی خۆی نه‌ك په‌شیمان ده‌بووه‌وه‌ به‌ڵكو ئینكاری راكانی پێشوتری خۆیشی ده‌كرد. زمانزانێكی عه‌ره‌بی باش بوو به‌ ناڕاسته‌وخۆش بێت به‌ بێ جیاوازی له‌گه‌ڵ قه‌ومه‌چیه‌ راستڕه‌و وئیسلامه‌ویه‌ توندڕه‌وه‌كان زمانی عه‌ره‌بیی به‌ موقه‌دده‌س داده‌نا و، كه‌س هیچ هه‌ڵوێستێكی مرۆڤدۆستانه‌ی لێ نه‌دی و هه‌میشه‌ سوژنی ره‌خنه‌ی له‌وانیتر ده‌بوو بێ ئه‌وه‌ی رۆژێك هه‌ست بكه‌یت ئه‌وه‌ی ئێدعای ده‌كات له‌ لایه‌نگیری هه‌ژار و زه‌حمه‌تكێش به‌ بێ نه‌ته‌وه‌په‌رستی ده‌سه‌له‌مێنێت.

وه‌كو ئه‌وانیتری نه‌ته‌وه‌په‌رستی عه‌ره‌بی و ئیسلامچیه‌ توندڕه‌وه‌كان دژی به‌فه‌رمیبونی زمانی  كوردی بوو له‌ عیراقدا ، هیچ هه‌ڵوێستێكی ئه‌وتۆی له‌برامبه‌ر ئه‌نفال و كیمیابارانی كورد نه‌بوو، ده‌ی نه‌ك وه‌كو نه‌ته‌وه‌ به‌ڵكو وه‌كو باوه‌ڕبون به‌ مافی مرۆڤیش بۆ گه‌لێكی سته‌مدیده‌ چی جیاوازیه‌كی له‌گه‌ڵ قه‌رزاوی و موفتیه‌ توندڕه‌و و ئیخوانه‌كانی ئسلام هه‌بوو له‌ ئاست پرسی كورد. 

ئه‌وه‌ به‌سه‌ ته‌نها بپرسین كه‌سیك خۆی به‌ چه‌پزانی عه‌یار بیست وچوار بزانێت و له‌ چه‌مك و بیر و فه‌لسه‌فه‌ی ماركسیزم ئاگادار بێت، مه‌عقوله‌ تێڕوانینی له‌ چه‌مكێكی گرنگی وه‌كو مافی نه‌ته‌وایه‌تی و چاره‌نوسی گه‌لێكی به‌شخوراو وابێت و سیاسه‌ت تێكه‌ڵی فكر و فه‌لسه‌فه‌ بكات و له‌ روانگه‌ی چه‌پگه‌رایی ره‌قو ته‌قی خۆیه‌وه‌ یه‌كسان بێت له‌گه‌ڵ نه‌ته‌وه‌چیه‌كی عه‌ره‌بی جه‌زیره‌ و نه‌ته‌وه‌یه‌كی تر به‌ مه‌یمون و وڵاتێكی زوڵملێكراوی وه‌كو كوردستان به‌ قردستان وه‌سف بكات، ئه‌مه‌ شایسته‌ی ئه‌وه‌یه‌ پێی بڵێیت چه‌پی هه‌ژار په‌روه‌ر یان  به‌ شاعیرێكی سه‌رزاره‌كی رواڵه‌تی خودخه‌ڵتێنه‌ربیبینیت. بۆیه‌ كه‌ مرد زۆر كه‌سی خه‌مبار نه‌كرد، به‌ منیشه‌وه‌.  

پلاندانانی عێراق زانیاری دەخاتەڕو لەبارەی ژمارەی دانیشتوان و دیاریکردنی ژمارەی منداڵ بون

وەزارەتی پلاندانانی عێراق رایگەیاند، لەئێستادا ژمارەی دانیشتوانی عێراق 40150000 (چل ملیۆن و سەد و پەنجا) هەزار کەسی تێپەڕاندوە و ساڵانە ژمارەی دانیشتوان ملیۆنێک کەس زیاد دەکات، دەشڵێت، هیچ سیاسەتێک نیە بۆ دیاریکردنی ژمارەی منداڵ بون و هەوڵ دەدەن وەبەرهێنان لەو توانایەدا بکەن بۆ گەشەپێدانی ئابوری کۆمەڵگە و وڵات.
وەزارەتی پلاندانانی عێراق لەراگەیەنراوێکدا باسی لەوەشکردوە، وەزارەتەکەیان هیچ سیاسەتێکی تایبەتی نیە بۆ دیاریکردنی ژمارەی منداڵ بون، بەڵکو بەپێویستی دەزانن هۆشیارییەکی کۆمەڵایەتی بونی هەبێت بەمەبەستی بەدیهێنانی ئەرێنی لە گەشەپێدانی دانیشتوان.
ئاماژەی بەوەشکردوە، ئەو وڵاتانەی کاریانکردوە بۆ دیاریکردنی ژمارەی منداڵ بون روبەڕوبوی کێشەی گەورە بونەتەوە، بەتایبەتی لەکەمبونەوەی توانای گەنجان بۆ کارکردن و بونی کۆمەڵگەیەکی بەتەمەن، لەگەڵ ئەوەشدا لەئێستادا گەشەکردنی دانیشتوان لەعێراق بەڕێژەیەکی خێرا بەرزدەبێتەوە ئەگەر بەراورد بکرێت بە وڵاتانی دیکە.

وەزارەتی پلاندانانی عێراق ئەوەشی خستوەتەڕو، بەگوێرەی دواین ئامار ژمارەی دانیشتوانی عێراق 40150000 (چل ملیۆن و سەد و پەنجا) هەزار کەسی تێپەڕاندوە و ساڵانەش ژمارەی دانیشتوان 850000 (هەشت سەد و پەنجا) هەزار بۆ ملیۆنێک کەس زیاد دەکات. 

دیدارە تراژیدیەکەش دەکەنە منەت!

ئەمرۆ ھاوسەری یەکێک لەزیندانیانی بادینان کە شێوەی ھاوسەرە زیندانیکراوەکەی بەو کێش دابەزین‌و خراپیەوە بینی لەھۆش خۆی چۆ!

دوای سەرەدانی سەرۆکی پەرلەمان و سەرۆکی لیژنەی ناوخۆ لە رۆژی پێنجشەممە و رێکخستنی مواجھە، کاتژمێر ١٢ی نیوەرۆی ئەمرۆ کەسوکاری زیندانیانی بادینان سەرەدانی زیندانی ئاسایشی ھەولێریان کرد بۆ بینینی سزادروان، ئەوەی جێگای شانازیە گشت سزادراوانی بادینان بە ئیرادەیەکی بەرزوەوە وتیان ئێمە بێ تاوانین و نەک شەش سال بەڵکۆ ٢٠ ساڵیش زیندانی بکرێین سەربەرزین چۆنکە لەسەر داوای مافی خەڵک و عەدالەتخوازی زیندانیکراوین.

ھەرچەندە بە قسەی خۆیان مامەلەی ئاسایش لەگەڵ زیندانیان باشتر بوە، بەڵام پێویستیان بە دکتۆرە بۆ تەندروستیان و شوێنی خەوتنە کە لە ھوڵێکی ٥٠ مەتری بەپێ ئاستی ستاندارد دەبێت ٣٠کەسی تێدابێت کەچی ١٣٥ زیندانی تێدا بەجێ کراون، بەپێ یاسا پێویستە حوکمدراوەکان بگوازرێنەوە بۆ چاکسازی گەوران و مواجھەیان ھەبێت نەک لە ئاسایش بن و دوای ھەشت مانگ دیدارەکەیان بکەنە منەت.

بەراستی نادادی و بێ وژدانیە دەستەڵات ئەم چالاکوان و رۆژنامەنوسە بوێرو پاک و بێ تاوانانە بەو شێوەیە سزابدات و تەحەدای ھێزو سزا لەگەڵ چەند کەسێکی مەدەنی بکرێت، دەبێت پارتی لەجیاتی سزادانی خەلکی نارازی بۆ بێدەنگکردنی جاددەی بادینان بیر لە خزمەت و چاکسازی و سزادانی بەرپرسە گەندەڵەکان بکات. بەھیواین و نابێ بوەستین تا زیندانیەکان ئازادبکرێن و بە خێزانەکانیان شاد ببنەوە.

ئەیھان سەعید
١٣ی ٦ی ٢٠٢١ش

نەوت و زەوی و خاڵی سنوری دەرگای گەورەی گەندەڵی و ستەمکارین لە کوردستان

ئەندامێکی پەرلەمانی کوردستان رایگەیاند، ئێستا بۆ پەردەپۆشکردنی ئەو دۆخە دەیانەوێت، قەبارەی قاچاخی بەوشێوە نیەو بەڵگە کوا؟، دەیانەوێت بردنی سەدان ملیۆن دۆلاریش بەناوی کۆمپانیاکاریەوە دابپۆشن، دەشڵێت” نەوت و زەوی و خاڵی سنوری دەرگای گەورەی گەندەڵی و ستەمکارین لە کوردستان”.

Read More »

لەتیف هەڵمەت شیعرێکی (هەجوو) بۆ حزبه‌كانی كوردستان دەنووسێت

نووسەر و شاعیری ناسراوی کورد لەتیف هەڵمەت لە نوێترین نوسینیدا شیعرێکی (هەجوو) بۆ حزبه‌كانی كوردستان دەنووسێت.
لە بڵاوکراوەیەکدا شاعیری دیاری کورد لەتیف هەڵمەت لە هەژماری فەرمی خۆی لە تۆڕی کۆمەڵایەتی فەیسبووک شیعرێکی (هەجوو) بۆ حزبەکانی کوردستان دەنوسێت کە ئەمەش دەقی نوسینەکەیەتی:
بۆ حزبه‌كانی كوردستان
حزب دەتوانێ گوێدرێژێکی لای شوان و گاوان
بە بڕیارێک بکات … بە ئەندامی پەڕلەمان …
حزب دەتوانێ کەرێکی دەم بەقەمتەر و پێ بەزنجیر
ببات بۆ ناو ئەنجومەنی وەزیران و بیکات بە وەزیر
حزب دەتوانێ هەندێ ڕژنامەنووس و نووسەر وشاعیر
لەبەر دەرگاکەیدا زنجیر و لغاو بکات … وەکو بارگیر
حزب دەتوانێ گورگ و ڕێوی و ورچ و فیل و کەمتیار
بکات بە بەڕێوەبەری ناحیە و قایمقام و پارێزگار

لەتیف ھەڵمەت لەساڵی ١٩٤٧ لە ناوچەی کەرکووک لەدایکبووە، نووسەر و شاعیر و ڕۆژنامەنووسی بەناوبانگی کوردە، لە ساڵی ١٩٧٩ دەستی کردووە بە نووسین لە بواری منداڵاندا، یەکەم بەرھەمی “جوانترین دێ” بووە کە بڵاوی کردووەتەوە، زیاتر لە بیست دیوانە شێعری هەیە، تا ئێستە ١٧ بڵاوکراوەی بۆ منداڵان ھەیە، ساڵی ٢٠٠٦ بەرھەمەکانی کۆکراوەتە کە دەکاتە ٥٠٠ لاپەڕە ھەروەھا خەڵاتی “ئاپیک”ی لەسەر دیوانی منداڵان وەرگرتووە، چەند جارێکیش خەڵاتی وەزارەتی رۆشنبیری وەرگرتووە

شێرپەنجە.. ئەو مۆتەکەیەی ئاسمانی هەرێمی کوردستانی داپۆشیوە

ئاهو ناڵەی نەخۆشان لەنەخۆشخانەکانی تایبەت بەشێرپەنجەوە بەرزدەبێتەوەو هەموان خەمساردانە تەماشای مەرگییان دەکەن، نەبونی دەرمان‌و بەرزبونەوەی ئامارەکانی توشبون تەنگی بەهەناسەکانی هیوا هەڵچنیوەو حکومەت بێباکانە مامەڵە دەکات. Read More »