Author Archives: admin

تۆرەکانی ئێمە داینەمۆی هاوپشتی و کاری هەرەوەزين!

بەهادين حاجي بەكر دارتاش ناسراو بە ريبوار عارف :    
بارودۆخی ژیان و گوزەرانی خەلکی هەزارو زەحمەتکێشی کوردستان ڕۆژ بە ڕۆژ بەرەو وێران بوون ولێکترازانێکی زیاتر دەچێت. کار بەشوێنێک گەشتووە کە ئەمڕۆ نان و ئاوی خواردنەوە چووتە خانەی ئەو کێشە گەورە کۆمەلایەتیانەی کە هەزاران ئینسان بەدەست نەبوونیانەوە دەنالێنن. Read More »

یەکێتی و مافی خەڵک!

عەبدوڵای مەلا نوری:   
لای من هەردو هاوسەرۆک دو دیوی دراوێکن، دو دیوی بەڵایەکن، دو دیوی سیستمێکی حیزبی و حکومڕانی شکستخواردون.
هەردوکیان لە هەناوی زوڵم و فەسادو بنەماڵەو خیانەتەوە هاتونەتە دەرێ.
وەلێ با بزانین بۆ کابرا وڵاتبەدەر ئەکەن؟ ئایا دزە؟ ئایا قاچاخچیە؟ ئایا زەوی و زاری خەڵکی داگیر کردووە؟ ئایا خۆی و براکانی خەڵکیان کوشتوەو خەڵکیان رفاندووە و خەڵکیان روتکردوتەوە؟ ئایا ڤیدیۆ کلیپیان لە سەر خەڵک دروست کردووە؟ تەنانەت ئایا ژەهریان داوە بە نەیارەکانی خۆیان؟ Read More »

له‌ چاوه‌ڕوانی به‌ربه‌ران

كوسته‌نتین كافافی
و : نه‌ژاد عزیز سورمێ

چاوه‌ڕێی چی ده‌كه‌ین
له‌ گۆڕه‌پانان كۆبووینه‌ته‌وه‌ ؟
به‌ربه‌ره‌كان ئه‌مڕۆ ده‌گه‌ن .
ئه‌نجوومه‌نی پیران بۆ داخراوه‌ و
پیران قانوون دانانێن
كه‌واته‌ بۆ له‌وێ دانیشتوون ؟
چو‌نكه‌ به‌ربه‌ر ئه‌مڕۆ ده‌گه‌ن .
ئێستا پیران چ قانوونێك داده‌نێن ؟
كه‌ به‌ربه‌ره‌كان گه‌یشتن
ئه‌وسا قانوون داده‌نێن . Read More »

حکومەتە دەرپەڕێندراوەکەی ئەفغانستان و حکومەتی هەرێمی کوردوستان دوانەی لە یەکچوون!

حەسەن ڕازانی:      

دەسەڵاتدارانی کوردوستان دەڵێن کوردوستان و ئەفغانستان دووشتی لێکجیاوازن. بۆ سەلمادنی ئەمەش کار گەییشتە ئەوەی کە لە ٢٢-٨-٢٠٢١ لە پەیامێکدا بەڕێزمەسعود بارزانی، سەرۆکی پارتی دێموکڕاتی کوردوستان، لە یەک دوو خاڵدا ئاماژەی بە جیاوازییەکانی نێوان ئەفغانستان و کوردوستان دا. ناوەڕۆک و مەبەستی سەرەکی پەیامەکەی لەوەوە سەرچاوەی گرتبوو کە گوایە لە چەند میدیایەکەوە مەیل و تەوژمێک لە ئارادایە کە دەیانەوێت دڵەڕاوکێ لە نێو خەڵکی کوردوستاندا درووست بکەن. Read More »

باشوری کوردستانم وا بینی

باشوری کوردستانم وا بینی
(میلله‌تێک له‌ ڕه‌وشێکی تاڵ و خه‌وێکی شیریندا)
هیوا ناسیح:   
دوای نزیکه‌ی پێنج ساڵێک سه‌فه‌ری باشوری کوردستانم کرد و پێش چه‌ند رۆژێک گه‌ڕامه‌وه‌، هه‌رچه‌نده‌ زیاتر له‌ ٢٢ ساڵه‌ له‌ کوردستان دوورم، به‌ڵام ئه‌مه‌ یه‌که‌مجاره دوای ماوه‌یه‌کی وا درێژ سه‌ردان بکه‌مه‌وه‌. Read More »

خەڵکی ئەفغانستان بەرەو ڕوی سیناریۆیەکی تاریکتر کرایەوە!

گەڕانەوەی هێزەکانی تاڵیبان بۆ ناو شارەکانی ئەفغانستان و دوبارە وەرگرتنەوەی دەسەڵاتی سیاسی و دامەزراندنی ئیمارەتی ئیسلامی، ئەوەی بۆ خەڵکی جیهان ڕۆشنکردەوە کە ئامانجی جەنگی ئەمریکا و داگیرکاری ئەفغانستان پێش بیست ساڵ لەمەوبەر نە دژی تیرۆر بووه‌ نە بۆ ڕزگاری خەڵکی ئەفغانستان بووە لە ژێردەستەیی کۆنەپەرستترین هێزی میلیشا و دڕندەیەکی وەک تاڵیباندا، Read More »

مەرگی هاورێ عەزیز خەسارەتێکی گەورەیە

به‌ داخ و پەژارەێكی زۆره‌وه‌ هه‌واڵی مه‌رگی له‌ ناكاوی هاوڕێ عه‌زیز محه‌مه‌د عه‌بدوڵلا به‌ په‌تای نه‌گریسی كۆرۆنا هه‌موومانی تاساند. مامۆستا عه‌زیز كه‌ له‌ ناوه‌ڕاستی نه‌وه‌ده‌كانی سه‌ده‌ی پێشوودا و بۆ چه‌ند ساڵێك یه‌كێك بوو له‌ هه‌ڵسوڕاوانی حزبی كۆمۆنیستی كرێكاریی عێراق و هاوكاتیش هه‌ڵسوڕاوێكی به‌رچاوی یه‌كێتی بێكاران و سیمایه‌كی خۆشه‌ویستی ناوچه‌ی ده‌ربه‌دنیخان بوو. دواتریش له‌ گروپ و ڕێكخراوی تردا درێژه‌ی به‌ خه‌بات و كاری سیاسی ئه‌دا. ئه‌و هه‌میشه‌ له‌ به‌شی پێشه‌وه‌ی خه‌باتی جه‌ماوه‌ری بێكار و بێیبه‌شدا بوو له‌ پێناو ژیانێكی باشتر و یه‌كساندا. Read More »

گیان لەدەستدانی هاوڕێ عەزیز عەبدوڵا خەسارەتێکی گەورەیە لە بزوتنەوەی کۆمۆنیستی‌و جووڵانەوەی ئازادیخوازی کوردستان

ئەمڕۆ هاوڕی عەزیز عەبدوڵا کەسایەتی کۆمۆنیست و داکۆکیکاری ماندوویی نەناس لە ماف و ئامانجەکانی خەڵکی زەحمەتکێش و چەوساوە بۆ هەمیشە جێی هێشتین.
هاوڕێ عەزیز کەسایەتیەکی بەرجەستە و هەڵسوراوێکی ناسراوی جەماوەری ناوچەی دەربەندیخان‌و گەرمیان بوو. نزیکەی 40 ساڵ لە خەبات‌و تێکۆشانی کۆمۆنیستی بەردەوام بووە و یەکێک لە دامەزرێنەرانی یەکێتی بێکارانی کوردستان لە دەربەندیخان بووە. Read More »

کاتێک سەرۆکەکان مافیان!

عەبدوڵا مەحـمود:
بەپێی لێدوانی بافڵ تاڵەبانی و لاهور شێخ جەنگی… هەر دووکیان دوو مافیان. ئاخر سەرانەسەندن، داڵدەدانی تاوانباران، رفاندن، قاچاخچێتی، بازرگانی هینانی موادی بەسەرچوو، ساختەکاری ناسنامە، ژەهر خوارد!! کردن، بوونی هێزی چەکداری تایبەت، جاسوسیکردن، پێشلەشکری، دەرکردنی خەڵک لە وڵاتی خۆی… هەموویان کاری مافیایی و گروپە مافیایەکانن.
دیارە کەم هەڵدەکەوێت مافیاکان، خۆیان کەسی یەکەم و دووەمی حزبێکی خاوەن دەسەڵاتێکی دیاریکراو بن. دەشێت سەرۆکی حزبەکان هاوکاری مافیاکان بکەن، پشتیوانیان بن و کەڵک لە هونەری کاری مافیایان بۆ بەرژەوەندی خۆیان وەربگرن، بەڵام ئەوەی کەخۆیان مافیا بن و لە زمانی خۆیانەوە دان بنێن بە کاری مافیاییدا… حاڵەتی ناوازە و دەگمەنە.
بەو پێوانەیە کە هەریەکە لە بافڵ تاڵەبانی و لاهور شێخ جەنگی ئامۆزا!! وەکو کەسی یەکەم و دووەمی یەکێتی نیشتیمانی، دان بە کردەوەی مافیایی یەکتریدا دەنێن و یەکتری پێ تۆمەتبار دەکەن، بەهەمان ئەو پێوانەیە ئەوە بە کۆمەڵگە و ریزەکانی یەکێتی نیشتیمانی کوردستانیش رادەگەیەنن، کە حزبەکەیان حزبێکی مافیاییەو سەرۆکەکانی وەکو کەسی یەکەم و دووەم سەرە گەورەی مافیاکانن. دیارە هێشتا تەنها بەشێکی زۆرکەمیان لەسەر یەکتری وتووەو فایلە شارەوەکانی دەیان ساڵەی دەزگای زانیاری و دژە تیرۆر و کردەوەکانیان، لە تاریکیدان و خۆ ئەگەر هەموو فایلەکان و دۆسیەکان و کارنامەکانیان بخرێتە ڕوو، ئەو کاتە ئاشکرا دەبێت کۆمەڵگە چۆن بۆتە نێچیری ئەو دەزگا و سەرۆکانە. دیارە هێشتا بەهۆی رەقی و ترس لەهەردوو هاوسەرۆک و سەرۆکەکان دەرفەتی هاتنە دەنگی ئەو کەسانە نییە کە پەردە لەسەر ئەو تاوانکاریانە هەڵبدەنەوە کە بەرامبەریان کراوە. لەناوخۆی یەکێتیشدا بەشێک لە مافیا بچۆلەترەکان، یان هاوکاری سەرۆکە مافیاکان، لەلایەکەوە بەهۆی ترس و لەلایەکی تریشەوە بە تێوەگلانیان لە کردەوە تیرۆریستەکان و هاوکاتیش بەهۆی بەسترانەوەی بەرژەوەندیەکانیان لەگەڵ یەکێک لە هاوسەرۆکەکان، بێدەنگن. ئەوە بەجیا لەوەی ژمارەکیشیان لە دۆخی چاوەڕوانیدان. هۆکاری بێدەنگی دەیان و سەدان سەرکردەو کادر و دەیان ئۆرگانی یەکێتی لەبەرامبەر بە هاوسەرۆکەکان و ئەو دۆخەی یەکێتی تێی کەوتووە، نیشانەیەکی ئاشکرایە کە حزبێک و پیوانەیەکی حزبی و ریکخراوەیی لە ئاست زۆری هێزو کەللەشەقی ئامۆزاکاندا، توانایی هیچی نییەو حزب و یەکێتیەکەی مام!! ئیستا بۆتە ئامڕازی دەستی کوڕانی بنەماڵەو ئامۆزاکانیان. لەو نێوەدا لەشکرێکی فراوان لە جەماوەر و لایەنگرانی یەکێتی بوونەتە قوربانی دەستی ئەم سەرۆکە مافیایانە و بۆیان پرسیارە، ئەگەر کەسی یەکەم و دووەمی حزبەکەیان رۆڵی مافیایی بگێرن، دەبێ چ چاوەڕوانیەکیان لەکادرەکانی خوارتر هەبێت؟
چاکسازییەکەی کوڕانی تاڵەبانی، کە لە هەشتی تەموزدا دوای دەستبەسەراگرتنی دەزگا میدیاییەکانی هاوسەرۆک و کەسی یەکەمی حزب گۆرینی بەرپرسی دەزگای زانیاری و دژە تیرۆر لەرێگای زۆری هێز و جوڵاندنی هێز لەشەویکی ئەنوگوستەچاودا بە بازدان بەسەر ئۆرگانە حزبیەکاندا، دەستیان بۆبرد، نەک هەر کردەوەیەکی مافیایییە، بەڵکو هاوکات گەورەترین سوکایەتی بوو بەبنەما ریکخراوەیەکان و ئۆرگانە هەمەچەشنە حزبییەکان، و لەپیش هەموشیانەوە بێئابروکردنی مەکتەبی سیاسی، ئەنجومەنی سەرکردایەتی و ئەنجومەنی باڵای پاراستنی بەرژەوەندیەکانی یەکێتی!! بوو. دەستبردن بۆ چاکسازی رێک دوای چەک کردنی بەشێکی زۆر لە تواناییەکانی هاوسەرۆکی ئامۆزاو دانانی دەیان بازگە لەژێر ناوی ڕیگەگرتن لە چەکی بێ مۆڵەت و سەیارەی جام ڕەش و گرتن و دەرکردن و نان بڕینی لایەنگرانی لاهور شیخ جەنگی و تا رادەی قومیشکردنی دادگایەکی خەوێنراو… هەموویان کاری مافیایین لەناو باڵەخانەی رێکخراوەیی یەکێتیدا. ئەگەر بریار بێت چاکسازییەک بکرێت، دەبوو بافڵ تاڵەبانی و هاوکارەکانی وەکو تۆمەتباری سەرەکی رادەستی دادگا بکرێن، بەڵام هەی هوو کوا داواکاری گشتی و کوا دادگا؟…
لەبەرامبەردا نمایش و ئاژیتاسیۆنی لاهور شێخ جەنگی و کۆکردنەوەی لایەنگرە چەکدارەکانی لەبەردەم ماڵەکەی و هەرەشە ئەوەی کە دەیان بەڵگەی لەسەر تاوان و کارە قێزەونەکانی ئامۆزای هاوسەرۆکی لەبەردەستدایە تا دەگاتە ئەوەی کە بانگەشەی نەرم نواندنی بکات و پەنا بە ڕیکارە حزبیی و یاساییەکان ببات، هەڵویستیکی مەکیافیلی و پۆپۆلیستی ئاشکرا و مانۆرێکی ڕوونە کە بەگۆرانی هاوسەنگی هێز بەزیانی خۆی ناچارە پەنای بۆببات. لاهور جەنگی، کە خۆی چەندین ساڵ بەرپرسی دەزگای دژە تیرۆر بووە، بەپێی بەڵگە راگەیاندراوەکان، ئەم دەزگایە دەستی لە رفاندن و تاوانی کوشتن و هاوکات لە سەرانە سەندن و بازرگانی کردن و دەست تیکەڵکردن لەگەڵ حەشدی شەعبی و چاوساغی و خۆشخزمەتی بە ئیران و هاوکارەکانی هەیە، هیشتا لێدوانی ئاراس شیخ جەنگی لەبەردەستە کە باسی بێ رۆڵی پیشمەرگەو دەزگای دژە تیرۆر دەکات لەشەری دژی داعش کە دەڵی ” ئەمریکا بە تەیارە داعشی تێک دەشکاندن و ئێمەش سێڵفیمان دەگرت” یان ” لەبەرامبەر بە گەڕانەوەی سوپاو حەشدی شەعبی بۆ کەرکوک و ناوچە جێ ناکۆکەکان، باسی لە ئارامی و هیچ روونەدان دەکرد و بانگەوازی خەڵکی دەکرد بچین لە گازینۆکان “دۆمینە” بکەن… لە ئیستادا ئەو قارەمانە دیار نییە لە کوێی ئارام دا، خەریکی دۆمینەکردنە.
بەکورتی، بافڵ و هاوکارەکانی… بە دان پیانانی خۆیان جگە لە کۆمەڵیک مافیا، کە بەکەڵک وەرگرتن لە پێگەی جەلال تاڵەبانی لەناو یەکێتی و بزوتنەوەی کوردایەتیدا و لەڕیگای دەستبەسەراگرتنی چەک و داهاتی یەکێتی و خۆ هەڵواسین بە جەماوەر و لایەنگرانی یەکێتی… زیاتر هیچی تر نین و کۆمەڵیک مافیا و دزی ئاشکران و سامان و سەروەتەکەیان و بۆندە بازرگانیەکانیان، گەواهی ئەو راستیانەن و بافڵ تاڵەبانی هاوکارەکانی، چەندەش سەرکردایەتی حزبەکەیان بێدەنگەی ئابڕوبەرانە بۆخۆیان درێژە پێبدەن، ناتوانن خەڵکی کوردستان فریوی بانگەشە ساختەکارانەو مافیایان لەژیر ناوی چاکسازی و نوێبوونەوەی یەکێتیدا بکات. ئاخر یەکەم هەنگاوی چاکسازی بە پاکسازی ناوخۆیی و کارێ شەقاوەچیتی و ژێرپێخستنی ئۆرگانە حزبیەکان و بریارەکانی دەست پێبکات، ئاشکرایە کە رووی ئەم رەوتە روو لە شکست و ریسواییە و دەوڵەمەندکردنی کارنامەی تاوانکارانەی حزبەکانی بزوتنەوەی کوردایەتییە، لە میژووی هاوچەرخدا.
لاهورو هاوکارەکانیشی کە توانایی چەک و میدیاییان دەستی بەسەردا گیراوە و تا ڕادەیەکی زۆریش پەڕو باڵیان کراوە، هاوسەنگی هێز بەزیانیان شکاوەتەوە، ناتوانن لەبەرامبەر بەرەوتی بنەماڵەی تاڵەبانیدا پێگەی پیشویان بەدەست بهێنەوەو ببنەوە بە لایەنێکی بریاردەر لە ناو یەکێتیدا. هەروەها هاش و هوشی ئەنتی پارتی بوون بەبێ ئەوە ئەلگۆیەکی نوێ و جیاواز و باشترت نیشان دابێت، بەشوێنێک ناگات. جەماوەری لەخوارەوەی یەکێتیش، وەکو بەشێکی بەرین لە جەماوەری کوردستان چاویان لەکردەوە و دەستکەوت و رادەی بەرینبوونەوەی ئازادییەکان و مافە فەردی و مەدەنیەکانە… نەک هات و هاوار. گرتنە بەری رێگەی نەرم، لەگەڵ دەسەڵاتی مافیایی و رەقدا، خۆکوژییە. گرتنە بەری ڕیگای دادگا، کاتێک دادگا بەکردەوە هیچ کارەو ئەڵقەلەگۆی هێزە دەسترۆشتوەکانە، دەستگرتنە بە تاڵە پوشێکەوە. چاوەڕوانی لەوەی حزب رێکاری پەیرەوی ناوخۆ بگریتەبەر و رێ شوێنی حزبی بۆ یەکلاییکردنەوەی ناکۆکی بنەماڵە پەیڕەو بکات، لە کاتێکدا ئەو حزبە و ئۆرگانەکانی لەبەرامبەر سەرۆکی مافیایی باڵادەستی حزبیدا، مێشیش میوانیان نییەو قڕو قەپیان لێکردووە، ناحاڵی بوونە لەدەسەڵاتی میلێشیایی و نەریتی پاوانخوازی بنەماڵەیی. دیارە ئەگەر لاهورو هاوکارەکانی هێزی دژە تیرۆر و زانیاریان لەدەست دەرنەهێنرابا، هێندە مویان بۆ نەرمی نواندن و رێگایی یاسایی و ملدان بە ڕیوشوێنە ریكخراوە حزبیەکان نەرم نەدەبوو… ئەو نەریتەی لاهور پشتی پێ بەستووە بۆ هەڵسانەوەی خۆی و هاوکارەکانی، دیبلۆماسیەتێکی بێ ئاکامە، چونکە پشتی بەهێز و توانایی هیچ پرۆژەیەکی سیاسی هەمەگیر نەبەستووە کە جەماوەرێکی فراوان بە هی خۆیانی بزانن.
جەماوەری ئازادیخوازی کوردستان و لەشکری فراوانی جەماوەری یەکیتی نابێت هیچ خۆشباوەڕیەکیان بە هیچ کام لەبانگەشەکان بەرەی بنەماڵەی تاڵەبانی و بەرەی لاهور جەنگی هەبێت… بەتایبەتی کە کێشەی نێوانیان دورو نزیک پەیوەندی بە هیچ ماف و خواست و داواکارییەکی خەڵکی کوردستانەوە نییە و بەرۆشنی بۆ هەموو لایەک دیارە کە کێشە لەسەر پۆستی سەرۆکایەتی یەکێتییە… ئەوانەی دەڵێن کێشەی نیوان بافڵ و لاهور کیشەی سیاسییە، زۆر چاک دەزانن درۆیەکی شاخدار دەکەن… بێگومان شەرمیش لە درۆ ناکەن و ئولفەتیان پێوەی گرتووە…

ناوەراستی ئابی ٢٠٢١

دڵشاد مەریوانی…ناوێکی دیار و گۆڕێکی ون!!

جەمال نوری:   
گەربمانەوێت باس لەژیانی دڵشاد مەریوانی بکەین، ئەوا بەسەدان و هەزاران وتارو لێکۆلینەوە تەواو نەبێت، چون دڵشاد کەسێکی ڕۆشنبیرو خوێنەوارێکی فرەڕەهەند بووە، واتە دڵشاد مەریوانی تەنها لەبوارێک لەبوارەکانی ئەدەبدا کاری نەکردوە، بەڵکو لە تەواو ژانەرەکانی ئەدەبدا ڕۆڵێکی دیاری بینیوە وەک لەنوسینی شیعر و چیرۆک و یاداشت و کورتە فلم و سناریۆ و شانۆو درامادا وەک کەسێکی دیارو خاوەن شوناسی تایبەت بەخۆی حزوری هەبووە لە هەموو ئەو بوارانەدا. Read More »